Ore i mexü̃ ga Márcu ümatüxü̃ 7:21 - Tupanaarü Ore

^21-22 Erü norü aixepewa i naãxẽwa ne naxĩ i muxü̃ma i chixexü̃gü ngẽxgumarüxü̃ nax chixexü̃gu naxĩnüxü̃, rü naxü̃nearü ngúchaü̃gu nax namaxü̃xü̃, rü nangĩ́xü̃, rü namáetaxü̃, rü nai i ngexü̃maxã namaxü̃xü̃, rü togüarü ngẽmaxü̃ nüxü̃́ ngúchaü̃xü̃, rü chixexü̃gu namaxü̃xü̃, rü nawomüxẽẽwa̱xexü̃, rü chixexü̃ i nacümagü, rü naxauxãchiwa̱xexü̃, rü naxoregüta̱xáxü̃, rü nügü yacua̱xüxü̃xü̃, rü tama mea naãxẽxü̃ nacuáxü̃.

Ore i mexü̃ ga Márcu ümatüxü̃ 7:21 Referans Kwoze

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?

Ore i mexü̃ ga Matéu ümatüxü̃ 15:19

Erü naãẽwa nixĩ i chixexü̃gu naxĩnüexü̃ i duü̃xü̃gü. Rü ngéma ne naxũ nax namáetaxü̃, rü to i ngexü̃ i ãtéxü̃maxã nax inapexü̃, rü nax nangeãẽmarexü̃, rü nax nangĩ́xü̃, rü nax yadorata̱xáxü̃, rü nax naguxchigawa̱xexü̃.

Ngechuchuarü ngúexü̃gü ga yamugüxü̃arü puracüchiga 8:22

¡Nüxü̃ rüxo i ngẽma curü chixexü̃, rü Tupanana naca nax cuxü̃́ nüxü̃ rüngü̃maxü̃ca̱x! Rü bexmana tá cuxü̃́ nüxü̃ iyanangü̃ma i ngẽma chixexü̃ i cuãxẽwa nagu curüxĩnüxü̃.

Echequié 38:10

Rü Choma ya Cori ya Tupana rü cumaxã nüxü̃ chixu: “Rü ngẽma ngunexü̃gu rü chixexü̃ i ĩnü tá cuwa nangu.

Ore i mexü̃ ga Matéu ümatüxü̃ 9:4

Natürü ga Ngechuchu rü nüxü̃ nacua̱xama ga yema naãẽwa nagu naxĩnüexü̃. Rü yemaca̱x ñanagürü nüxü̃: —¿Tü̱xcüü̃ chixexü̃gu perüxĩnüe?

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Popera ga Chantiágu ümatüxü̃ 2:4

Rü ngẽxguma tama wüxigu mea penayauxgu i ngẽma taxre, rü pewatama nango̱x nax tama guxãmaxã pemecümaxü̃ rü chixexü̃ i duü̃xü̃gü nax pixĩgüxü̃.

Ucu̱xẽgüchiga 4:23

¡Ñoma i naanewa rü guxü̃arü yexera nüxna nadau i curü ĩnü, erü ngẽma curü ĩnü nixĩ i maxü̃wa cuxü̃ gaxü̃!

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Ichaía 59:7

Rü pepaxaãẽgü nax pemáetagüxü̃ rü tüxü̃ pima̱x ya yíxema taxuxü̃ma i chixexü̃ üxe. Rü máetaguxicatama perüxĩnüe rü ngẽmaca̱x penadai i duü̃xü̃gü rü ngẽma ípechopetüxü̃wa rü guxü̃ma nachixe.

Wiyaegü 53:3

Natürü guxü̃ma i duü̃xü̃gü rü Tupanana nixĩgachi rü guxü̃ma wüxigu chixexü̃gu narüxĩnüe. Rü marü tataxuma ya texé ya mexü̃ üxe, rü bai ya wüxi.

Wiyaegü 14:3

Natürü guxü̃ma i duü̃xü̃gü rü chixexü̃gu namaxẽ rü guxü̃ma wüxigu chixexü̃gu narüxĩnüe. Rü marü tataxuma ya texé ya mexü̃ ǘxe, rü bai ya wüxíe.

Romanos 7:8

Natürü yexguma yema mugü choxü̃ nüxü̃ cua̱xẽẽgu nax nachixexü̃ nax toguã̱xarü ngẽmaxü̃ choxü̃́ ngúchaü̃xü̃, rü nüma ga pecadu rü nayoxnie nax yexeraãcü choxü̃́ nax nangúchaü̃xẽẽãxü̃. Rü ngẽxguma chi nataxuxgu i ngẽma mugü, rü tataxuchima i norü pora i ngẽma pecadu.

Ngechuchuarü ngúexü̃gü ga yamugüxü̃arü puracüchiga 5:4

¿Ẽ̱xna yexguma tauta namaxã cutaxegu, rü tama ẽ̱xna cuxrü yixĩxü̃ ga yema naane? ¿Rü yexguma namaxã cutaxegu, tama ẽ̱xna cuxrü yixĩxü̃ ga yema diẽru? ¿Tü̱xcüü̃ i cunaxüxü̃ i ñaa? Tama yatügümaxã quidora, natürü Tupanamaxã nixĩ i quidoraxü̃ —ñanagürü ga Pedru.

Ucu̱xẽgüchiga 15:25

Nüma ya Cori ya Tupana, rü nayanaxoxẽxẽ ya napata i ngẽma nügü icua̱xüü̃xü̃. Natürü yíxema yutexe rü tüxü̃́ nüxna nadau i tümaarü naane.

Wiyaegü 14:1

Rü ngẽma duü̃xü̃gü i naechitamare maxẽxü̃ rü nagu narüxĩnüe nax nataxuxü̃ ya Tupana. Rü guxü̃ma i ngẽma duü̃xü̃gü rü chixexü̃gu narüxĩnüe rü nanaxügü i ngẽma Tupanape̱xewa chixexü̃chixü̃. Rü bai i wüxi i mexü̃ üxü̃.

Yox 25:4

¿Rü wüxi i duü̃xü̃ rü ñuxãcü tá Tupanape̱xewa nügü nixu nax nangearü pecaduã́xü̃? ¿Rü wüxi i duü̃xü̃ i wüxi ya ngexewa buxü̃ rü ñuxãcü tá nügü nixu nax nataxuxũma i norü chixexü̃?

Yox 14:4

Rü taxúema tümamaxã nanguxü̃ nax wüxi i chixexü̃wa tanayaxuxü̃ i ta̱xacü i mexü̃.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Naanearü ügüchiga 6:5

Natürü ga Cori ya Tupana rü nüxü̃ nadau nax ñoma ga naanewa poraãcü chixexü̃ naxügüxü̃ ga duü̃xü̃gü rü chixexü̃guxicatama naxĩnüexü̃.

Romanos 7:5

Rü yexguma pecadugu imaxẽgu rü tanaxü ga taxü̃nearü ngúchaü̃gü woo yema mugü tüxna nax nachu̱xuxü̃ ga yema. Rü yexguma nüxü̃ icua̱xgu nax nachu̱xuxü̃ ga yema pecadu ga ixüxü̃, rü yexeraãcü tanaxüxchaü̃. Rü yemaacü ga yema tórü pecadugü rü yuwa tüxü̃ nagagü.

Wiyaegü 53:1

Rü ngẽma duü̃xü̃gü i naechita maxẽmarexü̃ rü ñanagürügü: —Nataxuma ya Tupana —ñanagürügü. Rü ngẽma duü̃xü̃gü rü chixexü̃gu narüxĩnüe rü chixexü̃ naxügü. Rü tataxuma ya texé ya mexü̃ üxe, rü bai i wüxi.

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

Wiyaegü 119:36

¡Rü choxü̃ rüngü̃xẽxẽ nax ngẽma diẽru i chixeãcü yaxuxü̃arü yexera choxü̃́ nangúchaü̃xü̃ca̱x i curü mugü!

Ichaía 59:13

Rü tama Tupanaga taxĩnüe rü tama namaxã tixaixcümagü. Rü nüxna tixĩgachi. Rü máetachiga tidexagü rü tanaechitaegü. Rü duü̃xü̃güxü̃ tawomüxẽxẽ.

Yeremía 16:12

Rü pema rü yema nũxcümaü̃güxü̃ ga perü o̱xigüarü yexera chixexü̃ pexügü. Erü wüxichigü i pema rü penaxü i ngẽma chixexü̃gü i peãẽwa nagu perüxĩnüexü̃ rü ñu̱xũchi tama chauga pexĩnüe.

Ore i mexü̃ ga Márcu ümatüxü̃ 7:20

Rü ñanagürü ta: —Rü ngẽma duü̃xü̃ãẽwa ne ũxü̃, rü ngẽmawaxi nixĩ i Tupanape̱xewa nachixexẽẽxü̃ i ngẽma duü̃xü̃.

Colosenses 3:5

Rü ñu̱xma rü name nixĩ i nüxü̃ perüxoe i guxü̃ma i ñoma i naanearü chixexü̃ i pewa ngẽxmaxü̃. Rü tama name i pema̱xna nai i ngexü̃maxã pemaxẽ, rü tama name i petena nai ya yatümaxã pemaxẽ. Rü tama name i penaxü i pexenearü ngúchaü̃ rü bai i nagu perüxĩnüemarexü̃. Rü tama name i pexü̃́ nangúchaü̃ i ta̱xacürü to i chixexü̃gü. Rü tama name i pexaüexü̃, erü yíxema ngẽma nacüma tüxü̃́ ngẽxmaxe rü namaxã tatupanaã̱x.