Ore i mexü̃ ga Márcu ümatüxü̃ 9:5 - Tupanaarü Ore

⁵ Rü yexguma ga Pedru rü ñanagürü Ngechuchuxü̃: —Pa Ngúexẽxẽruxü̃, namexẽchi nixĩ nax nua ingẽxmagüxü̃. Rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x —ñanagürü.

Ore i mexü̃ ga Márcu ümatüxü̃ 9:5 Referans Kwoze

Filipenses 1:23

Rü ngẽmaca̱x tama nüxü̃ chacua̱x nax ta̱xacü yixĩxü̃ i cha̱u̱xca̱x rümemaexü̃ i ngẽma taxrewa. Erü ñuxguacü rü chanaxwa̱xe nax chayuxü̃ nax Cristuxü̃tawa changexmaxü̃ca̱x. Rü ngẽma nixĩ i aixcüma yexera rümemaexü̃ i cha̱u̱xca̱x.

Ore i mexü̃ ga Matéu ümatüxü̃ 23:7

Rü ĩanearü plazagüwa rü nanaxwa̱xegü nax duü̃xü̃gü mea nüxü̃ rümoxẽgüxü̃. Rü nanaxwa̱xegü nax duü̃xü̃gü rü: “Pa Ngúexẽẽruxü̃x”, ñagüxü̃ nüxü̃.

Wiyaegü 84:10

Rü ngẽma 1,000 i ngunexü̃ i nagu ngextámare changexmaxü̃arü yexera rü narümemae nixĩ nax wüxitama i ngunexü̃ cupataã̱xtüwa changexmaxü̃. Rü narümemae nax cupataarü ĩã̱xarü dauruü̃mare chixĩxü̃, Pa Tupanax, rü tama chixexü̃ ínaxügüxü̃wa nax changexmaxü̃.

Nüxíraxü̃xü̃ ga popera ga Cuáü̃ ümatüxü̃ 3:2

Pa Chauenexẽgü ya Pexü̃ Changechaü̃güxe, ñu̱xma rü marü Tupanaxacügü tixĩgü. Rü woo tama tüxü̃ nüxü̃ nacua̱xẽxẽ nax ñuxãcü tá ixĩgüxü̃ i yixcüra, natürü nüxü̃ tacua̱x nax Ngechuchurüxü̃ tá ixĩgüxü̃ i ngẽxguma nüma nango̱xgu, erü tá nüxü̃ tadau nax nañuxraü̃xü̃ i nüma.

Ore i mexü̃ ga Matéu ümatüxü̃ 17:4

Rü yexguma ga Pedru rü ñanagürü Ngechuchuxü̃: —Pa Corix, name nixĩ nua tangexmagü. Rü ngẽxguma cunaxwa̱xegu rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x —ñanagürü.

Ore i mexü̃ ga Matéu ümatüxü̃ 23:8

¡Natürü i pemax, Pa Chorü Duü̃xü̃güx, rü taxũtáma penaxwa̱xe nax duü̃xü̃gü “Pa Ngúexẽẽruxü̃”, ñagüxü̃ pexü̃! Erü guxãma i pema rü pegüenexẽgü pixĩgü, rü wüxixicatama nixĩ ya perü Ngúexẽẽruxü̃ ixĩcü.

Ore i mexü̃ ga Márcu ümatüxü̃ 9:4

Rü nüma ga yema ngúexü̃gü rü nüxü̃ nadaugü ga Ería rü Moiché ga yéma Ngechuchumaxã idexagüxü̃.

Ore i mexü̃ ga Márcu ümatüxü̃ 9:6

Rü yema nax poraãcü naba̱i̱xãchiãẽgüxü̃ ga yema ngúexü̃gü, rü yemaca̱x ga Pedru rü tama nüxü̃ nacua̱x ga nax ñuxü̃ ñaxü̃.

Ore i mexü̃ ga Luca ümatüxü̃ 9:33

Rü yexguma yema taxre ga yatügü Ngechuchuna ixĩgachigu, rü Pedru rü ñanagürü Ngechuchuxü̃: “Pa Ngúexẽẽruxü̃x, namexẽchi nixĩ nax nua ingẽxmagüxü̃. Rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x”, ñanagürü. Natürü ga Pedru rü tama nüxü̃ nacua̱x nax ñuxũ ñaxü̃ yerü poraãcü nanaxĩ̱xãchiãxẽ.

Ore i mexü̃ ga Cuáü̃ ümatüxü̃ 4:31

Rü yoxni ga norü ngúexü̃gü rü Ngechuchuxü̃ nachixewegü nax nachibüxü̃ca̱x.