Ore i mexü̃ ga Márcu ümatüxü̃ 6:41 - Tupanaarü Ore

⁴¹ Rü yexguma ga Ngechuchu rü nanade ga yema wüxime̱e̱xpü̱x ga paũ rü yema taxre ga choxni. Rü daxũguxü̃ ga naanegu nadawenüãcüma Tupanana moxẽ naxã. Rü inanabücu ga yema paũ, rü norü ngúexü̃güna nanana nax yema duü̃xü̃güxü̃ yanuxü̃ca̱x. Rü yema taxre ga choxni rü ta guxü̃ma ga yema duü̃xü̃güxü̃ nayanu.

Ore i mexü̃ ga Márcu ümatüxü̃ 6:41 Referans Kwoze

Ore i mexü̃ ga Matéu ümatüxü̃ 14:19

Rü yexguma ga Ngechuchu rü duü̃xü̃güxü̃ namu nax maxẽte̱xewa natogüxü̃ca̱x. Rü ñu̱xũchi nanade ga yema wüxime̱e̱xpü̱x ga paũ rü yema taxre ga choxnigü. Rü daxũgu nadawenüãcüma Tupanana moxẽ naxã, rü ñu̱xũchi inanabücu ga yema paũgü. Rü norü ngúexü̃güna nanana, rü nümagü rü duü̃xü̃güxü̃ nayanu.

Ore i mexü̃ ga Márcu ümatüxü̃ 7:34

Rü yemawena rü daxũ nadawenüãcüma yáxna narüngü, rü gumá yatüxü̃ ñanagürü: —¡Efatá! —ñanagürü. Rü ngẽma rü: “¡Ingoxna, Pa Naxmachixẽ!” ñaxü̃chiga nixĩ.

Ore i mexü̃ ga Luca ümatüxü̃ 24:30

Rü yexguma chibüca̱x wüxiwa mechawa natogügu, rü Ngechuchu nanayaxu ga paũ. Rü Tupanana moxẽ naxca̱x naxã. Rü ñu̱xũchi inanabücu, rü wüxichigüna nanaxã.

Ore i mexü̃ ga Luca ümatüxü̃ 9:16

Rü yexguma ga Ngechuchu rü nanade ga yema wüxime̱e̱xpü̱x ga paũ rü yema taxre ga choxni. Rü daxũgu nadawenüãcüma Tupanana moxẽ naxã, rü ñu̱xũchi inanabücu ga yema paũ rü choxni. Rü norü ngúexü̃güna nanaxã nax nüxü̃ yanuaxü̃ca̱x ga yema duü̃xü̃gü.

1 Chamué 9:13

Rü ngẽxguma nawa pengugügu ya yima ĩane ¡rü paxa naxca̱x peda̱u̱x naxü̃pa nax ngutaque̱xechicawa naxũxü̃ naxca̱x i ngẽma õna! Rü ngẽma duü̃xü̃gü rü taxũtáma nachibüe ñu̱xmata nüma ngéma nanguxgu. Erü nüma tá namaxã nayumüxẽ i ngẽma Tupanaarü ãmare i yagugüxü̃. Rü ngẽmawena tá nixĩ i nachibüexü̃ i ngẽma duü̃xü̃gü i nüxna naxuxü̃. ¡Rü ngẽmaca̱x paxãma ngéma pexĩ i ñu̱xmax! Rü tá ngẽxma nüxü̃ ipeyangau —ngĩgürügügü.

1 Corintios 10:31

Dücax, pemaxã nüxü̃ chixu rü name nixĩ i guxü̃ma i ngẽma pexüxü̃maxã Tupanaxü̃ picua̱xüü̃gü. Rü ngẽxguma ta̱xacü pengõ̱xgügu, rüe̱xna ta̱xacü pixaxgügu rüe̱xna ta̱xacü i to pexügügu, rü name nixĩ i ngẽmamaxã Tupanaxü̃ picua̱xüü̃gü.

Ore i mexü̃ ga Cuáü̃ ümatüxü̃ 17:1

Rü yema ñaxguwena rü Ngechuchu daxũgu nadawenü, rü ñanagürü: —Pa Chaunatüx, marü nawa nangu i ngunexü̃ nax duü̃xü̃güarü pecaduca̱x chayuxü̃. Rü chanaxwa̱xe nax duü̃xü̃güxü̃ nüxü̃ cucua̱xẽẽxü̃ nax choma rü aixcüma Cune chixĩxü̃. Rü ngẽmaãcü i choma rü tá nüxü̃ nüxü̃ chacua̱xẽxẽ nax cuma rü aixcüma Tupana nax quixĩxü̃.

Ore i mexü̃ ga Cuáü̃ ümatüxü̃ 11:41

Rü yexguma ínananguxgachigü ga gumá nuta. Rü Ngechuchu daxũgu nadawenüãcüma ñanagürü: —Pa Chaunatü, moxẽ cuxna chaxã erü marü choxü̃ cuxĩnü.

Ore i mexü̃ ga Márcu ümatüxü̃ 14:22

Rü yexguma ínachibüeyane, rü Ngechuchu nanayaxu ga paũ. Rü Tupanana moxẽ naxã, rü inanabücu, rü norü ngúexü̃güxü̃ nayanu. Rü ñanagürü nüxü̃: —¡Penayaxu̱x i ñaa paũ! Rü ngẽma rü chaxunechiga nixĩ —ñanagürü.

Colosenses 3:17

Rü guxü̃ma i ngẽma pexüxü̃ rü nüxü̃ pixuxü̃ rü name nixĩ i tórü Cori ya Ngechuchuégagu penaxü rü naégagu Tanatü ya Tupanana moxẽ pexãgü.

Romanos 14:6

Rü yíxema duü̃xẽ ya ta̱xacürü ngunexü̃ Tupanaca̱x íxüxüchixe, rü ngẽmaãcü tanaxü nax ngẽma ngunexü̃gu tórü Corixü̃ ticua̱xüü̃xü̃ca̱x. Rü yíxema guxü̃ i õna ngṍxe, rü ngẽmaãcü tanangõ̱x nax tórü Corixü̃ ticua̱xüü̃xü̃ca̱x, rü Tupanana moxẽ taxã naxca̱x i ngẽma tangṍxü̃. Rü yíxema tama guxü̃ i õna ngṍxe, rü ngẽmaãcü tanaxü nax tórü Corixü̃ ticua̱xüü̃xü̃ca̱x, rü tüma rü ta Tupanana moxẽ taxã naxca̱x i ngẽma tangṍxü̃.

Ore i mexü̃ ga Cuáü̃ ümatüxü̃ 6:23

Rü yexguma yemagu ínaxĩnüeyane, rü yoxocüne ínangugü ga náigü ga ngue ga itaxü̃ne ga ĩane ga Tibériawa ne ĩxü̃ne. Rü norü ngaicamana nangugü ga yema nachica ga ngextá Ngechuchu ínachibüexẽẽxü̃wa ga yema muxü̃ma ga duü̃xü̃gü ga yexguma moxẽ inaxãxgu naxca̱x ga yema paũ.

Ore i mexü̃ ga Cuáü̃ ümatüxü̃ 6:11

Rü yexguma ga Ngechuchu rü nanade ga yema paũgü, rü Tupanana moxẽ naxã. Rü yemawena rü norü ngúexü̃güxü̃ nayanu nax yema duü̃xü̃gü ga yéma rütogüxü̃xü̃ yanuaxü̃ca̱x. Rü yexgumarüxü̃ ta ga choxni rü nüxü̃ nayanu. Rü meama nachibüe ga guxü̃ma ga yema duü̃xü̃gü.

Ore i mexü̃ ga Matéu ümatüxü̃ 26:26

Rü yexguma ínachibüeyane rü Ngechuchu nanayaxu ga wüxi ga paũ. Rü Tupanana moxẽ naxã, rü inanabücu, rü norü ngúexü̃güxü̃ nayanu. Rü ñanagürü: —¡Penayaxu rü penangṍ! Ñaa rü chaxune nixĩ —ñanagürü.

Ore i mexü̃ ga Matéu ümatüxü̃ 15:36

Rü nanade ga yema 7 ga paũ rü yema choxnigü. Rü Tupanana moxẽ naxã. Rü ñu̱xũchi inanabücu. Rü norü ngúexü̃güna nanana nax duü̃xü̃güxü̃ yanuaxü̃ca̱x.

Wenaxarü naxümatü ga Tupanaarü mugü 8:10

Natürü ngẽxguma pechibüeguwena rü pengãxpütüwegügu, rü name nax nüxü̃ picua̱xüü̃xü̃ ya Cori ya Tupana naxca̱x i ngẽma mexü̃ i naane i pexna naxãxü̃.

Ngechuchuarü ngúexü̃gü ga yamugüxü̃arü puracüchiga 27:35

Rü yexguma marü yema ñaxgu, rü nanayaxu ga wüxi ga paũ, rü Tupanana moxẽ naxã nape̱xewa ga guxü̃ma. Rü inanabücu ga yema paũ, rü inanaxügü nax nangṍoxü̃.

Ore i mexü̃ ga Márcu ümatüxü̃ 6:40

Rü ínarütogü ga 100 chigü rü 50 chigü ga duü̃xü̃gü.

Ore i mexü̃ ga Márcu ümatüxü̃ 6:42

Rü guxü̃ma nachibüe ñu̱xmata meama nüxü̃́ yangu.

Ore i mexü̃ ga Márcu ümatüxü̃ 8:19

Rü yexguma yema 5,000 ga duü̃xü̃gü ga iyatüxü̃xü̃ chayanuxgu ga yema wüxime̱e̱xpü̱x ga paũ, ¿rü ñuxre ga pexchigü yixĩxü̃ ga napagücü ga yexguma penadexgu ga yema íyaxügüxü̃? —ñanagürü. Rü nümagü nanangãxü̃gü rü ñanagürügü: —12 ga pexchigü —ñanagürügü.