Ore i mexü̃ ga Márcu ümatüxü̃ 9:23 - Tupanaarü Ore

²³ Rü yexguma ga Ngechuchu rü ñanagürü nüxü̃: —¿Rü tü̱xcüü̃ “ega chomaxã nanguü̃xgu”, ñacurügü? Erü guxü̃ma natauxcha tümaca̱x ya yíxema yaxṍxe —ñanagürü.

Ore i mexü̃ ga Márcu ümatüxü̃ 9:23 Referans Kwoze

Ore i mexü̃ ga Cuáü̃ ümatüxü̃ 11:40

Natürü ga Ngechuchu rü ñanagürü ngĩxü̃: —¿Taux ẽ̱xna i marü cumaxã nüxü̃ chixuchiréxü̃ rü ngẽxguma cuyaxõxgu rü tá nüxü̃ cudau i ngẽma mexü̃ ya Tupana norü poramaxã naxüxü̃? —ñanagürü.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Ore i mexü̃ ga Márcu ümatüxü̃ 11:23

Rü aixcüma pemaxã nüxü̃ chixu rü ngẽxguma chi texé tama chixri yaxõõcüma daa ma̱xpǘnexü̃ ñagügu: “Ixũgachi i nua rü márwa cugü yatáe”, ñagügu, rü chi tümaga naxĩnü ega aixcüma tayaxõõcüma ngẽmaãcü namaxã nüxü̃ tixuxgu.

Ore i mexü̃ ga Matéu ümatüxü̃ 17:20

Rü Ngechuchu nanangãxü̃, rü ñanagürü nüxü̃: —Pema rü taxuacüma ípenata̱xüchi erü tama aixcüma peyaxõgü. Rü aixcüma pemaxã nüxü̃ chixu, rü ngẽxguma chi woo wüxi ya motachachirerüxü̃ naxíraxü̃chigu i perü õ, rü chi daa ma̱xpǘnemaxã nüxü̃ pixuxgu nax yaxũgachixü̃ca̱x, rü chi pega naxĩnü. Rü taxuxü̃chima pexü̃́ naguxcha ega aixcüma peyaxõgügu.

Norü taxre ga to ga popera ga ãẽ̱xgacügüchiga ümatüxü̃ 20:20

Rü moxü̃ãcü ga pa̱xmamaxü̃chi ínarüdagü rü nügü namexẽẽgü nax yema naxnücüane ga Tecoáwaama naxĩxü̃ca̱x. Rü yexguma Yerucharéü̃wa inaxĩãchigu, rü nüma ga Yochapáx rü inachi rü ñanagürü: —¡Choxü̃́ iperüxĩnüe ya guxãma ya Yerucharéü̃cüã̱x rü Yudáanecüã̱x! ¡Rü nüxü̃́ peyaxõ ya tórü Tupana rü ngẽma norü orearü uruü̃gügu! Rü ngẽmaãcü taxũtáma ta̱xacü tüxü̃ nangupetü rü guxü̃táma rü mea tá ínanguxuchi —ñanagürü ga Yochapáx.

Ore i mexü̃ ga Luca ümatüxü̃ 17:6

Rü yexguma ga Cori ga Ngechuchu rü ñanagürü nüxü̃ ga norü ngúexü̃gü: —Rü ngẽxguma chi woo wüxi i motachachirerüxü̃ naxíraxüchigu i perü õ, rü daa nai rü chi pega naxĩnü ega ñapegügu: “¡Cugü nabe̱x i nua rü már-chiügu cugü yato!” ñapegügu, rü chi pega naxĩnü.

Ore i mexü̃ ga Márcu ümatüxü̃ 9:22

Rü muẽ̱xpü̱xcüna i ngẽma ngo̱xo rü üxüxétügu rü dexágu nanañaü̃xü̃ nax ngẽmaãcü yamáaxü̃ca̱x. Rü ngẽmaca̱x ega cumaxã nanguxü̃gu nax ta̱xacü toxca̱x cuxüxü̃, ¡rü cuxü̃́ tangechaü̃tümüxü̃gü, rü toxü̃ rüngü̃xẽxẽ! —ñanagürü.

Ore i mexü̃ ga Márcu ümatüxü̃ 9:24

Rü yexguma ga gumá bucünatü rü tagaãcü ñatarügü: —Chayaxõ. ¡Choxü̃ rüngü̃xẽxẽ nax yexeraãcü chayaxõxü̃ca̱x! —ñatarügü.

Ore i mexü̃ ga Matéu ümatüxü̃ 14:29

Rü Ngechuchu ñanagürü nüxü̃: —Ẽcü ¡nua naxũ! —ñanagürü. Rü yexguma ga Pedru rü ínaxüe ga nguewa. Rü inanaxügü ga dexáétügu nax yaxũxü̃ nax Ngechuchuxü̃tawa naxũxü̃ca̱x.