Ore i mexü̃ ga Márcu ümatüxü̃ 7:15 - Tupanaarü Ore

¹⁵ Rü taxuxü̃ma i ta̱xacü i düxétüwa ne ũxü̃ rü taa̱xwa ixücuxü̃ nixĩ i Tupanape̱xewa tüxü̃ chixexẽẽxü̃. Natürü ngẽma taãẽwa ne ũxü̃, rü ngẽmawaxi nixĩ i tüxü̃ chixexẽxẽxü̃ i Tupanape̱xewa.

Ore i mexü̃ ga Márcu ümatüxü̃ 7:15 Referans Kwoze

Ucu̱xẽgüchiga 4:23

¡Ñoma i naanewa rü guxü̃arü yexera nüxna nadau i curü ĩnü, erü ngẽma curü ĩnü nixĩ i maxü̃wa cuxü̃ gaxü̃!

Popera ga Títoca̱x naxümatüxü̃ ga Pauru 1:15

Rü yíxema aixcüma Tupanaaxü̃́ yaxṍxe rü guxü̃guma mexü̃gu tarüxĩnü. Natürü ngẽma tama Tupanaaxü̃́ yaxõxü̃, rü taxucürüwa mexü̃gu narüxĩnü erü norü ĩnü rü naxãũãchi rü naãxẽwa chixexü̃gu narüxĩnü.

Popera ga Yudíugü ga yaxõgüxü̃ca̱x ümatüxü̃ 13:9

Rü tama name i peyaxõgü i ngẽma ngu̱xẽẽtaegü i tama toma pexü̃ namaxã tangúexẽẽxü̃ i tama Tupanaarü ixĩgüxü̃. Rü nũxcüma nagu taxĩ ga yema mugü ga Moiché ümatüxü̃ ga tüxna nachu̱xuxü̃ nax ta̱xacü ixüxü̃ rü ta̱xacü ingṍxü̃. Natürü narümemae nixĩ nax Tupanaarü ngechaü̃maxã napaxü̃ i tórü maxü̃ nax tórü õwa iporaexü̃ca̱x

Popera ga Yudíugü ga yaxõgüxü̃ca̱x ümatüxü̃ 9:10

Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.

Ore i mexü̃ ga Matéu ümatüxü̃ 12:34

Pa Ãxtapearü Duü̃xü̃güx, ¿ñuxãcü i mexü̃ i orexü̃ pixuxü̃ ega pematama rü pichixecümagu? Erü ngẽma ore i pea̱xmaxã nüxü̃ pixuxü̃ rü peãxẽwa nixĩ i ne naxũxü̃.

Romanos 14:17

Rü ngẽma Tupanape̱xewa nax imexü̃ca̱x rü tama ta̱xacürü õna nax ingṍxü̃ rüe̱xna ta̱xacürü axexü̃ nax ixaxüxü̃gagu nixĩ. Natürü Tupanape̱xewa nax imexü̃ca̱x rü tanaxwa̱xe i Naãxẽ ya Üünexü̃arü ngü̃xẽẽmaxã tayanguxẽxẽ i ngẽma Tupana naxwa̱xexü̃, rü yigü tangechaü̃gü, rü aixcüma tataãẽgü nape̱xewa ya Tupana.

1 Corintios 10:25

Rü marü name i penangõ̱x i naguxü̃raü̃xü̃ i namachi i namaxã nataxegüxü̃, natürü taxuca̱xma tü̱xcüü̃ naxca̱x ípeca rü marü tupananetagüxü̃ namaxã yacua̱xüü̃güxü̃ i namachi yixĩ.

Ngechuchuarü ngúexü̃gü ga yamugüxü̃arü puracüchiga 10:28

Rü yexguma ga Pedru rü ñanagürü nüxü̃ ga yema duü̃xü̃gü ga yexma ngutaque̱xegüxü̃: —Pema nüxü̃ pecua̱x i toma i Yudíugüca̱x rü nangẽxma i torü mugü i toxna nachu̱xuxü̃ nax pemaxã tangutaque̱xegüxü̃, rü pepatagu nax tachocuxü̃. Natürü Tupana choxü̃ nango̱xetüxẽxẽ rü choxü̃ nüxü̃ nadauxẽxẽ nax tama namexü̃ nax nagu charüxĩnüxü̃ nax tama Tupanape̱xewa timexü̃ ya yíxema tama Yudíugü ixĩgüxe.

Ore i mexü̃ ga Matéu ümatüxü̃ 15:16

Rü Ngechuchu nanangãxü̃ rü ñanagürü: —¿Ẽ̱xna pema rü ta tama nüxü̃ pecua̱x i ngẽma ore nax ta̱xacüchiga yixĩxü̃?

Ore i mexü̃ ga Márcu ümatüxü̃ 7:14

Rü yexgumawena duü̃xü̃güca̱x naca ga Ngechuchu, rü ñanagürü nüxü̃: —¡Mea choxü̃́ iperüxĩnüe, rü nüxü̃ pecuá i ñaa chorü ore!

Ore i mexü̃ ga Márcu ümatüxü̃ 7:16

Rü ngẽxguma pixãchi̱xẽgu, ¡rü nüxü̃ pexĩnüe i ngẽma ore! —ñanagürü.