Ore i mexü̃ ga Márcu ümatüxü̃ 4:29 - Tupanaarü Ore

²⁹ Rü ngẽxguma marü yadauxgu i ngẽma norü o, rü nanabuxu erü marü nawa nangu i norü buxgü —ñanagürü.

Ore i mexü̃ ga Márcu ümatüxü̃ 4:29 Referans Kwoze

Joel 3:13

Rü yema nax poraãcü chixexü̃ naxügüxü̃, rü marü norü ngunexü̃wa nangu i ngẽma nachixü̃anegü nax penadaixü̃ ñoma trigu norü ngunexü̃wa nanguxgu nax yachexexü̃rüxü̃. Rü nagu pepugüe i ngẽma nachixü̃anegü ñoma úbagü bínuca̱x ipumüxü̃rüxü̃.

Ore i mexü̃ ga Matéu ümatüxü̃ 13:30

Rü narümemae nixĩ i nüetama ngéma nayae ñu̱xmatáta tríguarü buxgüwa nangu. Rü ngẽxguma rü ngéma tá chanamugü i chorü puracütanüxü̃, rü tá nanabe̱xíra i ngẽma chixexü̃ i natüane. Rü tá ínanagoxü̃cüta, rü ñu̱xũchi tá ínanagu. Rü ngẽmawena tá nayabuxgü i trigu, rü chorü trigupatagu tá choxü̃́ namaxã nanguxü̃gü” —ñanagürü.

Yox 5:26

Rü ngẽxguma o̱xiwa cunguxgu rü tá cuporaama rü ñoma wüxi i triguya̱xa i natanüwa dauxü̃rüxü̃ tá quixĩ.

Ore i mexü̃ ga Márcu ümatüxü̃ 4:28

Rü ngẽmaãcü i ngẽma waixü̃mü rü nüechamatama nanaxüxẽxẽ ya yimá triguchire. Rü naatügüxíra narüxügü, rü yixcama i nachacu, rü ngẽmawena nachacuwa nango̱x i norü o.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:18

Rü yema ãmarearü guruü̃wa ínaxũxũ ga to ga orearü ngeruxü̃ ga daxũcüã̱x. Rü nüma rü üxümaxã inacua̱x. Rü nüma rü tagaãcü ñanagürü nüxü̃ ga yema to ga orearü ngeruxü̃ ga yema cüxchi ga ínapomaguxü̃ ga te̱xechixü̃ nüxü̃́ yexmaxü̃: “¡Inaxügü nax curü cüxchimaxã cunabuxuxü̃ i ngẽma úbagü i naanewa ngẽxmagüxü̃, erü marü nidau!” ñanagürü.