Ore i mexü̃ ga Márcu ümatüxü̃ 8:12 - Tupanaarü Ore

¹² Rü Ngechuchu rü poraãcü yáxna narüngü, rü ñanagürü: —¿Tü̱xcüü̃ i ñaa duü̃xü̃gü naxca̱x ínacagü i wüxi i cua̱xruxü̃ i Tupanaarü poramaxã üxü̃? Rü aixcüma pemaxã nüxü̃ chixu rü bai i wüxi i cua̱xruxü̃ tá nüxü̃ chawe̱x —ñanagürü.

Ore i mexü̃ ga Márcu ümatüxü̃ 8:12 Referans Kwoze

Ore i mexü̃ ga Márcu ümatüxü̃ 7:34

Rü yemawena rü daxũ nadawenüãcüma yáxna narüngü, rü gumá yatüxü̃ ñanagürü: —¡Efatá! —ñanagürü. Rü ngẽma rü: “¡Ingoxna, Pa Naxmachixẽ!” ñaxü̃chiga nixĩ.

Ore i mexü̃ ga Matéu ümatüxü̃ 16:4

Rü ñanagürü ta ga Ngechuchu: —Ñaa duü̃xü̃gü i chixecümagüxü̃ rü tama yaxõgüxü̃ rü naxca̱x ínacagü i wüxi i cua̱xruxü̃ i Tupanaarü poramaxã üxü̃. Natürü yema cua̱xruxü̃ ga Tupanaarü orearü uruxü̃ ga Yonáwa üxü̃xicatama nixĩ i tá nüxü̃ chawéxü̃. Rü taxuxü̃táma i to i cua̱xruxü̃ tá nüxü̃ chadauxẽxẽ i ñaa duü̃xü̃gü —ñanagürü ga Ngechuchu. Rü ñu̱xũchi nüxna yéma nixũ rü inaxũãchi.

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Ore i mexü̃ ga Márcu ümatüxü̃ 9:19

Rü Ngechuchu nanangãxü̃, rü ñanagürü: —Pa Duü̃xü̃gü i Tama Yaxõgüxü̃, ¿ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua penaga ya yimá bucü! —ñanagürü.

Ore i mexü̃ ga Márcu ümatüxü̃ 6:6

Rü naba̱i̱xãchiãxẽ ga Ngechuchu, yerü yema duü̃xü̃gü rü tama nüxü̃́ nayaxõgü. Rü Ngechuchu rü guma ngaicamagüne ga ĩanexacügügu nixũgüchigü, rü nayangúexẽẽtanü ga duü̃xü̃gü.

Ore i mexü̃ ga Márcu ümatüxü̃ 3:5

Rü nüma ga Ngechuchu rü nuchametüãcüma nüxü̃ nadauwenü ga yema nüxü̃ íchomaeguãchixü̃. Rü nangechaü̃ yerü tama inaxĩnüechaü̃ ga yema duü̃xü̃gü. Rü gumá yatüxü̃ ñanagürü: —¡Iyanawe̱xãchixẽxẽ ya cuxme̱x! —ñanagürü. Rü yexguma ga gumá yatü rü nügü inayarüwe̱xãchime̱xẽxẽxẽ. Rü yexgumatama rü narümexme̱x.

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Ore i mexü̃ ga Matéu ümatüxü̃ 12:38

Rü ñuxre ga Parichéugü rü Yudíugüarü ngúexẽẽruü̃gü ga ore ga mugüwa ngu̱xẽẽtaegüxü̃ rü ñanagürügü Ngechuchuxü̃: —Pa Ngúexẽẽruxü̃x, cuxü̃ tadauxchaü̃ nax cunaxüxü̃ i wüxi i cua̱xruxü̃ i Tupanaarü poramaxã cuxüxü̃ —ñanagürügü.

Ore i mexü̃ ga Márcu ümatüxü̃ 8:13

Rü yema ñaxguwena, rü nüxna yéma nixũ ga yema duü̃xü̃gü. Rü wenaxarü nguegu nixüe rü naxtaxaarü tocutüwa naxũ.