Ore i mexü̃ ga Márcu ümatüxü̃ 7:26 - Tupanaarü Ore

²⁶ Rü yema nge rü tama Yudíu iyixĩ rü to ga nachixü̃anecüã̱x ga Chirofeníchiacüã̱x iyixĩ. Rü Ngechuchuca̱x iyaxũ, rü nüxü̃ ica̱a̱xü̃ nax ngĩxacüwa ínata̱xüchiãxü̃ca̱x ga yema ngo̱xo.

Ore i mexü̃ ga Márcu ümatüxü̃ 7:26 Referans Kwoze

Ore i mexü̃ ga Matéu ümatüxü̃ 15:22

Rü Ngechuchuxü̃tawa ingu ga wüxi ga ngecü ga Canaáü̃cüã̱x ga Tíruanegu ãchiü̃cü. Rü tagaãcü ngĩgürügü nüxü̃: —Pa Cori Pa Dabítanüxü̃x, ¡cuxü̃́ changechaü̃tümüxü̃! Erü chauxacüwa nangẽxma i wüxi i ngo̱xo i poraãcü ngúxü̃ ngĩxü̃ ingexẽẽxü̃ —ngĩgürügü.

Ichaía 49:12

Rü pema ya Iraétanüxü̃ rü tá yáxü̃wama ne pexĩ, rü ñuxre rü nórtewaama rü togü rü oéstewaama rü togü rü Equítuanearü súrwaama tá ne pexĩ.

Colosenses 3:11

Rü ñu̱xma rü Tupanape̱xewa rü nüetama nixĩ ega Yudíu quixĩxgu rü ẽ̱xna tama. Rü nüetama nixĩ ega ícuwiecha̱xmüxü̃pe̱xechiraü̃gu rü ẽ̱xna tama. Rü nüetama nixĩ ega ta̱xacürü nachixü̃anecüã̱x i duü̃xü̃ quixĩxgu, rü ẽ̱xna duü̃xü̃ i tama poperaxü̃ icuáxü̃ quixĩxgu. Rü nüetama nixĩ ega wüxi i mugüruxü̃ quixĩxgu, rü ẽ̱xna taxúxearü duü̃xü̃ quixĩxgu. Erü ñu̱xma rü guxü̃arü yexera tüxü̃́ mexü̃ nixĩ nax Cristu rü guxü̃arü yora yixĩxü̃ rü guxü̃wa nangẽxmaxü̃.

Gálatas 3:28

Rü ñu̱xma rü Tupanape̱xewa rü nüetama nixĩ ega woo Yudíugü pixĩgügu rü ẽ̱xna tama. Rü nüetama ega woo wüxi i coriarü duü̃xü̃gü pixĩgügu rü ẽ̱xna taxúearü duü̃xü̃gü pixĩgügu. Rü nüetama ega woo piyatügu rü ẽ̱xna pingexgu. Erü ñu̱xma nax Ngechuchu ya Cristuarü duü̃xü̃gü nax pixĩgüxü̃, rü wüxitama i duü̃xü̃ pixĩgü i guxãma i pemax.

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Ore i mexü̃ ga Márcu ümatüxü̃ 7:25

Rü paxa nüxü̃ icuáchiga ga wüxi ga nge ga ngĩxacüwa ngo̱xo yexmacü. Rü yéma ixũ, rü Ngechuchupe̱xegu iyacaxã́pü̱xü.

Ore i mexü̃ ga Márcu ümatüxü̃ 7:27

Natürü ga Ngechuchu rü ñanagürü ngĩxü̃: —Name nixĩ i ta̱xacügüxü̃xíra tachibüexẽxẽ. Erü tama name i ta̱xacügüna tanayaxu i norü õna nax airugüna naxãxü̃ca̱x —ñanagürü.