Naúü̃ 1:8 - Tupanaarü Ore

⁸ Natürü yíxema tama naga ĩnüexe rü tá tüxü̃ nadai ñoma dexá tümaétü iñaxü̃chiüxü̃rüxü̃. Rü yíxema norü uanügü rü ẽanexü̃wa tá tangexmagü.

Naúü̃ 1:8 Referans Kwoze

Echequié 13:13

Rü ngẽmaca̱x i choma i Cori ya Tupana rü nüxü̃ chixu rü chorü numaxã tá íchananguxẽxẽ i wüxi ya buanecü ya íxã̱ũ̱xẽmacü. Rü chorü numaxã tá tacü ya pucü íchananguxẽxẽ. Rü gáuxü̃ i tapütaxü̃ tá charüyi̱xẽxẽ nax ngẽmaãcü chorü numaxã chanaxoxẽxẽ i guxü̃ma.

Ichaía 28:17

Rü choma rü tá mea chanangugü i ngẽma naxüxü̃ i wüxichigü i duü̃xü̃gü. Rü guxü̃ma i ngẽma chaxüxü̃ rü aixcüma nawe̱xgu. Pema rü nüxü̃́ peyaxõ i ngẽma uneta i Equítuanemaxã pexüxü̃ nax pexü̃ ínapoxü̃xü̃, natürü ngẽma rü wüxi i doramare nixĩ rü gáuxü̃pütagü tá naétügu narüyi rü tá inayanaxoxẽxẽ. Rü taxü̃ i dexá tá ínananguxẽxẽ i perü cu̱xchicaxü̃ —ñanagürü ya Tupana.

Ichaía 8:22

Rü ñu̱xũchi tá ñaa waixü̃müanegu narüdaunü, rü ngẽma nüxü̃ nadaugüxü̃ tá nixĩ nax nataxuma i ta̱xacürü õna. Rü ẽanexü̃xü̃xica tá nadaugü rü ngúxü̃ tá ningegü. Rü guxü̃watáma nachüta rü nawaanemare.

Chofonía 2:13

Rü nüma ya Cori ya Tupana rü nórteguama tá nawéxme̱x nax iyanaxoxẽẽãxü̃ca̱x i Achíriaane. Rü yima ĩane ya Nínibe rü tá nanangeãcuxẽẽmare, rü wüxi i chianexü̃ i ípamarexü̃xü̃ tá nayangucuchixẽxẽ.

Amúx 8:8

Rü ngẽmaca̱x i ñoma i naane rü tá nixĩã̱xcüxü rü norü duü̃xü̃gü rü tá naxauxe. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃

Ore i mexü̃ ga Matéu ümatüxü̃ 8:12

Natürü muxü̃ma i Iraétanüxü̃ rü taxũtáma nichocu i ngextá Tupana ãẽ̱xgacü íxĩxü̃wa. Rü ẽanexü̃wa tá nawogü. Rü ngéma tá naxauxe, rü tá nixü̃́xchapütagü —ñanagürü.

Ore i mexü̃ ga Matéu ümatüxü̃ 7:27

Rü pucü ga tacü ínangu, rü narübaigü ga natügü, rü tacü ga buanecügü nixũũchi rü nagu nanguema ga gumá ĩ, rü niwa̱xtaü̃. Rü yexma nayarüxo ga guma ĩ”, ñanagürü ga Ngechuchu.

Naúü̃ 2:8

Rü Nínibecüã̱xgü rü nibuxmü naxrüxü̃ i natüarü dexá i tama íyachaxãchixü̃ ega yawãxnagu i norü poyexü̃ruxü̃. Rü duü̃xü̃gü rü tagaãcü nüxna nacagüe rü ñanagürügü: —¡Ípeyachaxãchitanü! ¡Pegü peyawoegu! —ñanagürügü. Natürü taxuxü̃ma nügü nawoegu.

Naúü̃ 1:1

Ñaa nixĩ ga yema ore ga Naúü̃ ga Ercúcüã̱x Tupanaxü̃tawa nayaxuxü̃ ga yexguma nango̱xetügu. Rü yema ore rü ĩane ga Nínibearü poxcuchiga nixĩ.

Danié 11:40

Rü ngẽxguma nawa nanguxgu nax nügü nada̱i̱xü̃ rü ngẽma súr-arü ãẽ̱xgacü rü tá ngẽma nórtearü ãẽ̱xgacüca̱x ínayagoõchi. Natürü ngẽma nórtearü ãẽ̱xgacü rü ñoma wüxi ya buanecü ya íxãũxẽmacürüxü̃ tá naxca̱x niñaama. Rü carugü i dairuxü̃ ixĩgüxü̃maxã, rü churaragü i cowarutagu ixĩxü̃maxã tá nayapaxẽxẽ i ngẽma nachixü̃ane. Rü tá namu ya norü wapurugü.

Danié 11:22

Rü nüma i ngẽma ãẽ̱xgacü i chixecümaxü̃ rü ñoma mucü ya tacü ya guxü̃ma iyarüxoxẽẽcürüxü̃ tá inayanaxoxẽxẽ i norü uanügüarü churaragü. Rü tá ínanata̱xüchi i ngẽma ãẽ̱xgacü i namaxã uneta naxuchiréxü̃.

Danié 9:26

Rü ngẽma 62 i yüxüwena rü tá nayama̱xgü ya yima ãẽ̱xgacü ya mecü. Rü ngẽmawena rü tá ningucuchi i wüxi i ãẽ̱xgacü. Rü ngẽma norü duü̃xü̃gü rü tá nagu napogüe ya Yerucharéü̃ rü yima Tupanapata ya taxü̃ne. Rü ngẽma Yerucharéü̃gu nax napogüexü̃ rü ñoma wüxi ya mucü ya ngürüãchi guxü̃wama inanguanexẽẽcürüxü̃ tá nixĩ. Rü ngẽma dai rü taxũtáma ínayachaxãchi rü ñu̱xmatáta mea nagu napogüe ya yima ĩane, yerü yemaacü nanaxuegu ga Tupana.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Ucu̱xẽgüchiga 4:19

Natürü ngẽma nacüma i nagu naxĩxü̃ i ngẽma duü̃xü̃gü i chixexü̃gu maxẽxü̃, rü wüxi i ẽanexü̃ nixĩ, rü ngẽmaca̱x tama nüxü̃ nacua̱xgü nax ta̱xacügu yanapucutügüxü̃.

Yox 30:15

Rü poraãcü chamuü̃, rü yema nax duü̃xü̃gü chomaxã taãẽgüxü̃ rü ñoma buanecürüxü̃ choxna niña. Rü yema mexü̃ ga nawa chayexmaxü̃ rü narüxo ñoma caixanexü̃ rüxoxü̃rüxü̃.

Danié 11:10

Natürü ngẽma nórtearü ãẽ̱xgacü nanegü rü daixca̱x tá nügü ínamexẽẽgü, rü muxü̃tama i churaragü tá nanutaque̱xegü. Rü wüxi i ngẽma nane rü norü churaragümaxã tá súranegu naxücu, rü guxü̃táma inayarüxoxẽxẽ ñoma mucü ya tacü ya guxü̃ma irüxoxẽẽcürüxü̃. Ngẽmawena rü wena tá ngẽma súrcüã̱xü̃ nadai rü ñu̱xmata ngẽma súranearü ãẽ̱xgacüarü poxü̃chicawa nangugü.

Yox 40:11

¡Rü nüxü̃ nadau i ngẽma nügü írütagüxü̃ rü curü numaxã naxãneexẽxẽ! ¡Rü nüxü̃ nadau i ngẽma chixexü̃arü üruü̃gü rü yanaxoxẽxẽ i ngextá ínangexmagüxü̃wa!

Ichaía 13:9

Rü marü nawa nangu i ngẽma ngunexü̃ i ãũcümaxü̃ i nagu Tupana norü numaxã tá chianexü̃xü̃ yanguxuchixẽẽxü̃ i ñaa naane. Rü tá nanadai i ngẽma duü̃xü̃gü i chixexü̃arü üruü̃gü i ngẽma naanewa ngẽxmagüxü̃.

Ichaía 13:10

Rü ngẽma i ngunexü̃gu rü ngẽma woramacurigü rü ẽxtagü i daxũguxü̃ i naanewa ngẽxmagüxü̃ rü tá nixogü. Rü üa̱xcü rü noxri tátama iyanagoxgu rü nixo, rü tauemacü rü tá ta nixo.

Ichaía 28:2

Rü ngẽmaca̱x nüma ya Cori ya Tupana rü ngéma tá nanamugü i norü uanügü i churaragü i poraxüchixü̃. Rü ñoma gáuxü̃ i dauxü̃wa rüyi̱xü̃rüxü̃ rü buanecü ya taxüchicü ya ĩpatagügu pogüxü̃rüxü̃ tá nixĩgü. Rü ñoma pucü ya taxüchicü ya guxü̃wama nanguanexẽẽcürüxü̃ ta nixĩgü i ngẽma churaragü. Rü ngẽma norü uanügü i churaragü rü tá nagu napogüe ya yima ĩane ya Chamária ya namaxã nügü yacua̱xüü̃güne i ngẽma duü̃xü̃gü i ngãxwa̱xegüxü̃ i Efraíü̃anewa ngẽxmagüxü̃.

Yeremía 51:64

¡Rü ñu̱xũchi rü ñacurügü tá: “Ngẽmaãcü tá nixĩ i nanguxü̃ ya Babirónia. Rü tagutáma wena ínarüda nawa i norü guxchaxü̃gü i Cori ya Tupana tá naxca̱x ngéma mugüxü̃”, ñacurügü tá! —ñanagürü ga Yeremía. Rü ngẽxma nixĩ i yaguxü̃ i Yeremíaarü ore.

1 Chamué 2:9

Tupana rü tüxna nadau ya yíxema naga ĩnüexe natürü ngẽma tama naga ĩnüexü̃ rü ẽanexü̃gu nayue. Erü taxúema nüxü̃ tacua̱x nax tümaarü poramaxãtama tügü tamaxẽẽxü̃.

Ichaía 28:18

Rü ngẽxguma pexca̱x tá ínangugügu i perü uanüarü churaragü i ãũcümaxü̃, rü tá pexü̃ narüporamaegü. Rü ngẽxma tá narüxomare i ngẽma perü uneta i Equítuanemaxã pexüxü̃ rü perü uanü tá pexü̃ nadai.