Naúü̃ 1:2 - Tupanaarü Ore

² Rü nüma ya Cori ya Tupana rü poraãcü nüxü̃́ tachu̱xu ya yíxema nüxü̃ ngechaü̃güxe rü tüxü̃ napoxcue ya yíxema tama naga ĩnüxe. Rü ngẽma norü uanügümaxã rü nanu.

Naúü̃ 1:2 Referans Kwoze

Chacaría 8:2

—Ñaa nixĩ i ore i choma i Cori ya Tupana ya Guxãétüwa Ngẽxmaxe nüxü̃ chixuxü̃ rü ñachagürü: “Nüxü̃ changechaü̃ ya yima ma̱xpǘne ya Chióü̃ rü ngẽmaca̱x poraãcü choxü̃́ nachu̱xu rü naxca̱x chanu”, ñacharügü.

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Wiyaegü 94:1

¡Rü cugü inawe̱x, Pa Cori Pa Tupanax! Erü cuxme̱xwa nixĩ i nangẽxmaxü̃ nax poxcu namaxã cuxueguxü̃ i ngẽma chixexü̃ ügüxü̃.

Ínachoxü̃xü̃chiga 34:14

Rü tama chanaxwa̱xe i ta̱xacürü tupananetaxü̃mare picua̱xüü̃gü erü choma ya pexrü Cori ya Tupana rü inuxwa̱xecü chixĩ rü ngẽmatama nixĩ i chauéga.

Yochué 24:19

Natürü ga nüma ga Yochué rü duü̃xü̃güxü̃ nangãxü̃ rü ñanagürü: —Pema rü taxũtáma pexü̃́ natauxcha nax Cori ya Tupanaarü ngúchaü̃ pexügüxü̃, erü nüma ya Tupana rü naxüüne rü poraãcü nüxü̃́ tachu̱xu. Rü taxũtáma pemaxã yáxna naxĩnü ega tama naga pexĩnüegu rü chixexü̃ pexügügu.

Popera ga Yudíugü ga yaxõgüxü̃ca̱x ümatüxü̃ 10:30

Rü meama nüxü̃ tacua̱x rü Tupana rü ñanagürü: “Choma nixĩ i nüxü̃ chacuáxü̃ nax ta̱xacü tá namaxã chaxüxü̃ i ngẽma chixexü̃ ügüxü̃. Rü aixcüma tá chanapoxcue”, ñanagürü. Rü yexgumarüxü̃ ta ñanagürü: “Choma tátama nixĩ i nüxna chaca̱xaxü̃ i chorü duü̃xü̃gü i norü maxü̃chiga”, ñanagürü.

Ichaía 42:13

Rü nüma ya Cori ya Tupana rü ñoma wüxi i daiwa poraxü̃rüxü̃ tá nua naxũ. Rü norü poramaxã tá aita naxü rü tá norü uanügüxü̃ nadai —ñanagürü ga Ichaía.

Wenaxarü naxümatü ga Tupanaarü mugü 4:24

Erü yimá Cori ya perü Tupana rü Tupana ya pexü̃ inuxü̃cü nixĩ. Rü nüma rü ñoma wüxi i üxüema i guxü̃ma iyarüxoxẽẽxü̃rüxü̃ nixĩ.

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Romanos 12:19

Pa Chauenexẽgü ya Pexü̃ Changechaü̃güxe, tama name i pegütama pexütanü ega texé ta̱xacürü chixexü̃ pexca̱x ínguxẽẽgu. Natürü name nixĩ i Tupaname̱xẽgu penaxǘ i ngẽma nax nüma napoxcuãxü̃ca̱x. Erü Tupanaarü ore i ümatüxü̃wa rü ñanagürü: “Cho̱xme̱xwa nangẽxma nax duü̃xü̃güxü̃ chapoxcuxü̃ i norü chixexü̃ca̱x. Rü choma tá nüxü̃́ chanaxütanü i ngẽma duü̃xü̃ i chixexü̃ üxü̃”, ñanagürü ya tórü Cori.

Miquéa 5:15

Rü chorü numaxã tá chanapoxcue i ngẽma togü i nachixü̃anegüarü duü̃xü̃gü i tama chauga ĩnüechaü̃xü̃ —ñanagürü ya Cori ya Tupana.

Joel 2:18

Rü ñu̱xũchi ga nüma ga Cori ya Tupana rü nüxü̃́ nangechaü̃tümüxü̃gü ga norü duü̃xü̃gü yerü poraãcü nüxü̃ nangechaü̃.

Echequié 39:25

Natürü i ñu̱xma i choma ya Cori ya Tupana rü nüxü̃ chixu rü ñachagürü: Ñu̱xma rü tá choxü̃́ naxãũxãchitümüxü̃gü i guxü̃ma i ngẽma Iraétanüxü̃ i Acóbutaagü ixĩgüxü̃. Rü ñu̱xma rü tá yáxna namaxã chaxĩnü nax ngẽmaãcü nüxü̃ yacua̱xüü̃güxü̃ca̱x i chauéga i üünexü̃.

Echequié 6:12

Rü ngẽma yáxü̃wa ngẽxmagüxü̃ rü da̱xaweanemaxã tá nayue. Rü ngẽma ngaicamana ngẽxmagüxü̃ rü daigu tá nayue. Rü ngẽma maxẽxü̃ i íyaxügüxü̃ rü taiyamaxã tá nayue. Rü ngẽmaãcü tá chorü numaxã chanapoxcue i ngẽma duü̃xü̃gü.

Yeremía 4:4

Pa Yudáanecüã̱xgüx rü Pa Yerucharéü̃cüã̱xgüx, ngẽma chixexü̃ i perü maxü̃wa ngẽxmaxü̃ ¡rü pegüwa nüxü̃ pexoó nax tama ngẽma perü chixexü̃gagu pexna nanguxü̃ca̱x i chorü nu, ñoma üxüema inaixü̃ i taxucürüwama texe ixoxẽẽxü̃rüxü̃! —ñanagürü.

Ichaía 51:20

Pa Yerucharéü̃cüã̱x, pema rü ñoma cowügü i yütagu yixü̃rüxü̃ peturae rü namagüarü poxõchigüwa pecaquegü. Rü Tupanaarü nu rü pexna nangu rü ngẽmaca̱x ngúxü̃ pingegü.

Ichaía 51:17

¡Peba̱i̱xãchie Pa Yerucharéü̃cüã̱xgüx! ¡Peba̱i̱xãchie rü íperüdagü i pema nax Tupana pemaxã nuxü̃! Rü poraãcü ngúxü̃ pingexü̃ rü ñu̱xma rü pengearü poraã̱x.

Yox 20:23

Rü ngẽxguma meama ínachibüyane rü Tupana rü tá namaxã nanu rü tá ngúxü̃ naxca̱x ínanguxẽxẽ ñoma pucü naxca̱x ínguxgurüxü̃.

Romanos 13:4

Erü nüma i ãẽ̱xgacü rü Tupanaarü ngü̃xẽẽruxü̃ nixĩ rü ngẽmaca̱x nanamu nax cuxü̃ nangü̃xẽẽxü̃ca̱x. Natürü ngẽxguma chixexü̃ cuxü̱xgu, rü ngẽxguma tá nixĩ i nüxü̃ cumuü̃xü̃. Erü nüma i ãẽ̱xgacü rü tama natüca̱xma nixĩ nax nüxü̃́ nangẽxmaxü̃ i pora nax cuxü̃ napoxcuxü̃. Erü woetama Tupana nanamu nax napoxcuãxü̃ca̱x i ngẽma duü̃xü̃ i chixexü̃ ügüxü̃.

Chacaría 1:14

Rü yexguma ga nüma ga daxũcüã̱x rü choxü̃ namu nax guxü̃ma i duü̃xü̃gümaxã nüxü̃ chixuxü̃ca̱x i norü ore ya Cori ya Tupana ya Guxãétüwa Ngẽxmacü rü ñanagürü: —Choma rü nüxü̃ changechaxü̃xü̃chi ya Yerucharéü̃ rü yima ma̱xpǘne ya Chióü̃.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.

Echequié 38:18

Rü choma ya Cori ya Tupana, rü nüxü̃ chixu rü ñachagürü: “Ngẽxguma Góx Iraéaneca̱x íyagoõchigu, rü poraãcü tá chanu.

Echequié 36:6

—Rü ngẽmaca̱x, Pa Yatüx, ¡chauégagu Iraéanemaxã idexa rü ñanagürü nüxü̃!: “Cori ya Tupana rü ñanagürü pexü̃, Pa Ma̱xpǘnegü, rü Pa Máxpü̱xanexü̃gü, rü Pa Natügü rü Pa Doxonexü̃güx: ‘Choma rü poraãcüma namaxã chanu i ngẽma togü i nachixü̃anegü i pexna ngaicamagüxü̃ i pegu idauxcüraxü̃xü̃ rü pexü̃ cugüexü̃.

Echequié 8:18

Rü ngẽmaca̱x i choma rü chorü numaxã tá chanapoxcue. Rü taxũtáma namaxã chixãũxãchi. Rü woo aita cha̱u̱xca̱x naxüegu rü taxũtáma nüxü̃ chaxĩnü —ñanagürü choxü̃.

Echequié 5:13

Rü choma rü chorü numaxã tá chanapoxcue, rü ngẽxgumaxica tá nixĩ i charüngüxmüxü̃. Rü nawena nax chorü numaxã ngẽma duü̃xü̃güxü̃ chapoxcuxü̃, rü tá nüxü̃ nicua̱xãchitanü nax choma ya Cori ya Tupana chixĩxü̃ ga chorü numaxã namaxã chanaxueguxü̃ ga yema poxcu.

Auxexü̃chiga 4:11

Rü Cori ya Tupana rü poraãcü yema Chióü̃cüã̱xgümaxã nanu, rü düxwa marü tama yáxna namaxã naxĩnü ga norü nu. Rü yemaca̱x nayagu ga guma ĩane rü nixa ñu̱xmata nawa nangu ga gumá nutagü ga tacü ga nawa inaxügücü ga guma ĩane.

Yeremía 36:7

Rü bexmana ngẽxguma ngẽmaxü̃ naxĩnüegu i ngẽma duü̃xü̃gü rü tá Cori ya Tupanana nacagüe nax nüxü̃́ nüxü̃ iyanangümaxü̃ca̱x i norü chixexü̃gü, rü tá nüxü̃ narüxoe i nacüma i chixexü̃, naxü̃pa nax napoxcuexü̃. Erü ngẽma Cori ya Tupanaarü poxcu i norü numaxã namaxã naxãxũneãxü̃ i ngẽma duü̃xü̃gü rü poraãcü naxãũcümaxü̃chi —ñanagürü ga Yeremía.

Yeremía 25:15

Rü Cori ya Iraétanüxü̃arü Tupana rü choxü̃ ñanagürü: —Pa Yeremíax, dücax i ñaa copu i changexü̃ i bínumaxã ããcuxü̃. Rü yima bínu rü chorü nuchiga nixĩ. ¡Rü choxna nayaxu i ñaa copu i bínumaxã ããcuxü̃ rü yimá bínuwa yaxaxegüxẽxẽ i guxü̃ma i ngẽma nachixü̃anegü i natanüwa cuxü̃ chamuxü̃!

Ichaía 66:15

Rü nüma ya Tupana rü tá üxüemagu ínangu rü yima norü carugü ya daiwexü̃ rü ñoma wüxi ya buanecü ya íxã̱ũ̱xemacürüxü̃ tá nixĩgü. Rü tá nanapoxcue i norü uanügü, rü ngẽma norü poxcu rü ñoma üxüema iya̱u̱xraxü̃rüxü̃ tá nixĩ.

Wenaxarü naxümatü ga Tupanaarü mugü 7:10

Natürü yíxema naxchi aiexe rü tüxü̃ nadai nagagu i tümaarü chixexü̃gü. Rü aixcüma noxtacüma tüxü̃ nadai erü chixexü̃ taxügü.

Yeremía 28:8

“Rü yema orearü uruü̃gü ga nüxíra yexmagüxü̃ naxü̃pa nax ibuexü̃ ga cuma rü choma rü yemagü rü duü̃xü̃güca̱x nanaxunagü ga dai rü taxü̃ ga guxchaxü̃gü rü da̱xaweanegü naxca̱x ga muxü̃ma ga nachixü̃anegü rü norü ãẽ̱xgacügü ga poraexü̃.

Echequié 38:19

Rü chauégagu nüxü̃ chixu rü ngẽma ngunexü̃gu rü chorü numaxã tá nangẽxma i wüxi i taxü̃ i ĩã̱xãchiane i Iraéanewa.

Ínachoxü̃xü̃chiga 34:7

Rü choma rü guxü̃guma tüxü̃ changechaü̃ rü tüxü̃́ nüxü̃ ichayarüngüma ya tümaarü pecadu rü tümaarü chixexü̃ ya yíxema aixcüma chauga ĩnüexe. Natürü taxũtáma tüxü̃ chaxüpetümare ya yíxema chixexü̃ üxe. Rü tá tüxü̃ chapoxcu ñu̱xmata tümanegüwa rü tümataagüwa —ñanagürü.

Iraétanüxü̃arü muxchiga 25:11

—Yimá Finéegagu nixĩ i charüngüxmüxü̃ namaxã i ngẽma Iraétanüxü̃ erü nüma ga Fineéx rü chauxrüxü̃ poraãcü nayanuxũ i ngẽma Iraétanüxü̃. Rü ngẽmaca̱x nixĩ i yáxna ngẽma duü̃xü̃gümaxã chaxĩnüxü̃, rü tama guxü̃ chadaixü̃.

Yeremía 50:15

¡Rü norü guxü̃cüwawa ya yima ĩane ya Babirónia rü daimaxã tagaãcü aita pexüe! Rü nüma i Babiróniacüã̱x rü marü pexme̱xgu nayi. Rü norü poxü̃chicaxü̃gü rü marü niwa̱xgü. Rü norü ĩanearü poxeguxü̃tápü̱xgü rü ta rü niwa̱xgü. Rü ngẽma nixĩ i chorü numaxã namaxã chaxüxü̃. ¡Rü yema Babirónia togü ga nachixü̃anegümaxã naxüxü̃rüxü̃ namaxã penaxü̱x i pema!