Ore i mexü̃ ga Márcu ümatüxü̃ 5:18 - Tupanaarü Ore

¹⁸ Rü yexguma wenaxarü nguegu yaxüegu ga Ngechuchu, rü gumá yatü ga ngo̱xoã̱xchirécü, rü nüxü̃ naca̱a̱xü̃ nax Ngechuchuwe naxũxü̃ca̱x.

Ore i mexü̃ ga Márcu ümatüxü̃ 5:18 Referans Kwoze

Ore i mexü̃ ga Márcu ümatüxü̃ 5:17

Rü yexguma yemaxü̃ naxĩnüegu ga duü̃xü̃gü, rü inanaxügüe ga Ngechuchuxü̃ nax naca̱a̱xü̃güxü̃ nax ínaxũxũxü̃ca̱x ga yema naanewa.

Ore i mexü̃ ga Márcu ümatüxü̃ 5:7

Rü aita naxüãcüma ñanagürü nüxü̃: —¿Tü̱xcüü̃ nua choxü̃ cuyachixewe, Pa Ngechuchux ya Tupana ya Guxãétüwa Ngẽxmacü Nanex? Rü Tupanaégagu cuxü̃ chaca̱a̱xü̃ nax tama ngúxü̃ choxü̃ quingexẽẽxü̃ —ñanagürü.

Wiyaegü 116:12

¿Ñuxãcü tá Cori ya Tupanaaxü̃́ chanaxütanü naxca̱x i guxü̃ma i ngẽma mexü̃ i cha̱u̱xca̱x naxüxü̃?

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Ore i mexü̃ ga Márcu ümatüxü̃ 5:15

Rü yexguma Ngechuchu íyexmaxü̃wa nangugügu, rü yéma nüxü̃ nadaugü ga gumá yatü ga ngo̱xo nawa yexmagüchirécü. Rü yéma narüto, rü naxãxchiru, rü meama naãxẽxü̃ nacua̱x. Rü poraãcü naba̱i̱xãchiãẽgü ga duü̃xü̃gü.

Ore i mexü̃ ga Márcu ümatüxü̃ 5:16

Rü yema cuchigüarü dauruü̃gü ga nüxü̃ daugüxü̃ ga yema ngupetüxü̃ rü yema duü̃xü̃gümaxã nüxü̃ nixugüe ga guxü̃ma ga yema ngupetüxü̃ namaxã ga gumá yatü ga ngo̱xo nawa yexmagüchirécü, rü yema ngupetüxü̃ namaxã ga yema cuchigü.