Naúü̃ 1:3 - Tupanaarü Ore

³ Rü nüma ya Cori ya Tupana rü woo nax naporaxü̃ natürü yáxna duü̃xü̃gümaxã naxĩnü. Natürü yíxema chixexü̃ ǘxe rü tama nüxü̃ narüngüma nax tüxü̃ napoxcuxü̃. Rü nüma rü yimá poracü ya buanecügu nixũ. Rü ngẽma caixanexü̃gü rü nacutügüarü caixanexü̃ nixĩgü.

Naúü̃ 1:3 Referans Kwoze

Wiyaegü 147:5

Rü nüma ya tórü Tupana rü guxü̃étüwa ücü nixĩ rü naporaxüchi. Rü norü cua̱x rü taguma inayagu̱x.

Neemía 9:17

Rü tama cuga naxĩnüechaü̃, rü bai ga nüxna nax nacua̱xãchiexü̃ ga yema taxü̃ ga mexü̃gü ga nape̱xewa cuxüxü̃. Rü poraãcü ínayataitüarü maxü̃neã̱xgü rü cumaxã nanue, rü yemaca̱x nagu narüxĩnüe nax norü ãẽ̱xgacüxü̃ naxunetagüxü̃ nax yemamaxã Equítuaneca̱x nawoeguxü̃ca̱x rü wenaxarü Equítutanüxü̃me̱xẽwa nayexmagüxü̃ca̱x. Natürü i cuma rü Tupana ya ngechaü̃wa̱xecü quixĩ, rü mecümacü quixĩ, rü ngüxmüwa̱xecü quixĩ rü yáxna ĩnücü quixĩ, rü tama paxa cunu rü yemaca̱x nixĩ ga tama yéma cunawogümarexü̃.

Wiyaegü 145:8

Rü nüma ya Cori ya Tupana rü namecüma rü nüxü̃́ tangechaü̃tümüxü̃ rü yáxna tamaxã naxĩnü rü tüxü̃ nangechaü̃.

Wiyaegü 104:3

Rü dexáétüwa cungexma rü ngẽxma dauxü̃gu cuxãchiü̃. Rü ngẽma caixanexü̃ rü cuwexü̃xü̃ cuyaxĩxẽxẽ. Rü yimá buanecü nixĩ ya nagu quixũcü.

Wiyaegü 103:8

Rü nüma ya Cori rü namecüma rü nüxü̃́ tangechaü̃tümüü̃gü rü yáxna tamaxã naxĩnü rü poraãcü tüxü̃ nangechaü̃.

Popera ga Chantiágu ümatüxü̃ 1:19

Rü guxãma i pemax, Pa Chauenexẽgü ya Pexü̃ Changechaü̃güxe, rü ngẽxguma texé pemaxã idexagu, rü name nixĩ i mea iperüxĩnüe. Rü tama name i penue rü tüxü̃ pechoxü̃gagü.

Chacaría 9:14

Rü nüma ya Cori ya Tupana rü tá norü duü̃xü̃gütanüwa nügü nawe̱x. Rü ngẽxguma nama̱xgüãgu i norü chuxchigü rü ñoma ãẽmacürüxü̃ tá nixĩgü. Rü nüma ya Cori ya Tupana rü tá nagu nicue i norü trompéta. Rü ñoma buanecü ya tacü ya súrwaama ne ũcügurüxü̃ tá nixũ.

Ichaía 66:15

Rü nüma ya Tupana rü tá üxüemagu ínangu rü yima norü carugü ya daiwexü̃ rü ñoma wüxi ya buanecü ya íxã̱ũ̱xemacürüxü̃ tá nixĩgü. Rü tá nanapoxcue i norü uanügü, rü ngẽma norü poxcu rü ñoma üxüema iya̱u̱xraxü̃rüxü̃ tá nixĩ.

Yox 9:4

Rü nüma ya Cori ya Tupana rü naporaxüchi rü ñu̱xũchi nüxü̃ nacua̱xüchi. ¿Rü texé chi Tupanaxü̃ nüxü̃ tarücua̱xmae nax ngẽmaãcü tama tüxna naca̱xaxü̃ca̱x naxca̱x i tümaarü chixexü̃?

Iraétanüxü̃arü muxchiga 14:18

Rü woo nüxü̃ quixu nax tama nüxü̃ cuxüpetümarexü̃ i ngẽma chixexü̃ ügüxü̃ rü cunapoxcuxü̃ i ngẽma nanegü rü nataagü nagagu i nanatügüarü chixexü̃, natürü nüxü̃ quixu ta nax tama cunuxwa̱xexü̃ rü nataxüchixü̃ i curü ngechaü̃ rü toxü̃́ nüxü̃ cungechaü̃xü̃ i torü chixexü̃. Rü ngẽmaca̱x cuxü̃ chaca̱a̱xü̃ nax nüxü̃́ nüxü̃ curüngü̃maxü̃ i ñaa duü̃xü̃güarü chixexü̃, yerü marü yáxna namaxã cuxĩnü ga yexguma Equítuanewa ínachoxü̃gutama ñu̱xmata nua ñaa nachicawa nangugü —ñanagürü ga Moiché.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:7

¡Rü dücax, marü ningaica nax caixanexü̃gu ínanguxü̃ ya Cristu! Rü guxü̃táma i duü̃xü̃gü nüxü̃ nadau, rü woo ga yema nacanapacütüxü̃güxü̃ rü tá ta nüxü̃ nadaugü. Rü guxü̃ i duü̃xü̃gü i guxü̃ i nachixü̃anecüã̱x rü norü ngechaü̃maxã tá naxauxe i ngẽxguma ínanguxgu i nümax. Rü ngẽmaãcü tá nixĩ.

Ore i mexü̃ ga Matéu ümatüxü̃ 26:64

Rü Ngechuchu nanangãxü̃ rü ñanagürü: —Ngẽma nüxü̃ quixuxü̃ chixĩ. Rü pemaxã nüxü̃ chixu rü tá nüxü̃ pedaugü ya Tupana Nane ya duü̃xü̃xü̃ ixĩcü i ngẽxguma Nanatü ya Guxü̃étüwa Ngẽxmacüarü tügünecüwawa rütocü rü ngẽxguma caixanexü̃gu wenaxarü núma naxũxgu —ñanagürü.

Yoná 4:2

Rü yemaca̱x ñaãcü nayumüxẽ: —Dücax, Pa Cori Pa Tupanax, rü ngẽma ñu̱xma Nínibewa ngupetüxü̃ nixĩ ga yema nüxü̃ chixuxü̃ ga yexguma chauchixü̃anewatama chayexmagu. Rü yemaca̱x nixĩ ga cuxcha̱xwa chixũxü̃táa̱x nax Tárchixwa chaxũxü̃ca̱x, yerü nüxü̃ chacua̱x rü cuma rü wüxi ya Tupana ya mecümacü rü ngechaü̃wa̱xecü quixĩ rü tama paxa cunu. Rü ngẽma curü ngechaü̃ rü nataxüchi. Rü ngẽmaca̱x woo texémaxã poxcu cuxuegu̱xgu rü paxãma nagu curüxĩnü, rü tama tüxü̃ cupoxcu ega nüxü̃ tarüxoegu i tümacüma i chixexü̃.

Danié 7:13

Choma rü yexguma chütacü chingo̱xetüchigü rü nüxü̃ chadau ga wüxi ga naduü̃xü̃raxü̃xü̃ ga caixanexü̃wa ne ũxü̃ rü Ãẽ̱xgacü ya Guxü̃guma Maxü̃cü íyexmaxü̃waama ũxü̃. Rü ñu̱xũchi guma Ãẽ̱xgacüxü̃tawa nanagagü.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Wiyaegü 66:3

¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!

Wiyaegü 62:11

Tupana rü wüxi i orexü̃ nixu, rü choma rü marü taxree̱xpü̱xcüna nüxü̃ chaxĩnü i ngẽma ore. Cuma, Pa Corix, rü cupora rü aixcüma toxü̃ cungechaü̃. Rü yíxema mexü̃ ügüxe rü cuma rü tá tüxna cunaxã i ngẽma natanü i tüxna üxü̃. Natürü yíxema chixexü̃ ügüxe rü tá tanayaxu i ngẽma poxcu i tüxna üxü̃.

Yox 38:1

Rü Cori ya Tupana rü buanecü ya íxã̱ũ̱xẽmacüwa Yoxmaxã nidexa rü ñanagürü nüxü̃:

Yox 10:14

Rü yema ĩnü nixĩ nax choxü̃ tá cupoxcuxü̃ ega chixexü̃ chaxüxgu, rü tama nüxü̃ cuxüpetümarexü̃ i chorü chixexü̃.

Joel 2:13

Rü ngẽmaca̱x i ñu̱xma rü name nixĩ i naxca̱x pewoegu ya Cori ya Tupana. Rü natüca̱xmamare nixĩ nax perü ngechaü̃maxã pegüchirugu pegáugüexü̃. Erü ngẽma nüma nanaxwa̱xexü̃ nixĩ nax aixcüma nüxü̃ perüxoexü̃ i perü chixexü̃. Erü nüma ya Cori ya Tupana rü namecüma rü nüxü̃́ pengechaü̃tümüxü̃, rü yáxna pemaxã naxĩnü, erü pexü̃ nangechaü̃. Rü nüma rü ínamemare nax íyachaxãchixẽẽãxü̃ i ngẽma poxcu i pemaxã naxueguxü̃.

Wiyaegü 50:3

Rü nüma ya tórü Tupana rü nua naxũ. Natürü tama bexma ínangu erü nape̱xewa nangẽxma i wüxi i üxüema i guxü̃xü̃ma ixaxẽẽxü̃, rü nacüwawa nangẽxma ya buanecü ya taxüchicü.

2 Chamué 22:10

Rü nüma ga Tupana rü nayangena ga daxũguxü̃ ga naane rü ñoma ga naanegu ínarüxĩ. Rü nacutütüxü̃wa nayexma ga taxüchixü̃ ga caixanexü̃ ga waemaxü̃.

Yeremía 4:13

Dücax, ngẽma tórü uanügü rü ñoma caixanexü̃rüxü̃ ningaicamaetanü, rü ngẽma norü carugü i dairuxü̃ rü ñoma buanecü ya poracürüxü̃ nixĩgü. Rü ngẽma norü cowarugü rü ĩyüxü̃ narüporamaegü. Rü yíxema rü marü taxuacüma tibuxmü.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.