Naúü̃ 2:11 - Tupanaarü Ore

¹¹ Rü yima ĩane ya Nínibe rü ñoma leóü̃ maxü̃rüxü̃ nixĩ ga noxri. Rü guma ĩanewa nixĩ ga norü duü̃xü̃gü rü naxacügümaxã taãẽãcüma namaxẽxü̃ ñoma leóü̃gü rü naxacügümaxã naxmaxü̃wa namaxẽxü̃rüxü̃. Rü taxúema tanachixewe. ¿Natürü ta̱xacü yixĩxü̃ i ñu̱xma nüxü̃ ngupetüxü̃ ya yima ĩane, rü ta̱xacü yixĩxü̃ i nawa yaxǘgüxü̃?

Naúü̃ 2:11 Referans Kwoze

Ichaía 5:29

Rü naga i ngẽma norü churaragü rü ñoma wüxi i leóü̃ i aexü̃xü̃ ingũ̱xunecüxüxü̃rüxü̃ nixĩgü. Rü nayange i naeü̃ rü taxúema tapora nax nüxna tanapuxü̃.

Yeremía 2:15

¿Rü ta̱xacüca̱x norü uanügü ñoma leóü̃gü nada̱i̱xü̃rüxü̃ nanadai, rü tagaãcü aita naétü naxüe? Rü nachixü̃ane rü nachitaxü̃icatama ínayaxü. Rü norü ĩanegü rü ínanagu. Rü taxúema nawa tayaxü.

Chofonía 3:3

Rü ngẽma curü ãẽ̱xgacügü i cumaxã icua̱xgüxü̃ rü ñoma leóü̃gü i ngĩnetanücüüxü̃rüxü̃ nixĩgü. Rü ngẽma curü ãẽ̱xgacügü i guxchaxü̃güarü mexẽẽruü̃gü rü ñoma airugü i ínachianexü̃wa maxẽxü̃rüxü̃ nixĩgü. Rü ñoma airugü i guxü̃ma ngṍxü̃ rü bai i naxchina̱xã i norü moxü̃ãcüruxü̃ íyaxüxẽẽxü̃rüxü̃ nixĩgü i ngẽma curü ãẽ̱xgacügü i guxchaxü̃güarü mexẽẽruü̃gü.

Naúü̃ 3:1

¡Cugümaxã nangechaü̃, Pa Ĩane ya Máetane! Rü cuma rü doramaxã rü daimaxã cunapa. Rü ngẽma nax cuwa nangĩ́ta̱xagüxü̃ rü tama inayacua̱x.

Yeremía 50:44

Rü ngürüãchi tá ngéma changu ñoma wüxi i leóü̃ i natü i Yudáü̃arü naixnecüwa igoxochixü̃ nax maxẽnecüwa naeü̃na yuxuxü̃rüxü̃. Rü ngẽxgumarüxü̃ tá namaxã chanaxü i Babiróniacüã̱x, rü nachixü̃anewa tá chayabuxmüxẽxẽ. Rü ngéma tá nüxü̃ chaxuneta i ngẽma ãẽ̱xgacü i choma chanaxwa̱xexü̃ nax ngẽma naanemaxã inacuáxü̃ca̱x. ¿Rü texé chomaxã tawüxigu? ¿Rü texé tá chomaxã tügü tadaixchaü̃? ¿Rü ta̱xacürü dauruxü̃ tá chope̱xewa nügü ínapoxü̃?

Yeremía 50:17

Ngẽma Iraétanüxü̃ rü ñoma wüxi i carnéru i rütaxuxü̃ i leóü̃gü nawe ingẽxü̃tanüxü̃rüxü̃ nixĩgü. Rü noxri rü yema Achíriaanearü ãẽ̱xgacü nanadai. Rü yemawena rü Babiróniaanearü ãẽ̱xgacü ga Nabucudonochó rü nanadai ga yema duü̃xü̃gü ga yéma yaxǘgüxü̃.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Ichaía 31:4

Rü nüma ya Cori ya Tupana rü choxü̃ ñanagürü: —Wüxi i leóü̃ i carnéruxacü tüxü̃ imáxü̃ rü tama niña ega woo guxü̃ma i ngẽma carnérugüarü dauruü̃gü wüxigu aita naétü üegu. Rü ngẽxgumarüxü̃ tá nixĩ ya Cori ya Tupana ya Guxü̃étüwa Ngẽxmacü i ngẽxguma ma̱xpǘne ya Chióü̃gu ínaxĩ̱xgu nax Yerucharéü̃xü̃ ínapoxü̃xü̃ca̱x.

Naanearü ügüchiga 49:9

Cumax, Pa Chaunex, Pa Yudáx, Rü ñoma wüxi i leóü̃xacürüxü̃ quixĩ. Rü ngẽxguma naeü̃ nangõ̱xguwena rü nayarümaxãchi rü waixü̃müanegu naca ñoma leóü̃ i yáxü̃rüxü̃. ¿Rü texé tá tanachixewe i ngẽxguma?

Iraétanüxü̃arü muxchiga 23:24

Rü ngẽma duü̃xü̃gü i Iraétanüxü̃ rü ñoma wüxi i leóü̃rüxü̃ nixĩgü. Rü ngẽma leóü̃ i yauxẽü̃chaü̃xü̃ rü tama ínayachaxãchi ñu̱xmata nüxü̃ nanguxü̃ i ngẽma naeü̃ i yayauxchaü̃xü̃ nax nagüwa naxaxexü̃ca̱x —ñanagürü.

Echequié 32:2

—Pa Yatüx, ¡nagu nawiyae i ñaa ngechaü̃arü wiyae i Equítuanearü ãẽ̱xgacü i Faraóü̃gu ixuxü̃ rü ñaxü̃! “Cumax, Pa Equítuanearü Ãẽ̱xgacü i Faraóü̃x, rü ñoma wüxi i leóü̃rüxü̃ quixĩ natanüwa i ngẽma togü i nachixü̃anegü. Rü cuma rü ñoma coya i taxü̃ i taxtü i Níruwa icháuxacüüxü̃rüxü̃ quixĩ. Rü cuparacutümaxã quichauxacüxü rü ícunabuxchixü i ngẽma dexá rü cunayuapexẽxẽ i ngẽma taxtü.

Miquéa 5:6

Rü nümagü tá nixĩ i norü taramaxã Nimróxchixü̃ane i Achíriaanemaxã inacua̱xgüxü̃. Rü tá tüxü̃ ínanguxü̃xẽxẽ naxme̱xwa i ngẽma Achíriaanecüã̱xgü i tórü naanearü üyexü̃ chopetüxü̃ nax tüxna napugüãxü̃ca̱x i tórü naane.

Naúü̃ 2:12

¿Rü ñu̱xma rü ngexü̃ yixĩxü̃ i ngẽma perü pora ga noxri namaxã perü uanügüxü̃ pedaixü̃, ñoma leóü̃ naeü̃xü̃ imáxü̃rüxü̃? Rü pema rü pegü peyanu ga norü yemaxü̃gü ga yema duü̃xü̃gü ga peda̱i̱xü̃ ñoma leóü̃ naxma̱xmaxã rü naxacügümaxã nügü yanuxü̃rüxü̃ i ngẽma naeü̃machi. Rü pema rü peyapaxẽxẽ ya pepatagü namaxã ga yema yemaxü̃gü ga perü uanügüna pepuxü̃xü̃ ñoma leóü̃ rü ngẽma naeü̃machi i nüxü̃́ íyaxüxü̃maxã naxma̱xü̃ yapaxẽẽxü̃rüxü̃.

Ichaía 13:7

Rü ngẽxguma i guxü̃ma i duü̃xü̃gü i Babiróniacüã̱x rü tá inarümaachitanü rü tá ningearü poraã̱x.

Joel 2:6

Rü duü̃xü̃gü rü muü̃maxã tá nidu̱xrue i ngẽxguma nüxü̃ nadaugügu. Rü guxü̃ma nayacho̱xõchichametügü.