Ore i mexü̃ ga Márcu ümatüxü̃ 4:6 - Tupanaarü Ore

⁶ Natürü yexguma nangunagügu ga üa̱xcü, rü narüñexgü ga yema trigu Rü nayue, yerü tama poraãcü nixãma̱xã.

Ore i mexü̃ ga Márcu ümatüxü̃ 4:6 Referans Kwoze

Popera ga Chantiágu ümatüxü̃ 1:11

Rü ngẽxguma nangunagügu ya üa̱xcü rü poraãcü nangu̱xetügu, rü narüñexẽ i ngẽma putüra rü narüngu i nachacu, rü ngẽxma nagu̱x nax namexü̃. Rü ngẽxgumarüxü̃ tá ta nayu i ngẽma diẽruã̱xü̃chixü̃ rü ngẽxma tá guxü̃ma i norü ngẽmaxü̃gümaxã inayarüxo.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:16

Rü marü tagutáma tataiyae, rü tagutáma tita̱xawae. Rü marü tagutáma üa̱xcü tüxü̃ nigu, rü tagutáma üa̱xcüarü naianexü̃ tüxü̃́ nangu̱x.

Popera ga Yúda ümatüxü̃ 1:12

Rü ngẽxguma pema i yaxõgüxü̃ õnaca̱x pengutaque̱xegügu, rü ngẽma duü̃xü̃gü rü wüxi i ãnexüchi nixĩgü. Erü nataãẽgü, rü poraãcü nachibüe rü naxaxegü. Rü nügüguxicatama narüxĩnüe. Rü ngẽma duü̃xü̃gü rü taxuwama nime, rü ñoma caixanexü̃ i ngearü pucüã́xü̃ i buanecü ingexü̃rüxü̃ nixĩgü. Rü ñoma nanetügü i tama ixoxü̃ i ngẽxguma norü owa nanguxgurüxü̃ nixĩgü. Rü ñoma naigü i guxü̃ma i naxchúma̱xãmaxã nabe̱xgüxü̃ rü yuexüchixü̃rüxü̃ nixĩgü i ngẽma duü̃xü̃gü.

2 Tesalonicenses 2:10

Rü naguxü̃raü̃xü̃ i chixexü̃ tá naxü nax nawomüxẽẽãxü̃ca̱x i ngẽma duü̃xü̃gü i poxcuwa ĩxü̃. Rü ngẽmaãcü tá nüxü̃ naxüpetü i ngẽma duü̃xü̃gü, yerü tama nanayauxgüchaü̃ rü tama nüxü̃ nangechaü̃gü i ngẽma Tupanaarü ore i aixcüma ixĩxü̃ i tüxü̃ maxẽxẽẽxü̃.

Colosenses 2:7

Rü wüxi i nanetü i waixü̃müwa meama yaxũ̱xchúma̱xaxü̃rüxü̃ rü pema rü name nax meama Cristuwa peyaxũ̱xgüxü̃ i perü õwa, yema pexü̃ tangúexẽẽxü̃rüxü̃. Rü name nixĩ i guxü̃guma Tupanana moxẽ pexãgü.

Efesios 3:17

Rü ngẽxgumarüxü̃ ta nüxna naxca̱x chaca nax perü õgagu pewa namaxü̃xü̃ca̱x ya Cristu. Rü nüxna chaca nax ngẽma Tupanaarü ngechaü̃ i pewa ngẽxmaxü̃ca̱x rü pema rü wüxigu guxü̃ma i yaxõgüxü̃maxã nüxü̃ pecuáxü̃ nax ñuxãcü nataxüchixü̃ i norü ngechaü̃ i namaxã tüxü̃ nangechaü̃xü̃ ya Cristu.

Yoná 4:8

Rü yexguma üa̱xcü ngunagügu rü Tupana yéma nanamu ga wüxi ga buanecü ga naiemacü ga éstewaama ne bucü. Rü nüma ga üa̱xcü rü Yonáerugu nabáxi rü yemaacü poraãcü nüxü̃́ nangu̱xema rü namaxã nayuéga yerü poraãcü nangu̱xema. Rü yemaca̱x ñanagürü: —Narümemae nixĩ nax noxtacüma chayuxü̃ rü tama nax chamaxü̃xü̃ —ñanagürü.

Ichaía 25:4

Rü yíxema ngearü poraã̱xgüxeca̱x rü cumax, Pa Corix, rü tümaarü poxü̃ruxü̃ quixĩ. Rü cuma rü tümaarü ngü̃xẽẽruxü̃ quixĩ ya yíxema taxúema tüxü̃ rüngü̃xẽẽgüxe. Rü cuma rü tümaétüwa cuchogü ya yíxema guxchaxü̃wa ngẽxmagüxe. Rü cuma rü tümaarü gáuxpechitaruxü̃ quixĩ ya yíxema üa̱xcüarü naiemaxü̃ tüxü̃ iguxe. Rü tüxü̃ ícupoxü̃ nüxna i ngẽma duü̃xü̃gü i poraãcü chixecümagüxü̃ i ñoma taxüchicü ya buanecü ya pucümaxã íngucürüxü̃ ixĩgüxü̃.

Charumóü̃arü wiyae 1:6

¡Rü taxṹ i cha̱u̱xcha̱xmüü̃ i waxraxü̃gu perüdaunüxü̃! Rü choma rü chawaxracha̱xmüü̃ yerü üa̱xcü choxü̃ nigu. Rü chauenexẽgü rü chomaxã nanue rü norü úbanecüna choxü̃ nadauxẽẽgü. Rü yemaca̱x chorü úbanecü rü yéma chanata̱xmare.

Ore i mexü̃ ga Matéu ümatüxü̃ 13:6

Natürü yexguma nangunagügu ga üa̱xcü, rü narüñẽxgü ga yema trigu Rü nayue yerü tama poraãcü nixãma̱xã.

Ore i mexü̃ ga Márcu ümatüxü̃ 4:5

Rü náigü ga triguchire rü nutatanügu nayi ga ngextá ínachicaxü̃wa ga waixü̃mü. Rü paxa narüxügü ga gumá triguchire, yerü ga waixü̃mü rü tama nayaxcü.

Ore i mexü̃ ga Márcu ümatüxü̃ 4:7

Rü náigü ga triguchire rü chuchuxü̃necügu nayi. Rü yexguma nayaegu ga chuxchuxü̃, rü gumá triguxü̃ inawocu, rü yemaca̱x tama nixo.