Ore i mexü̃ ga Márcu ümatüxü̃ 9:3 - Tupanaarü Ore

³ Rü niyauracüxü ga naxchiru rü nacómüxü̃chi. Rü nataxuma i yauxchiruxü̃ i ñoma i naanewa i nüxü̃ cuáxü̃ nax ngẽmaãcü nacómüxẽẽãxü̃.

Ore i mexü̃ ga Márcu ümatüxü̃ 9:3 Referans Kwoze

Ore i mexü̃ ga Matéu ümatüxü̃ 28:3

Rü yema orearü ngeruxü̃ rü wüxi ga ba̱i̱xbeanexü̃rüxü̃ niyauracüxü. Rü nacómüxü̃chi ga naxchiru.

Danié 7:9

Rü chaunegüwa nüxü̃ chadawenü rü nüxü̃ chadau ga ñuxre ga tochicaxü̃ yexma nuxü̃ rü ñu̱xũchi nüma ya Ãẽ̱xgacü ya Tupana nawa nayarüto. Yema naxchiru rü ñoma gáuxü̃te̱xe i cómüxü̃chixü̃rüxü̃ nixĩ. Rü yema nayae rü nachoxochi ñoma carnérua̱xmü i cho̱xochixü̃rüxü̃. Rü yema toruxü̃ rü nachicugü rü niyauratanücüxü. Rü wüxi ga üxüema ga taxü̃ ga iya̱u̱xraxü̃ nape̱xewa ínaxũxũ. Rü muxü̃ma nixĩ ga yema nüxü̃́ puracuexü̃. Rü muxũchixü̃ma nixĩ ga yema nape̱xegu chigüxü̃. Rü yema poperagü rü nayange̱xgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:9

Rü yemawena ichadawenü, rü nüxü̃ chadau ga muxũchixü̃ma ga naguxü̃raü̃xü̃ ga nachixü̃anecüã̱x, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga ĩanegücüã̱x, rü naguxü̃raü̃xü̃ ga duü̃xü̃gü ga to ga nagawa idexagüxü̃. Rü yema tochicaxü̃pe̱xegu rü gumá Carneruxacüpe̱xegu nachigü. Rü yema nax namuxũchixü̃ rü taxucürüwa texé tayaxugü nax ñuxre yixĩxü̃. Rü naxchiru ga icómüxü̃ rü imáxü̃maxã nixãxchiru. Rü naxme̱xwa nanangegü ga wairaatügü.

Ngechuchuarü ngúexü̃gü ga yamugüxü̃arü puracüchiga 10:30

Rü Cornériu nanangãxü̃, rü ñanagürü: —Marü ãgümücü i ngunexü̃ nangupetü ga ñúxgumaãcü ga tomaepü̱xarü oragu ga yáuanecü, rü nua chopatawa chayumüxẽ erü guxü̃guma ngẽmaãcü chanaxü. Rü yexguma chayumüxẽgu rü chango̱xetü, rü cha̱u̱xca̱x nango̱x ga wüxi ga yatü ga iyaurachirucüüxü̃.

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Wiyaegü 68:14

Rü yexguma Tupana ya Guxãétüwa Ngẽxmacü yabuxmüxẽẽgu ga tórü uanügü rü guma ma̱xpǘne ya Charmóü̃chitaeruwa rü ñoma gáuxü̃pütagürüxü̃ yéma narüyi.

Wiyaegü 51:7

¡Rü ẽcü ngẽma maxcuruü̃maxã choxü̃ namaxcuxü̃ne nax iyanaxoxü̃ca̱x i chorü chixexü̃! Rü ngẽmaãcü i chorü maxü̃ rü cupe̱xewa rü gáuxü̃te̱xe i cómüxü̃arü yexera tá nacómüxü̃.

Ore i mexü̃ ga Márcu ümatüxü̃ 9:4

Rü nüma ga yema ngúexü̃gü rü nüxü̃ nadaugü ga Ería rü Moiché ga yéma Ngechuchumaxã idexagüxü̃.

Ore i mexü̃ ga Luca ümatüxü̃ 9:29

Rü yexguma ínayumüxẽyane ga Ngechuchu rü nachiwe rü ngürüãchi niyauracüxü, rü naxchiru rü ta niyauracüxü, rü poraãcüxüchima nacómü.