Ore i mexü̃ ga Márcu ümatüxü̃ 8:23 - Tupanaarü Ore

²³ Rü Ngechuchu rü gumá ngexetücüme̱xẽgu nayayauxãchi, rü ĩanearü yéamaxü̃ra nanaga. Rü yéma naxbü̱xágümaxã nayawaixetüxẽxẽ, rü ñu̱xũchi naxetügu ningõgü, rü nüxna naca rü marü ta̱xacüxü̃ nadau.

Ore i mexü̃ ga Márcu ümatüxü̃ 8:23 Referans Kwoze

Ore i mexü̃ ga Márcu ümatüxü̃ 7:33

Rü yexguma ga Ngechuchu rü noxrüwama duü̃xü̃güna nanaga. Rü naxmachixẽgu nixuxme̱x, rü naxbü̱xágümaxã nügü yawaixme̱xẽẽãcüma norü conügu ningõgü.

Ore i mexü̃ ga Márcu ümatüxü̃ 5:23

Rü poraãcü nüxü̃ naca̱a̱xü̃, rü ñanagürü nüxü̃: —Chauxacü rü ituraxüchi. Rü chanaxwa̱xe i ngéma cuxũ nax ngĩxü̃ cuyarüngõgüxü̃ca̱x nax ngĩxca̱x yataanexü̃ca̱x rü namaxü̃xü̃ca̱x —ñanagürü.

Ngechuchuarü ngúexü̃gü ga yamugüxü̃arü puracüchiga 9:8

Rü ñu̱xũchi inachi ga Chauru ga ñaxtüanewa ga íyanguxü̃wa. Rü nidauchixetü, natürü taxuxü̃ma nadau yerü nixoxetü. Rü yemaca̱x ga namücügü, rü nachacüügu nayayauxãchi, rü yemaacü Damácuwa nanagagü.

Ichaía 51:18

Rü guxü̃ma i petanüwa, Pa Yerucharéü̃cüã̱xgüx, rü tataxuma ya texé ya mea pemaxã icuáxe. Rü petanüwa rü tataxuma ya texé ya pexme̱x yayauxãchixe.

Ichaía 44:2

Rü choma nixĩ i perü Tupana ga pexü̃ changóexẽẽxü̃ naxü̃pa ga nax pibuexü̃. Rü choma nixĩ i pexü̃ charüngü̃xẽxẽxü̃. ¡Rü taxṹ i pemuü̃exü̃, Pa Chorü Duü̃xü̃güx, erü pema i Acóbutanüxü̃ nixĩ i chorü duü̃xü̃gü i pexü̃ chaxunetaxü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 3:18

Rü ñu̱xma rü cuxü̃ chaxucu̱xẽ nax chauxü̃tawa naxca̱x cutaxexü̃ca̱x i úiru i marü üxüwa iguxü̃ i nüxicatama ixĩxü̃. Rü ngẽmaãcü tá aixcüma cuxü̃́ nangẽxma i curü ngẽmaxü̃gü. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i cuxchiru i cómüxü̃ nax ngẽmagu quicúxü̃ca̱x nax taxúema cuxü̃ dauxü̃ca̱x nax cungexchiruxü̃. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i curü ma̱ĩ̱xetüxü̃ nax curümexẽtüxü̃ca̱x rü wena quidauchixü̃ca̱x.

Popera ga Yudíugü ga yaxõgüxü̃ca̱x ümatüxü̃ 8:9

Natürü ngẽma chorü uneta i ngexwaca̱xü̃xü̃, rü taxũtáma namaxã nawüxigu ga yema nüxíraxü̃xü̃ ga chorü uneta ga nũxcümaü̃güxü̃ ga perü o̱xigümaxã nüxü̃ chixuxü̃ ga yexguma nüxü̃ charüngü̃xẽẽgu nax ínachoxü̃xü̃ca̱x ga Equítuanewa. Yerü nümagü ga yema duü̃xü̃gü rü tama chauga naxĩnüe rü tama nayanguxẽxẽ ga yema nüxíraxü̃xü̃ ga chorü uneta, rü yemaca̱x íchanawogü.

Yeremía 31:32

Ngẽma uneta rü taxũtáma yema nüxíraxü̃xü̃ ga uneta ga perü o̱xigümaxã chaxüxü̃rüxü̃ tá nixĩ, yerü yexguma Equítuanewa íchananguxü̃xẽẽgu rü nümagü rü tama aixcüma nayanguxẽẽgü ga yema chorü uneta woo norü yora nax chixĩxü̃ ga chomax. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ore i mexü̃ ga Márcu ümatüxü̃ 8:24

Rü yexguma ga gumá ngexetücü rü inanaxügü ga nax yadauchixü̃. Rü ñanagürü: —Nüxü̃ chadau i duü̃xü̃gü i ñoma naigü ixĩxü̃nerüxü̃ ixĩgüxü̃ —ñanagürü.

Ore i mexü̃ ga Márcu ümatüxü̃ 8:26

Rü yemawena ga Ngechuchu rü napatawa nanamu. Rü namaxã nüxü̃ nixu nax tama ĩaneca̱x nataeguxü̃.

Ngechuchuarü ngúexü̃gü ga yamugüxü̃arü puracüchiga 23:19

Rü naxme̱xgu yayauxãchiãcüma tóxnamana nanaga ga ãẽ̱xgacü, rü yéma nüxna naca rü ñanagürü: —¿Ta̱xacü yixĩxü̃ i ngẽma chomaxã nüxü̃ quixuxchaü̃xü̃? —ñanagürü.