Ore i mexü̃ ga Márcu ümatüxü̃ 8:11 - Tupanaarü Ore

¹¹ Rü Ngechuchuxü̃tawa nangugü ga Parichéugü, rü inanaxügüe ga nax namaxã yaporagatanücüüxü̃. Rü nüxna nacagüe nax nüxü̃ nüxü̃ nadauxẽẽxü̃ca̱x ga wüxi ga cua̱xruxü̃ ga Tupanaarü poramaxã naxüxü̃, nax yemaacü nüxü̃ naxügüxü̃ca̱x, rü nüxü̃ nacua̱xgüxü̃ca̱x rü aixcüma Tupana Nane yixĩxü̃.

Ore i mexü̃ ga Márcu ümatüxü̃ 8:11 Referans Kwoze

1 Corintios 10:9

Rü tama name i nüxü̃ taxü ya tórü Cori nax yáxna tamaxã naxĩnüxü̃ yexgumarüxü̃ ga ñuxre ga nümagü naxügüxü̃rüxü̃. Rü yemaca̱x nixĩ ga yema duü̃xü̃güxü̃ nangõ̱xcuxü̃ ga ãxtapegü rü nayuexü̃.

Ore i mexü̃ ga Matéu ümatüxü̃ 12:38

Rü ñuxre ga Parichéugü rü Yudíugüarü ngúexẽẽruü̃gü ga ore ga mugüwa ngu̱xẽẽtaegüxü̃ rü ñanagürügü Ngechuchuxü̃: —Pa Ngúexẽẽruxü̃x, cuxü̃ tadauxchaü̃ nax cunaxüxü̃ i wüxi i cua̱xruxü̃ i Tupanaarü poramaxã cuxüxü̃ —ñanagürügü.

Maraquía 3:15

Rü yixema rü nüxü̃ tadau i ngẽma duü̃xü̃gü i nügü írütagüxü̃ rü nataãẽgü. Rü ngẽma chixexü̃arü üruü̃gü rü guxü̃ma i ta̱xacü i naxügüxü̃wa rü mea nüxü̃́ ínanguxuchi. Rü woo Tupanaxü̃ naxügügu rü taxuxü̃ma i poxcu naxca̱x ínangu”, ñaperügügü —ñanagürü ga Tupana.

Wenaxarü naxümatü ga Tupanaarü mugü 6:16

Rü tama name nax namaxã penuexü̃ ya perü Cori ya Tupana ga yexguma Macháwa namaxã penuegurüxü̃.

Ore i mexü̃ ga Cuáü̃ ümatüxü̃ 4:48

Rü Ngechuchu nanangãxü̃, rü ñanagürü nüxü̃: —Pema rü tama peyaxõgü ega tama nüxü̃ pedauxíragu i cua̱xruü̃gü i Tupanaarü poramaxã üxü̃ —ñanagürü.

Ore i mexü̃ ga Luca ümatüxü̃ 11:16

Natürü ga togü rü Ngechuchuxü̃ naxügüchaxü̃, rü yemaca̱x naxca̱x ínacagü nax nüxü̃ nawéaxü̃ ga wüxi ga cua̱xruxü̃ ga daxũcüã̱x nax yemawa nüxü̃ nacua̱xgüxü̃ rü aixcüma Cristu yixĩ.

Ínachoxü̃xü̃chiga 17:7

Rü yema nachica rü Meribágu nanaxüéga, yerü ga Iraétanüxü̃ rü yema nachicawa Moichémaxã narüxutagagü. Rü to ga naéga ga nagu naxüégagüãxü̃ nixĩ ga Machá, yerü yéma nixĩ ga Tupanaxü̃ naxügüxü̃ ga yexguma ñagügu: —¿Ẽ̱xna nanuxmaxü̃ yixĩxü̃ ya Tupana rüe̱xna taxucüma i nua tatanüwa? —ñagügu.

Ngechuchuarü ngúexü̃gü ga yamugüxü̃arü puracüchiga 5:9

Rü Pedru rü ñanagürü ngĩxü̃: —¿Tü̱xcüü̃ pegümaxã ngẽmaãcü wüxigu perüxĩnüe nax namaxã pidoraexü̃ca̱x i Tupanaãxẽ ya Üünecü? ¡Dücax! Ngẽma cutexü̃ iyata̱xgüxü̃ rü marü ínangugü, rü ñu̱xma rü cuxü̃ rü tá ta ngéma nangegü —ñanagürü.

Ore i mexü̃ ga Cuáü̃ ümatüxü̃ 7:48

Dücax, rü taxúema i tomax i Parichéugü rü taxuxü̃ma i tórü ãẽ̱xgacügü rü nüxü̃́ nayaxõgü i ngẽma Ngechuchu.

Ore i mexü̃ ga Cuáü̃ ümatüxü̃ 6:30

Rü yexguma ga nümagü rü nüxna nacagü, rü ñanagürügü nüxü̃: —¿Ta̱xacürü cua̱xruxü̃xü̃ tá toxü̃ cudauxẽxẽ nax cuxü̃́ tayaxõgüxü̃ca̱x nax aixcüma Cristu quixĩxü̃? ¿Rü ta̱xacü i to i mexü̃ tá toxca̱x cuxü i ñu̱xmax?

Ore i mexü̃ ga Luca ümatüxü̃ 10:25

Rü yexguma inachi ga wüxi ga ngúexẽẽruxü̃ ga Moichéarü mugüwa ngu̱xẽẽtaexü̃, rü Ngechuchuxü̃tawa naxũ nax namaxã yanadexaxü̃ca̱x. Rü Ngechuchuxü̃ naxüxchaü̃, rü yemaca̱x nüxna naca rü ñanagürü: —Pa Ngúexẽẽruxü̃ ya Ngechuchux, ¿Ta̱xacü nixĩ i mexü̃ nax chanaxüxü̃ nax choxü̃́ nangẽxmaxü̃ca̱x i maxü̃ i taguma gúxü̃? —ñanagürü.

Ore i mexü̃ ga Márcu ümatüxü̃ 12:15

Natürü ga Ngechuchu rü nüxü̃ nacua̱xama nax chixexü̃gu namaxã naxĩnüexü̃ ga yema duü̃xü̃gü woo mea namaxã nax yanadexagüxü̃. Rü yemaca̱x ñanagürü nüxü̃: —¿Tü̱xcüü̃ chixexü̃gu choxü̃ pengu̱xẽẽchaü̃xü̃? ¡Nua ngĩxü̃ pinge i wüxitachinü i diẽru nax ngĩxü̃ chadauxü̃ca̱x! —ñanagürü.

Ore i mexü̃ ga Márcu ümatüxü̃ 2:16

Rü yéma nayexmagü ta ga ñuxre ga Parichéugü rü ngúexẽẽruü̃gü ga Moichéarü mugüwa ngu̱xẽẽtaegüxü̃. Rü yexguma nüxü̃ nadaugügu ga yema togümaxã nax nachibüxü̃ ga Ngechuchu, rü norü ngúexü̃güna nacagü, rü ñanagürügü: —¿Ñuxãcü i perü ngúexẽẽruxü̃ rü namaxã nachibü i ngẽma duü̃xü̃gü i Rómaarü ãẽ̱xgacüca̱x diẽru ngĩxü̃ yauxgüxü̃ rü ngẽma duü̃xü̃gü i pecaduã̱xgüxü̃? —ñanagürügü.

Ore i mexü̃ ga Matéu ümatüxü̃ 22:23

Rü yematama ngunexü̃gu rü ñuxre ga Chaduchéugü rü Ngechuchuxü̃tawa naxĩ. Rü nümagü nixĩ ga nüxü̃ yaxugüexü̃ nax yuexü̃ rü tagutáma wena namaxẽxü̃. Rü yemaca̱x Ngechuchuna nacagüe, rü ñanagürügü:

Ore i mexü̃ ga Matéu ümatüxü̃ 22:18

Natürü Ngechuchu nüxü̃ nacua̱xama nax chixexü̃gu naxĩnüexü̃ ga yema duü̃xü̃gü. Rü yemaca̱x ñanagürü nüxü̃: —Pa Duü̃xü̃güpe̱xewa Mea Maxẽnetaxü̃x ¿tü̱xcüü̃ chixexü̃gu choxü̃ pengu̱xẽxẽgüchaü̃xü̃?

Ore i mexü̃ ga Matéu ümatüxü̃ 22:15

Rü yexguma ga Parichéugü rü nixĩgachi ga yéma. Rü noxrüwama nügümaxã nayarüdexagü rü naxca̱x nadaugü nax ñuxãcü tá chixexü̃gu Ngechuchuxü̃ nanguxẽxẽgüxü̃ca̱x rü ñu̱xũchi ãẽ̱xgacüxü̃tawa nax ínaxuaxü̃güãxü̃ca̱x.

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Ore i mexü̃ ga Matéu ümatüxü̃ 19:3

Rü ñuxre ga Parichéugü rü Ngechuchuca̱x naxĩ nax pecadugu nanguxẽẽgüãxü̃ca̱x. Rü nüxna nacagüe rü ñanagürügü: —¿Cuxca̱x namexü̃ i wüxi i yatü nax ínatáxma̱xmarexü̃ ega naxma̱x rü ngexü̃rüüxü̃ i guxchaxü̃ taxü̱xgu? —ñanagürügü.

Ínachoxü̃xü̃chiga 17:2

Rü yemaca̱x Moichémaxã narüxutagagü rü ñanagürügü: —¡Ẽcü toxü̃ ixaxegüxẽxẽ i ñu̱xmax! —ñanagürügü. Rü yexguma ga Moiché rü nanangãxü̃ rü ñanagürü: —¿Tü̱xcüü̃ chomaxã perüxutagagü? ¿Rü tü̱xcüü̃ Tupanaxü̃ pexügü? —ñanagürü.

Ore i mexü̃ ga Cuáü̃ ümatüxü̃ 8:6

Rü yema ñanagürügü ga nümagü, yerü Ngechuchuxü̃ guxchaxü̃gu nangu̱xẽẽgüchaü̃ nax nüxü̃́ nayexmaxü̃ca̱x ga ta̱xacüca̱x nax ínaxuaxü̃güãxü̃. Natürü ga Ngechuchu rü inayarümaxãchi rü inanaxügü ga naxme̱xmaxã waixü̃müwa nax naxümatüaxü̃.

Ore i mexü̃ ga Márcu ümatüxü̃ 9:16

Rü nüma ga Ngechuchu rü nüxna naca, rü ñanagürü nüxü̃: —¿Ta̱xacü nixĩ i naxca̱x ípiporagatanücüüxü̃? —ñanagürü.