Ore i mexü̃ ga Márcu ümatüxü̃ 4:26 - Tupanaarü Ore

²⁶ Rü Ngechuchu rü ñanagürü ta: —Pemaxã tá nüxü̃ chixu i wüxi i ore i cua̱xruxü̃ nax nüxü̃ pecuáxü̃ca̱x nax ñuxãcü ãẽ̱xgacü nax yixĩxü̃ ya Tupana. Rü wüxi ya yatü rü waixü̃mügu nanato ya triguchire.

Ore i mexü̃ ga Márcu ümatüxü̃ 4:26 Referans Kwoze

Ore i mexü̃ ga Matéu ümatüxü̃ 13:24

Rü Ngechuchu rü to ga ore ga cua̱xruxü̃xü̃ duü̃xü̃gümaxã nixu, rü ñanagürü: —Nüma ya Tupana rü ñoma wüxi ga yatü ga mexü̃ne ga triguchire naanegu tocürüxü̃ nixĩ.

Ore i mexü̃ ga Luca ümatüxü̃ 8:11

Rü Ngechuchu rü ñanagürü: —Ngẽma ore i toecüchigagu pemaxã chixuxü̃ rü ñaachiga nixĩ. Rü ngẽma triguchire rü Tupanaarü orechiga nixĩ.

Ore i mexü̃ ga Luca ümatüxü̃ 8:5

—Wüxi ga yatü ga toecü rü triguchiremaxã nanagüane. Rü yexguma triguchiremaxã nagüaneãgu rü ñuxre ga triguchire, rü namagu nayi. Rü duü̃xü̃gü nawa nangagü, rü werigü rü nanawecu.

Popera ga Chantiágu ümatüxü̃ 3:18

Rü yíxema duü̃xü̃güxü̃ rüngü̃xẽẽgüxe nax tama nügüchi naxaiexü̃ca̱x, rü Tupana tá tüxü̃ narüngüxẽxẽ nax tataãẽxü̃ca̱x.

Ore i mexü̃ ga Cuáü̃ ümatüxü̃ 12:24

Rü aixcüma pemaxã nüxü̃ chixu rü ngẽxguma chi wüxipü̱xü i triguchire tama waixü̃müanegu nguxgu rü nayu̱xgu rü wüxipü̱xüechatama nixĩ. Natürü ngẽxguma waixü̃mügu nanguxgu rü nayu̱xgu rü ngéma naxüxgu rü namuxũchi i norü o.

Ngu̱xẽẽtaeruü̃arü ore 11:6

¡Rü pa̱xmama namaxã natoe i cunetüchire rü ngẽxgumarüxü̃ ta yáuanecü namaxã natoe! Erü tama nüxü̃ cucua̱x i ngexü̃rüüxü̃ tá yexera mea narüxü, rü ngẽma nüxíra cutoxü̃ rüe̱xna ngẽma wixwena cutoxü̃. Rü ngürüãchi ngẽma taxre tá mea narüxügü.

Ngu̱xẽẽtaeruü̃arü ore 11:4

Rü yíxema ínanguxẽxẽ́xẽ nax buanecü ngupetügu nax tatoexü̃, rü tagutáma tatoe. Rü yíxema meanexü̃ ínanguxexẽxẽ nax tanabuxuxü̃ i tümanetü, rü tagutáma tanabuxu i tümanetüarü o.

Ucu̱xẽgüchiga 11:18

Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.

Ore i mexü̃ ga Luca ümatüxü̃ 13:18

Rü ñanagürü ga Ngechuchu: —¿Ñuxãcü nixĩ i ãẽ̱xgacü nax yixĩxü̃ ya Tupana, rü nañuxraü̃xü̃ i nüma ãẽ̱xgacü íyixĩxü̃wa? ¿Rü ta̱xacügu tá chanangu?

Ore i mexü̃ ga Matéu ümatüxü̃ 13:33

Rü Ngechuchu rü to ga ore ga cua̱xruxü̃ duü̃xü̃gümaxã nixu, rü ñanagürü: —Guxü̃wama nangu nax ãẽ̱xgacü yixĩxü̃ ya Tupana. Rü ñoma íxraxü̃ i paũarü pu̱xẽẽruxü̃ i wüxi i nge taxü̃ i paũchara namaxã ipu̱xẽẽxü̃rüxü̃ nixĩ nax guxü̃wama nanguxü̃ —ñanagürü ga Ngechuchu.

Ore i mexü̃ ga Matéu ümatüxü̃ 13:31

Rü Ngechuchu rü to ga ore ga cua̱xruxü̃ duü̃xü̃gümaxã nixu, rü ñanagürü: —Tupanaarü ore rü ñoma wüxi ya motachachire ya wüxi ya yatü naanegu toxü̃nerüxü̃ nixĩ.

Ore i mexü̃ ga Matéu ümatüxü̃ 13:11

Rü Ngechuchu nanangãxü̃, rü ñanagürü nüxü̃: —Tupana rü pexü̃xicatama nüxü̃ nacua̱xẽxẽ i ngẽma ẽxü̃guxü̃ nax ñuxãcü ãẽ̱xgacü yixĩxü̃ i daxũguxü̃ i naanewa. Natürü ngẽma togü i duü̃xü̃gü rü tama nüxü̃ nüxü̃ nacua̱xẽxẽ i ngẽmachiga.

Ore i mexü̃ ga Matéu ümatüxü̃ 13:3

Rü yexguma ga Ngechuchu rü muxü̃ma ga ore ga cua̱xruü̃wa nanangúexẽxẽ ga duü̃xü̃gü. Rü norü ngu̱xẽẽtaewa rü ñanagürü: —Wüxi ga yatü ga toecü rü triguchiremaxã nanagüane.

Ore i mexü̃ ga Matéu ümatüxü̃ 4:17

Rü yexguma nixĩ ga inaxügüãxü̃ ga Ngechuchu nax nüxü̃ yaxuxü̃ ga ore ga ñaxü̃: —¡Nüxü̃ perüxoe i pecüma i chixexü̃! Erü Tupana ya daxũwa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Ore i mexü̃ ga Matéu ümatüxü̃ 3:2

Rü duü̃xü̃gümaxã nüxü̃ nixu rü ñanagürü: —¡Nüxü̃ perüxoe i pecüma i chixexü̃! Erü Tupana ya dauxü̃wa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Ore i mexü̃ ga Márcu ümatüxü̃ 4:25

Rü pemaxã nüxü̃ chixu, rü texé ya aixcüma naga ĩnüxẽ i ñaa ore i mexü̃ rü Tupana rü yexeraãcü tá tüxü̃ nüxü̃ nacua̱xẽxẽ. Natürü yíxema tama naga ĩnüxe i ñaa ore rü Tupana rü tá tüxna nanayaxu i ngẽma íxraxü̃ i cua̱x i tüxü̃́ ngẽxmachiréxü̃ —ñanagürü.

Ore i mexü̃ ga Márcu ümatüxü̃ 4:27

Rü nüma ya yatü rü chütacü nape rü moxü̃ãcü ínarüda, rü yoxni ya yima triguchire rü narüxü rü niyachigü. Natürü nüma ya yatü rü tama nüxü̃ nacua̱x i ñuxãcü nax naxüxü̃ rü nax nayaxü̃.