Biblia Todo Logo
Bib sou entènèt

- Piblisite -




Naúü̃ 1:6 - Tupanaarü Ore

6 ¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.

Gade chapit la Kopi




Naúü̃ 1:6
31 Referans Kwoze  

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.


¿Natürü texé tá namaxã tapora ya yimá Cori i ngẽma ngunexü̃ i nagu ínanguxü̃? ¿Rü texé tá nape̱xegu tachiama? Erü ngẽxguma ínanguxgu rü ñoma wüxi i üxüemaãcü tá ínangu nax yamexẽẽgüãxü̃ca̱x i tórü maxü̃. Rü ñoma wüxi ya chaũrüxü̃ tá inanayi̱xẽxẽ i guxü̃ma i tórü ãũãchixü̃.


Rü nüma ya Cori ya Tupana rü poraãcü nüxü̃́ tachu̱xu ya yíxema nüxü̃ ngechaü̃güxe rü tüxü̃ napoxcue ya yíxema tama naga ĩnüxe. Rü ngẽma norü uanügümaxã rü nanu.


Erü cuma rü cuxãũcümaxü̃chi. ¿Rü texé tapora nax cupe̱xewa itachiamaxü̃ i ngẽxguma cuma tümamaxã cunuxgu?


Rü Equítuane rü tá chayagu. Rü yima ĩane ya Chíü̃arü duü̃xü̃gü rü tá poraãcü ngúxü̃ ningegü. Rü yima ĩane ya Téba rü tá nagu napogü i norü poeguxü̃, rü yima ĩane ya Ménfi rü guxü̃gutáma guxchaxü̃wa nangẽxmaecha.


Rü Cori ya Tupana rü poraãcü yema Chióü̃cüã̱xgümaxã nanu, rü düxwa marü tama yáxna namaxã naxĩnü ga norü nu. Rü yemaca̱x nayagu ga guma ĩane rü nixa ñu̱xmata nawa nangu ga gumá nutagü ga tacü ga nawa inaxügücü ga guma ĩane.


Rü nüma ga Cori ya Tupana rü ñoma wüxi i uanü i marü norü würamaxã imaxnetachaxü̃xü̃rüxü̃ nixĩ. Rü ñoma wüxi i uanürüxü̃ nanadai ga guma ĩanearü ngextü̱xücügü rü pacügü. Rü ñoma wüxi ga üxüemarüxü̃ nixĩ ga Cori ya Tupanaarü nu ga namaxã yaguãxü̃ ga napata ga guma ĩane ga mexẽchine ga Chióü̃wa yexmane.


Rü tama nixĩ i Iraétanüxü̃maxã chanuxü̃, natürü ngẽxguma nangẽxmagügu i tama chauga ĩnüexü̃, rü choma rü tá ichayanaxoxẽxẽ ñoma tuxu rü natüane iguxü̃rüxü̃.


Rü ngẽmaca̱x ya Cori ya Tupana ya Guxãétüwa Ngẽxmacü rü ngẽma ãẽ̱xgacüca̱x rü norü churaragüca̱x tá ínananguxẽxẽ i wüxi i da̱xaweane i poraxü̃, rü wüxi i axüne i ñoma üxüwa ixaxü̃rüxü̃, rü ngẽmaãcü tá nanangearü poraã̱x i ngẽma uanügü i nügü írüporaexü̃.


Pa Tupanax ¿texé nüxü̃ tacua̱x nax poraãcü naxãũcümaxü̃ i curü nu? ¿Rü texé nüxü̃ tacua̱x i ngẽma curü nu nax naxca̱x tamuü̃xü̃?


Rü nüma ga Cori ya Tupana rü ñanagürü nüxü̃: —¡Ínaxũxũ rü chopexe yachi ya daa ma̱xpǘneétüwa! —ñanagürü. Rü nüma ga Ería rü yemaacü nanaxü. Rü nüma ga Cori ya Tupana rü yéma naxüpetü. Rü wüxi ga poraxüchicü ga buanecü rü nagu nangu ga guma ma̱xpǘne, rü nabu rü ga nutagü rü nipue rü narüyiixü̃chipanü, natürü nüma ga Tupana rü tama gumá buanecüwa nayexma. Rü gumá buanecüwena rü naxĩã̱xãchiane, natürü nüma ga Tupana rü tama yema ĩã̱xãchianewa nayexma.


Rü yema norü ãgümücü ga orearü ngeruxü̃ rü üa̱xcüétügu nayabaãcu ga norü copu. Rü yemaacü poraãcü nananaiemaxẽxẽ ga üa̱xcü nax yema norü naiemaxü̃maxã ínaguãxü̃ca̱x ga duü̃xü̃gü.


Rü ñu̱xũchi nüxü̃ chaxĩnü ga wüxi ga naga ga tagaãcü gumá Tupanapata ga taxü̃newa inaxũxü̃ ga ñaxü̃ nüxü̃ ga yema 7 ga orearü ngeruü̃gü: “¡Ngéma pexĩ, rü naaneétügu peyabagüãcu i ngẽma 7 i copugü i Tupanaarü numaxã ixããcuxü̃!” ñanagürü.


Erü marü ínangu i ngẽma ngunexü̃ i ãũcümaxü̃ i nagu norü numaxã napoxcuexü̃ i duü̃xü̃gü. ¿Rü texé tá namaxã tapora i ngẽma?” ñanagürügü.


¡Rü nüxü̃ nadau i ngẽma nügü írütagüxü̃ rü curü numaxã naxãneexẽxẽ! ¡Rü nüxü̃ nadau i ngẽma chixexü̃arü üruü̃gü rü yanaxoxẽxẽ i ngextá ínangexmagüxü̃wa!


Pa Cori Pa Tupanax, ngẽxguma chi nüxü̃ cudawenügu i ngẽma chixexü̃gü i cupe̱xewa taxüxü̃ ¿rü texé chi cupe̱xewa tame?


Rü ngẽxguma tá nawa nanguxgu i ngẽma ngunexü̃ rü choma rü chorü numaxã tá chayadu̱xruxẽxẽ i daxũguxü̃ i naane. Rü chorü nugagu rü ñoma i naane rü tá nixũgachi i nachicawa.


Rü nüma ya Tupana rü tá üxüemagu ínangu rü yima norü carugü ya daiwexü̃ rü ñoma wüxi ya buanecü ya íxã̱ũ̱xemacürüxü̃ tá nixĩgü. Rü tá nanapoxcue i norü uanügü, rü ngẽma norü poxcu rü ñoma üxüema iya̱u̱xraxü̃rüxü̃ tá nixĩ.


Rü ñu̱xmatatama pegu chananguxẽxẽ i ngẽma chorü nu rü ngẽxgumaxica tá nixĩ i charüngüxmüxü̃. Rü pexna tá naxca̱x chaca i ngẽma pecüma i chixexü̃. Rü ñu̱xũchi tá pexü̃ chapoxcue naxca̱x i guxü̃ma i ngẽma chixexü̃gü i nagu pemaxẽxü̃.


Rü ngẽma chorü nu rü tá cugu chananguxẽxẽ ñoma wüxi i üxüema i ãũcümaxü̃rüxü̃. Rü ngẽma duü̃xü̃gü i taxúema ngechaü̃güxü̃ rü máxwa̱xegüxü̃me̱xẽgu tá cuxü̃ changuxẽxẽ.


Rü tá chayagu i ngẽma naane i Magóx. Rü ngẽma duü̃xü̃gü i ngẽma nachixü̃anegü i márpechinüwa taãẽãcü maxẽxü̃ rü naétü tá chanayixẽxẽ ya üxüema. Rü ngẽxguma tá nixĩ i choxü̃ yacua̱xãchitanüxü̃ nax choma yixĩxü̃ ya Cori ya Tupana.


¡Nüxü̃ perüxoe i ngẽma perü chixexü̃ i Tupanape̱xewa pexügüxü̃! ¡Rü naga pexĩnüe ñoma rü ta nangema i ngunexü̃ naxü̃pa nax pexü̃ ínawogüxü̃ ñoma maxẽchapa̱xa buanecü ngexta cuegüxü̃rüxü̃, rü naxü̃pa nax nawa nanguxü̃ i ngẽma ngunexü̃ i ãũcümaxü̃ i norü numaxã nagu pexü̃ napoxcuexü̃ ya Cori ya Tupana!


Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.


Rü ngẽxguma nanuxgu ya Tupana rü nachicawa nayaxĩgachixẽẽgü ya ma̱xpǘnegü. Natürü taxúema nüxü̃ tacua̱x nax ta̱xacüca̱x nabuxü̃.


Rü ngẽxguma nanuxgu ya Tupana rü muü̃maxã nadu̱xruxãchitanü ya yima ma̱xpǘnegü ya caixanexü̃tüxü̃wa ngẽxmagüne.


Rü daxũguxü̃ i naanewatama marü cunaxuegu i curü poxcu namaxã i ngẽma chixexü̃ ügüxü̃. Rü ngẽmaca̱x i ñoma i naane rü nidu̱xru rü nachianemare i ngẽxguma cunaxuegu̱xgu i curü poxcu naxca̱x i ngẽma chixexü̃ ügüxü̃ rü ícunanguxü̃xẽẽgu i ngẽma curü duü̃xü̃gü i togü chixri namaxã icua̱xgüxü̃.


Rü Chióü̃wa nidu̱xruxe i ngẽma chixexü̃gu maxẽxü̃. Rü ngẽma tama yaxõgüxü̃ rü poraãcü namuü̃e rü ñanagürügü: —¿Texé chi i tatanüwa tamaxama naétüwa ya yima üxü ya tüxü̃ iguxü̃ne ya guxü̃guma inaiechane? —ñanagürügü.


Rü yexguma poraãcü nanuxgu ga Cori ya Tupana rü nüxna nanayaxu ga guxü̃ma ga Iraéanearü pora. Rü yexguma Iraétanüxü̃ norü uanügümaxã nügü nadaixgu, rü nüma ga Cori ya Tupana rü nüxna nixũgachi rü tama norü poramaxã nüxü̃ narüngü̃xẽxẽ. Rü wüxi ga üxüemamaxã nagu nanangixi ga guxü̃ma ga Iraéane.


Swiv nou:

Piblisite


Piblisite