Ore i mexü̃ ga Márcu ümatüxü̃ 4:37 - Tupanaarü Ore

³⁷ Rü yexguma yaxãü̃yane rü inaxǘ ga wüxi ga buanecü ga taxüchicü, rü yemaca̱x nataxüchi ga yuape. Rü gumá nguegu niyauxcuchi ga dexá, rü yexma nabaxü̃güchaü̃.

Ore i mexü̃ ga Márcu ümatüxü̃ 4:37 Referans Kwoze

Yoná 1:4

Natürü nüma ga Cori ya Tupana rü wüxi ga buanecü ga tacü inanaxǘxẽxẽ ga yexguma már arü ngãxü̃tüwa nanguxgu. Rü guma wapuru rü ñoma yapuxchaü̃xü̃rüxü̃ nixĩ, yerü nataxüchi ga yuape.

Yox 1:12

Rü nüma ga Cori ya Tupana rü Chatanáxü̃ nangãxü̃ rü ñanagürü: —Marü name. ¡Ẽcü naxü i ta̱xacü i cuma cunaxwa̱xexü̃ namaxã i guxü̃ma i norü ngẽmaxü̃gü ya yimá Yox! Natürü tama chanaxwa̱xe nax namaxãxü̃chi chixexü̃ cuxüxü̃ —ñanagürü. Rü yexguma ga nüma ga Chataná rü Cori ya Tupanana nixũgachi.

2 Corintios 11:25

Rü tomaepü̱xcüna nixĩ ga naimaxã choxü̃ nacua̱i̱xgüxü̃, rü wüxicana ga nutamaxã choxü̃ ínamuxũchigüxü̃. Rü tomaepü̱xcüna nixĩ ga guma wapuru ga nagu chixũxü̃ne rü chomaxã inanguxü̃. Rü wüxicana ga yexguma chomaxã inanguxgu ga wapuru rü wüxi ga chütaxü̃ rü wüxi ga ngunexü̃ chinge nax már arü ngãxü̃tüwa chayexmaxü̃.

Ngechuchuarü ngúexü̃gü ga yamugüxü̃arü puracüchiga 27:41

Natürü wüxi ga naxnücüarü nuxtamaxü̃wa tayarüngaixtaü̃. Rü yéma naxnecüwa nayarüwápe̱xe ga guma wapuru rü marü tama yéma itaxĩãchi. Rü yoxni ga nachinüwa, rü yuape nayapuxẽxẽ.

Ore i mexü̃ ga Márcu ümatüxü̃ 4:36

Rü yéma yema duü̃xü̃güna inaxĩãchi. Rü norü ngúexü̃gü rü Ngechuchuxü̃ nigagü nagu ga guma ngue ga marü nawa nayexmane. Rü yexgumarüxü̃ ta ga togü ga duü̃xü̃gü rü naigü ga nguegügu ínayaxümücügü.

Ore i mexü̃ ga Márcu ümatüxü̃ 4:38

Natürü ga Ngechuchu rü guma nguechinüwa wüxi ga cüxeruü̃gu naca, rü yéma nape. Rü ínanaba̱i̱xgügü, rü ñanagürügü nüxü̃: —Pa Ngúexẽxẽruxü̃x, ¿ẽ̱xna cuxü̃́ nanataxuraxü̃ma nax nuxma ibaxü̃güxü̃? —ñanagürügü.