Ore i mexü̃ ga Márcu ümatüxü̃ 5:23 - Tupanaarü Ore

²³ Rü poraãcü nüxü̃ naca̱a̱xü̃, rü ñanagürü nüxü̃: —Chauxacü rü ituraxüchi. Rü chanaxwa̱xe i ngéma cuxũ nax ngĩxü̃ cuyarüngõgüxü̃ca̱x nax ngĩxca̱x yataanexü̃ca̱x rü namaxü̃xü̃ca̱x —ñanagürü.

Ore i mexü̃ ga Márcu ümatüxü̃ 5:23 Referans Kwoze

Ore i mexü̃ ga Luca ümatüxü̃ 13:13

Rü yexguma rü ngĩxü̃ ningõgü, rü yexgumatama iyarüwe̱xãchiwemüxü̃, rü inaxügü nax Tupanaxü̃ yacua̱xüxü̃xü̃.

Ore i mexü̃ ga Luca ümatüxü̃ 4:40

Rü yexguma marü yanaxücuchaü̃gu ga üa̱xcü, rü Ngechuchuxü̃tawa nanagagü ga guxü̃ma ga duü̃xü̃gü ga naguxü̃raü̃xü̃ ga da̱xaweanemaxã ida̱xaweexü̃. Rü Ngechuchu rü wüxichigü ga yema duü̃xü̃güxü̃ ningõgü, rü yemaacü naxca̱x nayataanexẽẽchigü.

Ore i mexü̃ ga Márcu ümatüxü̃ 16:18

Rü naxme̱xmaxã tá nüxü̃ nayayauxãchi i ãxtapegü. Rü ngẽxguma yaxaxgüãgu i ta̱xacü i nawa iyuxü̃, rü taxũtáma nanachixexẽxẽ. Rü tá tüxü̃ ningõgügü ya ida̱xaweexe rü tá tümaca̱x nitaanegü —ñanagürü.

Ngechuchuarü ngúexü̃gü ga yamugüxü̃arü puracüchiga 28:8

Rü guxema Púbiru nanatü rü ngürücarewa tayexma, yerü tixaxüne rü taduü̃. Rü tüxü̃ ínayadau ga Pauru, rü tümamaxã nayumüxẽ, rü tümaétügu naxǘxme̱x, rü tüxü̃ narümexẽxẽ.

Ore i mexü̃ ga Luca ümatüxü̃ 4:38

Rü guma ngutaque̱xepataü̃wa ínaxũxũ ga Ngechuchu rü Chimóü̃patawa naxũ. Rü Chimóü̃ na̱xẽ rü poraãcü iyaxaxüne. Rü Ngechuchuna nacagüe ga ngĩxca̱x nax yataanexẽẽãxü̃ca̱x.

Ore i mexü̃ ga Márcu ümatüxü̃ 8:23

Rü Ngechuchu rü gumá ngexetücüme̱xẽgu nayayauxãchi, rü ĩanearü yéamaxü̃ra nanaga. Rü yéma naxbü̱xágümaxã nayawaixetüxẽxẽ, rü ñu̱xũchi naxetügu ningõgü, rü nüxna naca rü marü ta̱xacüxü̃ nadau.

Ore i mexü̃ ga Márcu ümatüxü̃ 7:32

Rü yéma naxü̃tawa nanagagü ga wüxi ga yatü ga ngauchiẽ̱xcü rü moxü̃cü. Rü nüxna nacagü ga nüxü̃ nax yangõgüxü̃ca̱x.

Ore i mexü̃ ga Luca ümatüxü̃ 7:12

Rü yexguma guma ĩanearü ngaicamana nanguxgu, rü tüxü̃ nadau ga wüxi ga yueta ga ta̱xgüwa tüxü̃ nangegüxe. Rü guxema yuetaarü mama rü tayute rü gumá yucü rü guxicatama nixĩ ga tümane ixĩcü. Rü muxü̃ma ga duü̃xü̃gü ga gumá ĩanecüã̱x rü tüxü̃ ínixümücügü.

Ore i mexü̃ ga Márcu ümatüxü̃ 6:13

Rü ínanawoxü̃ ga muxü̃ma ga ngo̱xogü. Rü chíxü̃maxã yachagüãcüma nanameexẽxẽ ga muxü̃ma ga ida̱xaweexü̃.

Ore i mexü̃ ga Matéu ümatüxü̃ 8:3

Rü yexguma ga Ngechuchu rü nüxü̃ ningõgü, rü ñanagürü nüxü̃: —Ngü̃, chanaxwa̱xe. ¡Rüme! —ñanagürü. Rü yexguma yema ñaxgu ga Ngechuchu, rü naxca̱x nitaane ga gumá yatü ga rüchaxünecü.

Wiyaegü 107:19

Natürü naétüwa ga yema norü guxchaxü̃gü rü Cori ya Tupanana nacagüe. Rü nüma ga Cori ya Tupana rü yema norü guxchaxü̃wa ínananguxü̃xẽxẽ.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Norü taxre ga popera ga ãẽ̱xgacügüchiga 5:11

Rü nüma ga Naamáü̃ rü nanu rü íniña rü ñanagürü: —Choma nagu charüxĩnügu rü chi cha̱u̱xca̱x ínaxũxũ rü ngẽmaãcü mea choxü̃ nayaxu rü ngẽxma nachiãcüma chi Cori ya Tupanana naca rü nagu ningõgü i ngẽma ícharüchaxünexü̃wa rü ngẽmaãcü chi cha̱u̱xca̱x nitaane nawa i chorü chaxüne.

Ngechuchuarü ngúexü̃gü ga yamugüxü̃arü puracüchiga 9:17

Rü gumá ĩpata ga Chauru nawa yexmanewa naxũ ga Ananía. Rü nagu naxücu, rü Chauruétügu naxǘxme̱x, rü ñanagürü nüxü̃: —Pa Chauenexẽ, Pa Chaurux, nüma ya Cori ya Ngechuchu ga gumá namawa cuxca̱x ngócü ga yexguma núma cuxũxgu, rü núma choxü̃ namu nax wenaxarü quidauuchixü̃ca̱x, rü cuxna nanguxü̃ca̱x i Naãxẽ ya Üünecü —ñanagürü.

Ngechuchuarü ngúexü̃gü ga yamugüxü̃arü puracüchiga 6:6

Rü yema ngúexü̃gü ga Ngechuchu imugüxü̃xü̃tawa nanagagü. Rü nümagü rü naxme̱xgümaxã nüxü̃ yangõgüãcüma namaxã nayumüxẽgü.

Ore i mexü̃ ga Cuáü̃ ümatüxü̃ 11:3

Rü poraãcü nida̱xawe ga Lácharo. Rü yemaca̱x ga naeya̱xgü, rü Ngechuchuxü̃tawa imugagü, rü ngĩgürügügü: “Pa Corix, cumücü ya Lácharo ya nüxü̃ cungechaü̃cü rü nida̱xawe”, ngĩgürügügü.

Ore i mexü̃ ga Márcu ümatüxü̃ 5:24

Rü yexguma ga Ngechuchu rü nawe narüxũ. Rü muxü̃ma ga duü̃xü̃gü ínayaxümücügü. Rü yéma nayaxũxtügü.

Ngechuchuarü ngúexü̃gü ga yamugüxü̃arü puracüchiga 8:17

Rü yemaca̱x ga Pedru rü Cuáü̃ rü naétügu naxǘxme̱xgü ga yema yaxõgüxü̃, rü yexguma nanayauxgü ga Tupanaãxẽ ya Üünecü.