Ore i mexü̃ ga Márcu ümatüxü̃ 6:21 - Tupanaarü Ore

²¹ Natürü wüxi ga ngunexü̃ nawa nangu nax ngĩxü̃́ natauxchaxü̃ nax yamáaxü̃ca̱x ga Cuáü̃, ga yexguma Eródearü taunecüarü ngunexü̃wa nanguxgu rü wüxi ga peta ga taxü̃ naxü̱xgu naxca̱x ga norü ñatügumaegüxü̃ ga ãẽ̱xgacügü, rü norü churaragüarü ãẽ̱xgacügü rü yema Gariréaanecüã̱x ga tachigagüxü̃.

Ore i mexü̃ ga Márcu ümatüxü̃ 6:21 Referans Kwoze

Ester 2:18

Rü yemawena nüma ga ãẽ̱xgacü rü ngĩmaxã napetae rü taxü̃ma ga peta naxü. Rü nüxna naxu ga guxü̃ma ga yema ãẽ̱xgacüpatawa puracüexü̃ rü ñu̱xũchi yema norü ngúchaü̃maxã ãẽ̱xgacüaxü̃́ puracüexü̃. Rü nanaxüetanü, tümaca̱x ga naigü ga ĩanecüa̱x ga ãẽ̱xgacüaxü̃́ naxütanügüxe. Rü muxü̃ma ga ãmaregü duü̃xü̃güna naxã.

Naanearü ügüchiga 40:20

Rü tomaepü̱x ga ngunexü̃guwena rü ninguarü taunecüã̱x ga Faraóü̃. Rü nanaxü ga wüxi ga peta naxca̱x ga guxü̃ma ga norü ngü̃xẽẽruü̃gü. Rü yema duü̃xü̃gü ga nüxna naxugüxü̃pe̱xewa, rü Faraóü̃ nanamu nax nape̱xewa nagagüãxü̃ca̱x ga yema bínuarü baeruü̃güarü ãẽ̱xgacü rü yema paũarü üruü̃güarü ãẽ̱xgacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:10

Rü ngẽma duü̃xü̃gü i ñoma i naanewa maxẽxü̃ rü tá nataãẽgü nax marü nayuexü̃ i ngẽma taxre. Rü ngẽma nax poraãcü nataãẽgüxü̃ rü tá nügüna ãmare naxãgü, yerü yema taxre ga orearü uruü̃gü rü poraãcü naãxẽwa nananguxẽẽgü.

Nüxíraxü̃xü̃ ga popera ga Pedru ümatüxü̃ 4:3

Ü̃pa ga pemax, rü mucüma ga taunecü nagu pemaxẽ i ngẽma chixexü̃ i ñu̱xma ngẽma duü̃xü̃gü i tama Tupanaxü̃ cua̱xgüxü̃ nagu maxẽxü̃. Rü yexguma ga pema rü pecadugu pemaxẽ, rü penaxü ga pexenearü ngúchaü̃, rü õnagü ga taxü̃ pexügü, rü petagü ga nawa pexãũgatanüxü̃ pexügü, rü pengãxẽ, rü tupananetachicüna̱xãgüxü̃ picua̱xüü̃gü.

Ore i mexü̃ ga Luca ümatüxü̃ 3:1

Rü yexguma Tibériu 15 ga taunecü Rómaarü ãẽ̱xgacü yixĩxgu, rü Pónchiu Pirátu rü Yudéaanearü ãẽ̱xgacü nixĩ, rü Eróde rü Gariréaanearü ãẽ̱xgacü nixĩ, rü naenexẽ ga Ferípe rü Itúreaane rü Traconíteanearü ãẽ̱xgacü nixĩ, rü Lichánia rü Abiríniaanearü ãẽ̱xgacü nixĩ.

Ochéa 7:5

Rü ngẽxguma nawa nanguxgu nax peta naxüxü̃ i nachixü̃anearü ãẽ̱xgacü, rü ngẽma norü ngü̃xẽẽruü̃gü rü bínumaxã nanangãxẽẽgü. Rü nüma ya ãẽ̱xgacü rü norü ngãxü̃maxã nüxü̃ narümoxẽ i duü̃xü̃gü i nüxü̃ cugüexü̃.

Ester 3:7

Rü yexguma 12 ga taunecü ãẽ̱xgacü yixĩxgu ga Achuéru, rü meama gumá nüxíraü̃cü ga tauemacü ga Misáü̃gu ãégacügu rü Amáü̃pe̱xewa naxca̱x nadaugü nax ta̱xacürü ngunexü̃ tá yixĩxü̃ ga Yudíugüxü̃ nagu nada̱i̱xü̃. Rü nagu naxunetagü nax gumá nai ga 12 ga tauemacü ga Adágu ãégacüarü 13 ga ngunexü̃gu tá yixĩxü̃ nax nadaiaxü̃.

Naanearü ügüchiga 27:41

Rü yexgumacürüwa ga Echaú rü Acóbuchi naxai naxca̱x ga yema mexü̃ ga Acóbumaxã taxueguxü̃ ga nanatü. Rü nüma ga Echaú rü ñaxü̃gu narüxĩnü: —Papa rü paxa tá tayu, rü tümawena rü tá chayama̱x ya chauenexẽ ya Acóbu —ñaxü̃gu narüxĩnü.

Ngechuchuarü ngúexü̃gü ga yamugüxü̃arü puracüchiga 25:23

Rü moxü̃ãcü yema ucapu ga ãẽ̱xgacügü íngutaque̱xegüxü̃wa nangugü ga Agrípa rü Bereníche rü nügü ínatagüãcüma nichocu. Rü namaxã ínangugü ta ga churaragüarü ãẽ̱xgacügü rü yema ĩanecüã̱xgü ga tachigaxü̃. Rü ñu̱xũchi Pauruca̱x nangema ga Féstu nax yema ãẽ̱xgacügüpe̱xewa nagagüãxü̃ca̱x.