Naúü̃ 1:5 - Tupanaarü Ore

⁵ Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Naúü̃ 1:5 Referans Kwoze

Miquéa 1:4

Rü yima nawa yangachigüne ya ma̱xpǘnegü rü tá nadexe ñoma wera i guxü̃rüxü̃, rü tá narüpüxtegü ñoma dexá i poraü̃chiüxü̃ ngategü üxü̃rüxü̃. Rü ngẽmaãcü tá nixĩ i ngẽxguma núma naxũxgu ya Tupana.

Yeremía 4:24

Rü ma̱xpǘnegügu chadawenü, rü nüxü̃ chadau nax yaxĩ̱ã̱xtanücüüxü̃ rü guxü̃ma ga ngüchitaerugüxü̃ rü yaxĩ̱ã̱xtanücüüxü̃.

2 Chamué 22:8

Rü yexguma rü naxĩã̱xãchiane. Rü naxĩã̱xãchitanü ga ma̱xpǘnegü yerü nüma ga Cori ya Tupana rü norü numaxã nanaxĩã̱xãchixẽxẽ.

Abacú 3:10

Rü ngẽxguma cuxü̃ nadaugügu ya ma̱xpǘnegü rü nidu̱xruxe. Rü dauxü̃guxü̃ i naanewa rü tacü ya pucü narüngu. Rü ngẽma már i mátamaxü̃ rü poraãcü naxãũgaãchi namaxã ya norü yuape ya tacü.

Wiyaegü 68:8

Rü yexguma Tupana guma ma̱xpǘne ga Chinaíwa nguxgu, rü naxĩã̱xãchiane ga naane. Rü yima caixanexü̃gü rü inanaba ga dexá. Rü guma ma̱xpǘne rü naxĩã̱xãchi nape̱xewa ya Iraétanüxü̃arü Tupana.

Ãẽ̱xgacügü ga guxchaxü̃güarü mexẽxẽruü̃gü 5:5

Rü cupe̱xewa, Pa Torü Cori Pa Iraétanüxü̃arü Tupanax, rü nidu̱xrugü ya ma̱xpǘnegü, rü nidu̱xru ya yima ma̱xpǘne ya Chinaí.

Wiyaegü 114:6

¿Rü ta̱xacü pexü̃ nangupetü, Pa Imáchanexü̃chine ya Ma̱xpǘnegüx rü pemax Pa Rünuxmaegüne ya Ma̱xpǘnegüx, rü piyuxnetanücüüxü̃ ñoma carnéruxacügü rü chíbuxacügü yuxnagütanüxü̃rüxü̃?

Wiyaegü 114:4

Rü yexguma ga guma imáchanexü̃chine ga ma̱xpǘnegü rü guma rünuxmaegüne ga ma̱xpǘnegü rü Tupanaarü poramaxã nayuxnagütanü ñoma carnéruxacügü rü chíbuxacügü yuxnagütanüxü̃rüxü̃.

Wiyaegü 98:7

Rü name nixĩ nax norü taãẽmaxã naxãũgaxü̃ i ngẽma már rü guxü̃ma i nawa ngẽxmagüxü̃. Rü ngẽxgumarüxü̃ ta i ñoma i naane rü guxü̃ma i duü̃xü̃gü i nawa maxẽxü̃ rü name nixĩ nax nataãẽgüxü̃.

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Ínachoxü̃xü̃chiga 19:18

Rü guxü̃wama ga guma ma̱xpǘne ga Chinaí rü narücaxi yerü Tupana rü üxüemamaxã yexma ínarüxĩ. Rü yema caxixü̃ rü ñoma wüxi ga üxüemarüxü̃ nixĩ. Rü yexgumatama ga guma ma̱xpǘne rü poraãcü nixĩã̱xcüxü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Ore i mexü̃ ga Matéu ümatüxü̃ 28:2

Rü ngürüãchi poraãcü naxĩã̱xãchiane, yerü wüxi ga daxũcüã̱x ga Cori ya Tupanaarü orearü ngeruxü̃ ínarüxĩ, rü naxmaü̃wa nangu rü ínananguxgachi ga gumá nuta ga namaxã nangũxtaü̃cü ga yema naxmaxü̃. Rü ñu̱xũchi gumá nutaétüwa narüto.

Ore i mexü̃ ga Matéu ümatüxü̃ 27:51

Rü yema oragu ga Tupanapata ga taxü̃nearü tüyemachiãxü̃ rü taxregu narügáute. Rü daxũwa inanaxügü ga nax nagáutexü̃ rü ñu̱xmata ñaxtüwa nangu. Rü naxĩã̱xãchiane, rü narüngǘxtegü ga nutagü ga itacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:14

Rü guxü̃ma i daxũwa nüxü̃ idauxü̃ rü inayarütaxu. Rü ñoma wüxi i popera i dixcumüãchixü̃rüxü̃ inayarütaxu. Rü guxü̃nema ga guma ma̱xpǘnegü rü yema capaxũgü rü nixĩgachi ga nachicawa.

Wiyaegü 18:7

Rü yexguma rü poraãcü naxĩã̱xãchiane. Rü guma ma̱xpǘnegü rü naxĩã̱xãchitanü. Rü Cori ya Tupanaarü numaxã nixĩãtanücüxü.

Ichaía 5:25

Rü ngẽmaca̱x nixĩ ya Cori ya Tupana i norü duü̃xü̃gümaxã nanuxü̃ rü düxwa napoxcueãxü̃. Rü ma̱xpǘnegü rü nidu̱xrugü, rü duü̃xẽgü ya yuexe rü ñoma guxchirerüxü̃ ĩanearü namagu tawoone. Natürü ya Cori ya Tupana rü tama inarüngü̃xmü rü nayadaxẽẽãma nax duü̃xü̃güxü̃ naxãxũnexü̃.

Ichaía 24:1

Dücax, Cori ya Tupana rü tá chianexü̃xü̃ nananguxuchixẽxẽ i ñaa naane, rü ngẽma duü̃xü̃gü i nawa maxẽxü̃ rü tá nanawoonexẽxẽ.

Ichaía 24:20

Rü ñoma i naane rü wüxi i ngãxü̃xü̃rüxü̃ tá nichü̱xacüxü, rü ñoma wüxi ya ĩpata ya chixri ipugüparanerüxü̃ tá nixĩã̱xcüxü. Erü norü duü̃xü̃güarü chixexü̃ rü poraãcü nataxüchi rü ngẽmaca̱x i ñoma i naane rü tá inayangu rü tagutáma wena ínarüda.

Joel 2:10

Rü ngẽma munügüpe̱xewa rü naxĩã̱xãchi i ñoma i naane rü caixanexü̃gü. Rü üa̱xcü rü tauemacü rü tá nixogü. Rü woramacurigü rü ẽxtagü rü taxũtáma ninaigü.

Chacaría 4:7

Rü woo ñoma taxü̃ne ya ma̱xpǘnerüxü̃ yixĩxgu i ngẽma guxchaxü̃gü nax tama inaxügüãxü̃ca̱x ya yima Tupanapata, natürü Chorobabépe̱xewa rü tá inayarüxo i ngẽma guxchaxü̃gü ñoma wüxi ya ma̱xpǘne rüdõõchixẽẽxü̃rüxü̃. Rü nümatama ya Chorobabé rü tá nayaxǘcuchi ya yimá nuta ya nawa iyacuácü nax yanguxü̃ca̱x ya yima Tupanapata. Rü ngẽxguma yanguxgu rü nüma i duü̃xü̃gü rü tagaãcü ñanagürügü tá: “Namexẽchi, namexẽchi ya yima Tupanapata!” ñanagürügü tá.

Maraquía 4:1

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.

Yox 9:5

Rü ngẽxguma nanuxgu ya Tupana rü nachicawa nayaxĩgachixẽẽgü ya ma̱xpǘnegü. Natürü taxúema nüxü̃ tacua̱x nax ta̱xacüca̱x nabuxü̃.

Yox 26:11

Rü ngẽxguma nanuxgu ya Tupana rü muü̃maxã nadu̱xruxãchitanü ya yima ma̱xpǘnegü ya caixanexü̃tüxü̃wa ngẽxmagüne.

Wiyaegü 18:8

Rü naxmaraü̃wa rü caxixü̃ ínaxũxũ. Rü naã̱xwa ínaxũxũ ga üxüema ga ñoma ga naane ixaxẽẽxü̃, rü ínaxũxũ ga ã́xwe ga inaicü.

Wiyaegü 104:32

Rü ñoma i naane rü nidu̱xru i ngẽxguma nüma nüxü̃ nadawenügu. Rü ngẽxguma yima ma̱xpǘnegüxü̃ yangógügu rü nicaixquegü.

Yeremía 10:10

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.

Echequié 38:20

Rü ngẽma ngunexü̃gu rü ngẽma choxnigü i márwa ngẽxmagüxü̃, rü werigü i dauxü̃wa ngẽxmagüxü̃, rü naeü̃gü i düraexü̃, rü naeü̃gü i waixü̃müanegu nügü itúgüxü̃ rü tá chope̱xewa nidu̱xruxe. Rü ngẽxgumarüxü̃ ta i guxü̃ma i duü̃xü̃gü i ñoma i naanecüã̱xgü rü tá chope̱xewa nidu̱xruxe. Rü yima ma̱xpǘnegü rü tá nabu, rü yima nutagü rü tá nidigü. Rü guxü̃ma i ngẽma ĩanegüarü poxeguxü̃gü rü tá niwa̱xgü.

Amúx 9:5

Rü yimá Cori ya Tupana ya Guxãétüwa Ngẽxmacü rü ngẽxguma ñoma i naanexü̃ yangógügu rü tá inagü i ngẽma waixü̃mü, rü tá naxauxe i guxü̃ma i duü̃xü̃gü i nawa maxẽxü̃. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃.