Ore i mexü̃ ga Márcu ümatüxü̃ 6:34 - Tupanaarü Ore

³⁴ Rü yexguma nguewa ínaxüegu ga Ngechuchu, rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü yerü ñoma carnérugü ga ngearü dauruü̃ã̱xgüxü̃rüxü̃ nixĩgü. Rü inanaxügü nax nangúexẽẽãxü̃ ga muxü̃ma ga ore.

Ore i mexü̃ ga Márcu ümatüxü̃ 6:34 Referans Kwoze

Ore i mexü̃ ga Matéu ümatüxü̃ 9:36

Rü yexguma Ngechuchu nüxü̃ da̱u̱xgu ga yema muxü̃ma ga duü̃xü̃gü ga naxü̃tawa ngugüxü̃, rü nüxü̃́ nangechaü̃tümüü̃gü. Yerü carnérugü ga ngearü dauruü̃ã́xü̃rüxü̃ nanaxĩ̱xãchiãẽgü, rü tama nataãẽgü.

Ore i mexü̃ ga Luca ümatüxü̃ 9:11

Natürü yexguma duü̃xü̃gü nüxü̃ cua̱xgügu ga ngextá nax nayexmaxü̃, rü Ngechuchuwe narüxĩ. Rü Ngechuchu rü meama yema duü̃xü̃güxü̃ nayaxu, rü namaxã nüxü̃ nixu nax ñuxãcü ãẽ̱xgacü yixĩxü̃ ya Tupana. Rü nanameexẽxẽ ga yema duü̃xü̃gü ga ida̱xaweexü̃.

Chacaría 10:2

Rü ngẽma tupananetachicünã̱xgüarü ore rü doramare nixĩ. Rü ngẽma nüxü̃ nadaugüxü̃ i ngẽma ẽxü̃guxü̃arü uruü̃gü rü tagutáma ningu. Rü nanegümaxã duü̃xü̃güxü̃ nawomüxẽẽgü rü ngẽma norü ore i pexü̃ namaxã nataãẽxẽẽxü̃ rü natüca̱xmamare nixĩ. Rü ngẽmaca̱x nixĩ i duü̃xü̃gü rü tama aixcüma cua̱xwa nangugüxü̃ rü nu ne naxĩmarexü̃ ñoma carnérugü i ngearü dauruü̃ã́xü̃rüxü̃.

Yeremía 50:6

Chorü duü̃xü̃gü rü ñoma carnérugü i rütauxexü̃rüxü̃ nixĩgü. Rü norü dauruü̃gü rü chixri nüxna nadaugü, rü yemaca̱x máxpü̱xanexü̃gu narütauxe rü ínatüe. Rü düxwa nüxü̃ narüngümae ga napüxü̃ rü tama nüxü̃ nacua̱xgü nax ngexta nayexmaxü̃.

Norü taxre ga to ga popera ga ãẽ̱xgacügüchiga ümatüxü̃ 18:16

Rü yexguma ga nüma ga Micaía nanangãxü̃ rü ñanagürü: —Nüxü̃ chadau nax guxü̃ma i Iraéanecüã̱xgü rü máxpü̱xanexü̃gu nawoanemarexü̃ ñoma carnérugü i ngearü dauruü̃xã̱xgüxü̃rüxü̃. Rü Tupana rü ñanagürü: “Ñaa duü̃xü̃gü rü taxúema namaxã itacuax. ¡Rü ngẽmaca̱x i pema rü wüxichigü mea pepataca̱x pewoegu!” —ñanagürü ga Micaía.

Nüxíraxü̃xü̃ ga popera ga ãẽ̱xgacügüchiga 22:17

Rü nüma ga Micaía rü nanangãxü̃ rü ñanagürü: —Nüxü̃ chadau i guxü̃ma i Iraéanecüã̱xgü i ma̱xpǘneanegu woonemarexü̃ rü ñoma carnérugü i ngearü dauruü̃ã́xü̃rüxü̃ nax yixĩgüxü̃. Rü nüma ya Cori rü ñanagürü: “Ñaa duü̃xü̃gü rü nangearü dauruü̃ã̱xgü, rü ngẽmaca̱x name nixĩ i wüxichigü i nüma rü napataca̱x nawoegu” —ñanagürü.

Popera ga Yudíugü ga yaxõgüxü̃ca̱x ümatüxü̃ 4:15

Rü nüma ya Ngechuchu ya torü poxü̃ruxü̃ ya chacherdótearü ãẽ̱xgacü ixĩcü rü nüxü̃ nacua̱x nax tüxü̃ ínapoxü̃xü̃ i ngẽxguma Chataná tüxna ĩnügu, yerü nüma ga Chataná rü nüxna rü ta naxĩnü ngẽma tüxna nax naxĩnüxü̃rüxü̃. Natürü nüma ga Ngechuchu rü taguma pecadu naxü.

Ore i mexü̃ ga Matéu ümatüxü̃ 14:14

Rü yexguma nguewa ínaxüegu ga Ngechuchu rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü. Rü nanameexẽxẽ ga yema duü̃xü̃gü ga ida̱xaweexü̃ ga naxca̱x yéma nagagüxü̃.

Popera ga Yudíugü ga yaxõgüxü̃ca̱x ümatüxü̃ 2:17

Rü nüma ga Ngechuchu rü nanaxwa̱xe nax yixema i naenexẽgü ixĩgüxü̃rüü̃tama nügü yaxĩxẽẽxü̃ nax yemaacü tórü chogüruxü̃ ya mecümacü ya nüxü̃́ ingechaü̃tümüxü̃gücü yixĩxü̃ca̱x i Tupanape̱xewa. Rü yemaca̱x nixĩ ga nügü inaxãxü̃ rü nayuxü̃ nax yemaacü Tupana duü̃xü̃güaxü̃́ nüxü̃ irüngümaxü̃ca̱x ga norü pecadugü.

Ore i mexü̃ ga Matéu ümatüxü̃ 15:32

Rü nüma ga Ngechuchu rü norü ngúexü̃güca̱x naca, rü ñanagürü nüxü̃: —Choxü̃́ nangechaü̃tümüü̃gü i ñaa duü̃xü̃gü, erü marü tomaepü̱x i ngunexü̃ nua chauxü̃tawa nangẽxmagü, rü nüxü̃́ nataxuma i norü õna. Rü taxuacüma ngẽmaãcümare nachiü̃wa chanamugü, erü ngürüãchi namagu tá nayaturae —ñanagürü.

Ichaía 13:14

Rü ngẽma togü i nachixü̃anecüã̱x i Babiróniaanearü ĩanewa ngẽxmagüxü̃ rü ñoma wüxi i cowü i nawe nangẽgüxü̃rüxü̃ tá nibuxmü. Rü wüxi i carnérutücumü i ngearü dauruü̃ã̱xgüxü̃rüxü̃ tá naxĩgü. Rü wüxichigü i ngẽma duü̃xü̃gü rü tá nachixü̃aneca̱x nataegu rü ngẽma norü naane i nawa ne naxũxü̃wa tá naxũ.

Echequié 34:5

Rü ngẽmaãcü i chorü carnérugü rü nangearü daruü̃ã̱xgü, rü nu ne nanaxĩmare, rü aigü rü nayoxnie nax nangõ̱xcuxãxü̃.

Ore i mexü̃ ga Márcu ümatüxü̃ 6:33

Natürü muxü̃ma ga duü̃xü̃gü nüxü̃ nadaugü ga yexguma inaxĩãchigu, rü nüxü̃ nacua̱xgü ga texégü nax yixĩxü̃. Rü yemaca̱x guxü̃ne ga gumá ĩanegücüã̱x ga duü̃xü̃gü, rü dauxchitagu nibuxmü rü nape̱xegu nayayi.

Ore i mexü̃ ga Márcu ümatüxü̃ 6:35

Rü yexguma marü nayáuanegu, rü norü ngúexü̃gü rü naxca̱x naxĩ, rü ñanagürügü: —Marü nayáuanexü̃chi rü ñaa rü wüxi i nachica i taxúema nagu ãpataxü̃ nixĩ.

Ore i mexü̃ ga Márcu ümatüxü̃ 8:1

Wüxi ga ngunexü̃gu wenaxarü naxca̱x naxĩtaque̱xe ga muxü̃ma ga duü̃xü̃gü, rü nüxü̃́ nataxuma ga norü õnagü. Rü Ngechuchu rü norü ngúexü̃güca̱x naca, rü ñanagürü nüxü̃:

Ore i mexü̃ ga Márcu ümatüxü̃ 8:2

—Choxü̃́ nangechaü̃tümüxü̃gü i ñaa duü̃xü̃gü, erü marü tomaepü̱x i ngunexü̃ nua chauxü̃tawa nangẽxmagü, rü nataxuma i nawemü i nangõ̱xgüxü̃.