Ore i mexü̃ ga Márcu ümatüxü̃ 7:7 - Tupanaarü Ore

⁷ Rü taxuwama name nax choxü̃ yacua̱xüü̃güxü̃. Erü guxü̃ma i ngẽma norü ngu̱xẽẽtae rü yatügüarü mugümare nixĩgü”, ñaxü̃.

Ore i mexü̃ ga Márcu ümatüxü̃ 7:7 Referans Kwoze

Ichaía 29:13

Rü nüma ya Cori ya Tupana rü ñanagürü choxü̃: —Ñaa duü̃xü̃gü rü norü dexawaxicatama nügü nixugüe nax chorü duü̃xü̃gü yixĩgüxü̃, natürü tama chauga naxĩnüe. Rü naã̱xmaxãxicatama choxü̃ nicua̱xüü̃gü, natürü norü maxü̃newa rü tama chaugu narüxĩnüe. Rü ngẽma norü cua̱xüü̃gü rü duü̃xü̃güarü ĩnüwa nanayauxgü.

Ore i mexü̃ ga Matéu ümatüxü̃ 15:9

Rü taxuwama name nax choxü̃ yacua̱xüü̃güxü̃. Erü guxü̃ma i norü ngu̱xẽẽtae rü yatügüarü mugümare nixĩ rü tama aixcüma chorü mu nixĩ”, ñaxü̃ —ñanagürü ga Ngechuchu.

Popera ga Chantiágu ümatüxü̃ 1:26

Rü ngẽxguma chi wüxíe tügü ixuxgu nax wüxi i ore i mexü̃ tixõxü̃ natürü tama nüxna tada̱u̱xgu ya tümaarü conü, rü tügütama tawomüxẽxẽ rü taxuwama name i ngẽma ore i tixõxü̃.

Colosenses 2:22

Natürü guxü̃ma i ngẽma nacümagü rü paxa tá inayarüxo, erü duü̃xü̃güarü nixĩgü. Rü ngẽma pexü̃ namuxü̃ rü duü̃xü̃güarü mugümare nixĩ. Rü ngẽma pexü̃ nangúexẽẽxü̃ rü duü̃xü̃güarü ngu̱xẽẽtaemare nixĩ.

Ore i mexü̃ ga Matéu ümatüxü̃ 6:7

Rü tama name i natüca̱xma cunama̱xẽxẽ i curü yumüxẽ naxrüxü̃ i ngẽma duü̃xü̃gü i tama Tupanaxü̃ cua̱xgüxü̃. Erü nümagü rü nagu narüxĩnüe rü ngẽma nax nama̱xẽẽgüãxü̃ca̱x i norü yumüxẽ rü Tupana tá nüxü̃ naxĩnü.

Popera ga Títoca̱x naxümatüxü̃ ga Pauru 3:9

¡Natürü nüxna ixũgachi i ngẽma dexagü i taxuwama mexü̃, rü ngẽma oregü i nũxcümaxü̃güxü̃ i duü̃xü̃güchigamare ixĩgüxü̃! ¡Rü nüxna ixũgachi i ngẽma dexagü i duü̃xü̃gü nawa nügü ngaexü̃ rü naxca̱x nügümaxã nuexü̃ nachiga i ngẽma mugü ga Moiché ümatüxü̃! Erü guxü̃ma i ngẽma rü taxuwama name, rü natüca̱xmamare nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:18

Rü guxãma ya yíxema nüxü̃ ĩnüexe i ñaa Tupanaarü ore i ñaa poperagu ümatüxü̃ nachiga i ta̱xacü tá ínguxü̃, rü tümamaxã nüxü̃ chixu rü ngẽxguma chi texé nayexeraxẽẽgu i ngẽma ore rü Tupana rü tá tümaca̱x nanayexeraxẽxẽ i ngẽma poxcugü i ñaa poperawa nachiga naxümatüxü̃.

1 Chamué 12:21

¡Rü taxṹ i nawe perüxĩxü̃ i ngẽma tupananetagü i tama pexü̃ rüngü̃xẽẽxü̃ rü tama pexü̃ maxẽxẽxẽxü̃! Erü ucaxü̃mare nixĩ i ngẽma tupananetagü.

Wenaxarü naxümatü ga Tupanaarü mugü 12:32

Natürü i pema rü penaxwa̱xe nax guxü̃guma nagu pexĩxü̃ i guxü̃ma i ngẽma mugü i pemaxã nüxü̃ chixuxü̃. Rü taxũtáma ta̱xacürü to i mugü pixücuchi rüe̱xna ípenaxüxüchi nawa i ngẽma pemaxã nüxü̃ chixuxü̃.

Popera ga Chantiágu ümatüxü̃ 2:20

Pa Yatüx, tama name nax wüxi i duü̃xü̃ i tama naãxẽxü̃ cuáxü̃ quixĩ. ¿Tama ẽ̱xna nüxü̃ cucua̱x rü ngẽxguma cuyaxõmaregu, rü tama mexü̃ cuxü̱xgu, rü taxuwama name i ngẽma curü õ?

Maraquía 3:14

Rü ñaa nixĩ i ngẽma nüxü̃ pixuxü̃: “Taxuwama name i Tupanaaxü̃́ nax ipuracüexü̃. ¿Rü ta̱xacürü mexü̃ tayaxu i ngẽxguma naxü̱xgu i ngẽma nüma tüxü̃ namuxü̃? ¿Rü ta̱xacüwa tüxü̃́ name nax ingechaü̃güxü̃ ega ta̱xacürü chixexü̃ ixügügu nape̱xewa ya Cori ya Tupana ya Guxãétüwa Ngẽxmacü?

1 Corintios 15:14

Rü yexguma chi Cristu tama wena maxü̃gu, rü ngẽma ore i nüxü̃ tixuxü̃ i nachiga rü taxuwa chima name, rü natüca̱xmamare chi nixĩ i perü õ.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.