Ore i mexü̃ ga Márcu ümatüxü̃ 4:40 - Tupanaarü Ore

⁴⁰ Rü yemawena ga Ngechuchu rü norü ngúexü̃güxü̃ ñanagürü: —¿Tü̱xcüü̃ ngẽmaãcü poraãcü pemuü̃ẽ? ¿Ẽ̱xna ñu̱xma rü ta tama aixcüma peyaxõgü? —ñanagürü.

Ore i mexü̃ ga Márcu ümatüxü̃ 4:40 Referans Kwoze

Ore i mexü̃ ga Luca ümatüxü̃ 8:25

Rü yexguma ga Ngechuchu rü ñanagürü nüxü̃ ga norü ngúexü̃gü: —¿Ta̱xacü pexü̃ naxüpetü rü ngẽmaca̱x tama mea peyaxõgüxü̃? —ñanagürü. Natürü ga nümagü rü naba̱i̱xãchiãẽgü. Rü nügüna nicachigü, rü ñanagürügü: —¿Ta̱xacü ẽ̱xna nixĩ i ñaa yatü rü ngẽmaca̱x a̱i̱xrücü ya buanecü rü yuape rü naga naxĩnüexü̃? —ñanagürügü.

Ore i mexü̃ ga Matéu ümatüxü̃ 8:26

Rü Ngechuchu nanangãxü̃, rü ñanagürü nüxü̃: —Pa Duü̃xü̃gü i Tama Aixcüma Yaxõgüxü̃x, ¿tü̱xcüü̃ pemuü̃e? —ñanagürü. Rü yexguma ga Ngechuchu rü ínarüda, rü buanecüna rü yuapena nachogü. Rü ínayachaxãchi ga buanecü, rü inayarüxo ga yuape, rü ínachaxanemare.

Ore i mexü̃ ga Matéu ümatüxü̃ 14:31

Rü yexgumatama ga Ngechuchu rü Pedrume̱xẽgu nayayauxãchi, rü ñanagürü nüxü̃: —Cuma rü írarüwatama cuyaxõ. ¿Rü tü̱xcüü̃ tama aixcüma cuyaxõ? —ñanagürü.

Ore i mexü̃ ga Matéu ümatüxü̃ 16:8

Natürü ga Ngechuchu rü nüxü̃ nacua̱xama nax yemaacü nügümaxã yadexagüxü̃ ga norü ngúexü̃gü. Rü yemaca̱x ñanagürü nüxü̃: —“¿Tü̱xcüü̃, tüxü̃́ nataxu i paũ”, ñaperügügü? Pema rü tama aixcüma peyaxõgü.

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

Ore i mexü̃ ga Matéu ümatüxü̃ 6:30

Rü ngẽxguma Tupana ngẽmaãcü nanga̱xãẽgu i ngẽma putüragü i ñu̱xma ngẽxmagüxü̃ rü moxü̃ rü marü taxuxü̃, rü yexera tá pexna nadau i pemax, Pa Duü̃xü̃gü i Tama Mea Yaxõgüxü̃x.

Ichaía 42:3

Rü ñoma wüxi ya dexne ya ibüyene natürü tama yabüyexüchinerüxü̃, rü nüma ya chorü duü̃ rü taxũtáma tüxü̃ naxoxochi ya yíxema tümaarü õwa turaxe. Rü ñoma wüxi ya turuchira i íxrarüwatama naixü̃ne tama yaxoxẽẽnerüxü̃, rü nüma rü taxũtáma tüxü̃ nixoxẽxẽ ya yíxema yaxõxchaü̃xe. Rü aixcümaxü̃chi tá mea guxãmaxã inacua̱x.

Ore i mexü̃ ga Márcu ümatüxü̃ 4:41

Natürü nümagü ga norü ngúexü̃gü rü poraãcü namuü̃e. Rü nügüna nacagüe rü ñanagürügü: “¿Texé nixĩ ya daa rü a̱i̱xrücü ya buanecü rü yuape rü naga naxĩnüexü̃?” ñanagürügü.