Ore i mexü̃ ga Márcu ümatüxü̃ 4:28 - Tupanaarü Ore

²⁸ Rü ngẽmaãcü i ngẽma waixü̃mü rü nüechamatama nanaxüxẽxẽ ya yimá triguchire. Rü naatügüxíra narüxügü, rü yixcama i nachacu, rü ngẽmawena nachacuwa nango̱x i norü o.

Ore i mexü̃ ga Márcu ümatüxü̃ 4:28 Referans Kwoze

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Colosenses 1:10

Rü nüxna naxca̱x tacagü nax tórü Cori naxwa̱xexü̃ãcüma pemaxẽxü̃ca̱x rü guxü̃guma penaxüxü̃ca̱x i ngẽma nüma namaxã nataãẽxü̃. Rü nüxna naxca̱x tacagü nax pexü̃́ natauxchaxẽẽãxü̃ca̱x nax naguxü̃raü̃xü̃ i mexü̃ pexügüxü̃ca̱x, rü guxü̃ i ngunexü̃gu yexeraãcü Tupanaxü̃ pecuáxü̃ca̱x.

Filipenses 1:6

Rü Tupana rü marü inanaxügü i wüxi i mexü̃ i puracü i perü maxü̃wa. Rü nüxü̃ chacua̱x rü nüma rü guxü̃gutáma nanaxüecha i ngẽma puracü ñu̱xmatáta yanguxẽẽã i ngẽxguma ínanguxgu ya Ngechuchu ya Cristu.

Ore i mexü̃ ga Matéu ümatüxü̃ 13:26

Rü yexguma naxügügu ga trigu rü nayaegu rü yexwacax yaxo̱xgu, rü yema natüane rü ta yéma natanüwa nayae rü nango̱x.

Ichaía 61:11

Rü ñoma naxchiregü waixü̃müwa rüxügünerüxü̃ rü ñoma wüxi i naanewa nanetü rüxügüxü̃rüxü̃ rü Tupana rü ngẽxgumarüxü̃ tá ta nanango̱xẽxẽ i nacüma i aixcüma mexü̃ nax guxü̃ma i nachixü̃anegüwa nüxü̃ yacua̱xüü̃güxü̃ca̱x.

Ngu̱xẽẽtaeruü̃arü ore 3:11

Rü yexguma norü ngunexü̃wa nanguxgu rü Tupana nanaxü ga guxü̃ma. Rü namexẽchi ga yema naxüxü̃. Rü naétü Tupana duü̃xü̃güxü̃ nüxü̃ nacua̱xẽxẽ i ngẽma taguma gúxü̃ woo i duü̃xü̃gü rü tama nawa nangugü nax nüxü̃ nacua̱xgüxü̃ i guxü̃ma i ngẽma Tupana marü ngo̱xẽẽxü̃, rü ngẽma yixcüra tá naxüxü̃.

Ngu̱xẽẽtaeruü̃arü ore 3:1

Ñoma i naanewa rü guxü̃ma i ta̱xacü i ngupetüxü̃ rü nüxü̃́ nangẽxma i norü ora rü norü ngunexü̃ nax nawa nanguxü̃.

Ucu̱xẽgüchiga 4:18

Ngẽma mexü̃ i duü̃xü̃gücüma rü ñoma ngexwaca yangunegurüxü̃ nixĩ nax nangóxü̃, rü ngẽmaãcü yexera ningóchigü ñu̱xmata yangóonexü̃chi.

Wiyaegü 1:3

Rü yíxema duü̃xẽ rü ñoma wüxi i nanetü i natücutü toxü̃ i guxü̃guma oxü̃ rü taguma rüñẽ̱xátüxü̃rüxü̃ tixĩ. Rü guxü̃ma i ta̱xacü i taxüxü̃wa rü mea tüxü̃́ ínanguxuchi.

Naanearü ügüchiga 2:9

Rü yemawa nanaxügüxẽxẽ ga naguxü̃raü̃xü̃ ga mexẽchixü̃ ga nanetügü ga chi̱xégaarü oṍxü̃. Rü yema naanearü ngãxü̃gu nanato ga yema nanetü ga maxü̃ nawa yexmaxü̃. Rü inanató ta ga yema nanetü ga nawa nüxü̃ icuáxü̃ i mexü̃ rü chixexü̃.

Ore i mexü̃ ga Márcu ümatüxü̃ 4:27

Rü nüma ya yatü rü chütacü nape rü moxü̃ãcü ínarüda, rü yoxni ya yima triguchire rü narüxü rü niyachigü. Natürü nüma ya yatü rü tama nüxü̃ nacua̱x i ñuxãcü nax naxüxü̃ rü nax nayaxü̃.

Ore i mexü̃ ga Márcu ümatüxü̃ 4:29

Rü ngẽxguma marü yadauxgu i ngẽma norü o, rü nanabuxu erü marü nawa nangu i norü buxgü —ñanagürü.