Ore i mexü̃ ga Márcu ümatüxü̃ 9:42 - Tupanaarü Ore

⁴² Rü ñanagürü ta: —Texé ya pecadugu nanguxeẽ́xẽ i wüxi i ñaa buxü̃gü i choxü̃́ yaxõxü̃, rü tümaca̱x rü narümemae nixĩ i noxtacüma wüxi ya nuta ya tacü tümanaxãwa tayangacuchi, rü ngẽmaãcü márwa tüxü̃ tayatáe.

Ore i mexü̃ ga Márcu ümatüxü̃ 9:42 Referans Kwoze

Ore i mexü̃ ga Matéu ümatüxü̃ 18:6

Rü texé ya pecadugu nanguxeẽ́xẽ i wüxi i ñaa buxü̃gü i choxü̃́ yaxõgüxü̃ rü tümaca̱x rü narümemae chi nixĩ nax noxtacüma wüxi ya nuta tümanaãwa nayangacuchixü̃, rü ñu̱xũchi naxtaxa ya mátamanewa tüxü̃ yatáexü̃ nax ngẽxma tayuxü̃ca̱x.

Ore i mexü̃ ga Matéu ümatüxü̃ 18:10

Rü tama name i nüxü̃ pexoo̱x i wüxi i buxü̃ i ñaarüxü̃ choxü̃́ yaxõxü̃. Erü ngẽma norü dauruü̃gü i orearü ngeruü̃gü i daxũcüã̱x rü guxü̃guma Chaunatü ya daxũgucüpe̱xewa nangẽxmagü nax ngéma ngẽma buxü̃güétüwa nachogüxü̃ca̱x.

2 Corintios 6:3

Rü toma rü taguma texépe̱xewa chixri tamaxẽ nax taxuca̱xma texé chixri torü puracüchiga idexaxü̃ca̱x.

Romanos 16:17

Pa Chauenexẽgüx, pexü̃ chaca̱a̱xü̃ nax pegüna pedaugüxü̃ca̱x nüxna i ngẽma duü̃xü̃gü i pexü̃ itoyechaü̃xü̃ rü chixexü̃gu pexü̃ yixẽẽchaü̃xü̃. Erü ngẽma duü̃xü̃güarü ngu̱xẽẽtae rü tama namaxã nawüxigu i ngẽma ngu̱xẽẽtae ga noxri peyauxgüxü̃ ga yexguma noxri peyaxõgügu. Rü name nixĩ i noxtacüma nüxna pixĩgachi i ngẽma duü̃xü̃gü rü tama natanügu pexãgü.

Romanos 14:13

Rü ngẽmaca̱x, Pa Chauenexẽgüx, rü tama name nax tamücügüxü̃ ixuechaxü̃. Rü narümemae nixĩ i nüxü̃ perüxoe i guxü̃ma i chixexü̃ i peenexẽgüxü̃ pecadugu yixẽẽxü̃ rü ẽ̱xna norü õxü̃ chixexẽẽxü̃.

Norü taxre ga popera ga Pedru ümatüxü̃ 2:2

Rü muxü̃ma i duü̃xü̃gü rü tá nawe narüxĩ nawa i ngẽma chixexü̃ i naxügüxü̃. Rü ngẽma ngu̱xẽẽruü̃netagügagu rü duü̃xü̃gü rü tá chixri nachiga nidexagü i Tupanaarü ore i aixcüma ixĩxü̃.

Ngechuchuarü ngúexü̃gü ga yamugüxü̃arü puracüchiga 9:4

Rü ñaxtüanegu nayangu ga Chauru, rü nüxü̃ naxĩnü ga wüxi ga naga ga nüxna cagüxü̃ ga ñaxü̃: —Pa Chaurux, Pa Chaurux, ¿tü̱xcüü̃ chowe quingẽchigü? —ñaxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:14

Rü ngẽmaca̱x chanaxwa̱xe i ngẽma yutegüxü̃ i paxü̃gü nax wenaxarü naxãtegüxü̃, rü naxãxãcügüxü̃, rü mexü̃ i napataarü dauruü̃gü nax yixĩgüxü̃. Rü ngẽmaãcü i ngẽma duü̃xü̃gü i tama yaxõgüxü̃ rü taxucürüwa chixri ngĩchiga nidexagü.

Filipenses 1:10

Rü ngẽmaãcü pexca̱x chayumüxẽ erü chanaxwa̱xe nax mea penangugüxü̃ i ta̱xacü nixĩ i aixcüma mexü̃ i Tupanape̱xewa. Rü chanaxwa̱xe nax aixcüma namexü̃ i perü maxü̃ nax taxuca̱xma ta̱xacüca̱x Tupana pexna caxü̃ca̱x i ngẽxguma ínanguxgu ya Cristu.

Romanos 15:21

Rü yemachiga nixĩ ga Tupanaarü ore ga Ichaía ümatüxü̃ ga ñaxü̃: “Yíxema taguma Cristuchigaxü̃ cua̱xgüxe rü tá nüxü̃ tadaugü. Rü yíxema taguma Cristuchigaxü̃ ĩnüexe, rü tá nüxü̃ tacua̱xgü i nachiga”, ñaxü̃.

Ore i mexü̃ ga Matéu ümatüxü̃ 17:27

Natürü ngẽma nax taxúema tamaxã nuxü̃ca̱x, rü chanaxwa̱xe i cuyaxütanüxü̃ i ngẽma diẽru. ¡Rü yea naxtaxawa naxũ, rü ngéma yapoxwaxe! ¡Rü ngẽma nüxíraxü̃xü̃ i choxni i cunapoxwaü̃xü̃ rü naã̱xwa tá nüxü̃ icuyangau i wüxi i diẽru i nagu mexü̃ nax yangutanüxẽẽxü̃ca̱x i cha̱u̱xca̱x rü cuxca̱x rü ta! ¡Rü Tupanapatawa nange i ngẽma diẽru, rü yaxütanü! —ñanagürü.