Ore i mexü̃ ga Márcu ümatüxü̃ 9:26 - Tupanaarü Ore

²⁶ Rü yexguma ga yema ngo̱xo rü aita naxü, rü wenaxarü gumá bucüxü̃ niyuãchixẽxẽ. Rü ñu̱xũchi nawa ínaxũxũ, rü ñoma nayuxuchixü̃rüxü̃ yéma nanata̱x. Rü yemaca̱x ga muxü̃ma ga duü̃xü̃gü rü ñanagürügü: —Marü nayuxuchi nixĩ —ñanagürügü.

Ore i mexü̃ ga Márcu ümatüxü̃ 9:26 Referans Kwoze

Ore i mexü̃ ga Márcu ümatüxü̃ 9:20

Rü Ngechuchuxü̃tawa nanagagü ga gumá bucü. Natürü yexguma Ngechuchuxü̃ nada̱u̱xgu ga yema ngo̱xo, rü gumá bucüxü̃ niyuãchixẽxẽ. Rü yexma ñaxtüanegu nayangu. Rü yexma nidixegugü, rü narüchia̱x.

Ore i mexü̃ ga Márcu ümatüxü̃ 1:26

Rü yexguma ga yema ngo̱xo rü gumá yatüxü̃ niyoyoxẽxẽ, rü tagaãcü aita naxüãcüma nawa ínaxũxũ.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:12

¡Rü ngẽmaca̱x petaãẽgü i guxãma i pema i daxũguxü̃ i naanewa ngẽxmagüxe! ¡Natürü pengechaü̃tümüxü̃gü i pemax, i ñoma naanewa ngẽxmagüxe rü márwa ngẽxmagüxe! Erü ngẽma ngo̱xo i Chataná rü marü petanügu narütáe. Rü poraãcü nanu i nüma erü marü noxretama i ngunexü̃ nüxü̃́ ínayaxü nax chixexü̃ naxüxü̃, erü paxa tá napoxcu”, ñanagürü ga yema naga.

Ore i mexü̃ ga Márcu ümatüxü̃ 9:18

Rü ngextá ítangexmaxü̃wa rü ngẽxguma tüxü̃ naxüxgu rü waixü̃müanegu tüxü̃ naña. Rü tarüchia̱x, rü tixü̃́xchapüta, rü ngẽxma tiyuãchi. Rü marü nüxü̃ chaca̱a̱xü̃ i curü ngúexü̃gü nax tümawa ínata̱xüchigüãxü̃ca̱x i ngẽma ngo̱xo, natürü tama nüxü̃́ inaxĩnü —ñanagürü.

Ínachoxü̃xü̃chiga 5:23

Rü yexguma noxri cuégagu Faraóü̃maxã chidexagu, rü nüma rü yexeraãcü curü duü̃xü̃gümaxã chixexü̃ naxü. Rü cuma rü taxuxü̃ma cuxü nax naxme̱xwa ícunanguxü̃xẽẽxü̃ca̱x —ñanagürü.

Ore i mexü̃ ga Matéu ümatüxü̃ 15:22

Rü Ngechuchuxü̃tawa ingu ga wüxi ga ngecü ga Canaáü̃cüã̱x ga Tíruanegu ãchiü̃cü. Rü tagaãcü ngĩgürügü nüxü̃: —Pa Cori Pa Dabítanüxü̃x, ¡cuxü̃́ changechaü̃tümüxü̃! Erü chauxacüwa nangẽxma i wüxi i ngo̱xo i poraãcü ngúxü̃ ngĩxü̃ ingexẽẽxü̃ —ngĩgürügü.

Ore i mexü̃ ga Márcu ümatüxü̃ 9:25

Rü yexguma Ngechuchu nüxü̃ da̱u̱xgu nax muxü̃ma ga duü̃xü̃gü marü yexma ngutaque̱xexü̃, rü nananga ga yema ngo̱xo. Rü ñanagürü nüxü̃: —Pa Ngo̱xo i Ngegaxẽxẽruxü̃ rü Ngauchi̱xẽxẽẽruxü̃, ¡choma cuxü̃ chamu nax nawa ícuxũxũxü̃ ya daa bucü, rü tagutáma wena nagu cuyaxücuxü̃! —ñanagürü.

Ore i mexü̃ ga Márcu ümatüxü̃ 9:27

Natürü ga Ngechuchu rü naxme̱xgu nayayauxãchi, rü ínanadaxẽxẽ. Rü nüma ga gumá bucü rü inachi.