Ore i mexü̃ ga Márcu ümatüxü̃ 4:41 - Tupanaarü Ore

⁴¹ Natürü nümagü ga norü ngúexü̃gü rü poraãcü namuü̃e. Rü nügüna nacagüe rü ñanagürügü: “¿Texé nixĩ ya daa rü a̱i̱xrücü ya buanecü rü yuape rü naga naxĩnüexü̃?” ñanagürügü.

Ore i mexü̃ ga Márcu ümatüxü̃ 4:41 Referans Kwoze

Ore i mexü̃ ga Luca ümatüxü̃ 8:25

Rü yexguma ga Ngechuchu rü ñanagürü nüxü̃ ga norü ngúexü̃gü: —¿Ta̱xacü pexü̃ naxüpetü rü ngẽmaca̱x tama mea peyaxõgüxü̃? —ñanagürü. Natürü ga nümagü rü naba̱i̱xãchiãẽgü. Rü nügüna nicachigü, rü ñanagürügü: —¿Ta̱xacü ẽ̱xna nixĩ i ñaa yatü rü ngẽmaca̱x a̱i̱xrücü ya buanecü rü yuape rü naga naxĩnüexü̃? —ñanagürügü.

Yox 38:11

Rü yema márxü̃ ñacharügü: “Rü nuxã tátama nixĩ i cuyacuáxü̃, rü nua rü taxũtáma cuxüpetü. Rü nuxã tátama nixĩ iyanapuxü̃chíüxü̃ ya curü yuapegü”, ñacharügü nüxü̃.

Ore i mexü̃ ga Matéu ümatüxü̃ 8:27

Rü nümagü ga norü ngúexü̃gü rü naba̱i̱xãchiãẽgü, rü nügümaxã ñanagürügü: —¿Ta̱xacü ẽ̱xna nixĩ i ñaa yatü rü woo ya buanecü rü yuape rü naga naxĩnüexü̃? —ñanagürügü.

Wiyaegü 89:7

Erü cuma rü Tupana ya poracü rü ãũcümacü quixĩ. Rü curü orearü ngeruü̃gü i dauxü̃cüã̱x rü cuxü̃ ínachomaeguãchi.

1 Chamué 12:24

Rü ñu̱xma i pema rü penaxwa̱xe i Cori ya Tupanaaxü̃́ peyaxõgü rü aixcüma nüxü̃ picua̱xüü̃gü. ¡Rü nagu perüxĩnüe nax ñuxãcü poraãcü pexü̃ nax nangü̃xẽxẽxü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Ore i mexü̃ ga Márcu ümatüxü̃ 5:33

Rü yexguma ga yema nge rü ngĩrü muü̃maxã iyadu̱rux rü naxü̃tawa ixũ, yerü nüxü̃ icua̱x ga yema ngĩxü̃ ngupetüxü̃. Rü nape̱xegu iyacaxã́pü̱xü, rü aixcüma namaxã nüxü̃ iyaxu nax ngĩma yixĩxü̃ nax naxchirupechinügu yangõxü̃.

Popera ga Yudíugü ga yaxõgüxü̃ca̱x ümatüxü̃ 12:28

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Ore i mexü̃ ga Luca ümatüxü̃ 4:36

Rü guxü̃ma ga duü̃xü̃gü rü naba̱i̱xãchiãẽgü. Rü nügümücügümaxãchigü nachiga nidexagü, rü ñanagürügü: —¿Ta̱xacürü ore nixĩ i ngẽma? Erü ñaa yatü rü aixcüma ngẽma ngo̱xogümaxã inacua̱x rü poraãcü nanamu. Rü nümagü rü naga naxĩnüe, rü ínachoxü̃ —ñanagürügü.

Ore i mexü̃ ga Matéu ümatüxü̃ 14:32

Rü yexguma nguegu yachoü̃gu ga Ngechuchu rü Pedru, rü nangupetü ga gumá buanecü.

Maraquía 2:5

Rü yema chorü uneta ga Lebítanüxü̃maxã chaxueguxü̃ rü yemaacü ichaxuneta nax nüxü̃́ nayexmaxü̃ca̱x ga maxü̃ rü taãxẽ. Rü perü o̱xigü ga Lebítanüxü̃ rü chomaxã nüxü̃ nixugüe rü tá chauga nax naxĩnüexü̃ rü choxü̃ yacua̱xüü̃güxü̃. Rü nümagü rü aixcüma yemaacü nanaxügü.

Ore i mexü̃ ga Márcu ümatüxü̃ 7:37

Rü poraãcü naba̱i̱xãchiãẽgü ga duü̃xü̃gü, rü ñanagürügü: —Guxü̃ma i ngẽma naxüxü̃ rü namexẽchi. Rü woo ngauxchi̱xẽgüxü̃ rü nayango̱xnamachi̱xẽxẽẽgü, rü ngea̱xgüxü̃ rü nayadexagüxẽxẽ —ñanagürügü.

Ore i mexü̃ ga Márcu ümatüxü̃ 4:40

Rü yemawena ga Ngechuchu rü norü ngúexü̃güxü̃ ñanagürü: —¿Tü̱xcüü̃ ngẽmaãcü poraãcü pemuü̃ẽ? ¿Ẽ̱xna ñu̱xma rü ta tama aixcüma peyaxõgü? —ñanagürü.

Ore i mexü̃ ga Márcu ümatüxü̃ 5:1

Rü naxtaxaarü tocutüwa nangugü ga Gadáraanewa.