Ore i mexü̃ ga Márcu ümatüxü̃ 4:21 - Tupanaarü Ore

²¹ Rü yexgumarüxü̃ ta ñanagürü nüxü̃: —¿Ẽ̱xna nawa tanangixichi i wüxi i omü nax wüxi i caichaũtüü̃gu rü ẽ̱xna wüxi i pechicatüü̃gu yaxǘcuchixü̃ca̱x? Tama ngẽmaãcü nixĩ, erü wüxi i omü rü dauxnagu tanaxǘnagü nax ngéma inabaxixü̃ca̱x.

Ore i mexü̃ ga Márcu ümatüxü̃ 4:21 Referans Kwoze

Ore i mexü̃ ga Matéu ümatüxü̃ 5:15

Rü taxúema wüxi i omüwa tanangixichi nax wüxi i caichaũtüü̃gu tayaxǘcuchixü̃ca̱x. Natürü wüxi i omüwa tanangixichi nax norü ǘchicaxü̃gu tanaxǘnagüxü̃ca̱x, nax ngéma tüxü̃ nabáxixü̃ca̱x ya guxãma ya yima ĩwa ngẽxmagüxe.

Ore i mexü̃ ga Luca ümatüxü̃ 11:33

Taxúema wüxi i omüwa tanangixichi nax tayacúxü̃ca̱x rüe̱xna wüxi i caechaũtüü̃gu tayaxǘcuchixü̃ca̱x. Natürü norü ǘchicaruü̃gu tanaxǘnagü nax ngéma tüxü̃ nabáxixü̃ca̱x ya yíxema duü̃xẽgü ya yimá ĩgu chocuxe.

Ore i mexü̃ ga Luca ümatüxü̃ 8:16

Taxúema wüxi i omüwa tanangixichi nax tanatüxpechitaxü̃ca̱x rüe̱xna tümaarü pechicatüü̃gu tayaxǘcuchixü̃ca̱x. Natürü ngóxü̃gu tanaxǘ nax tüxü̃ nabáxixü̃ca̱x ya yíxema ngẽxma chocuxe.

1 Corintios 12:7

Rü Naãxẽ ya Üünexü̃ rü wüxíewachigü nanango̱xẽxẽ i Tupanaarü pora nax ngẽmaãcü guxãarü ngü̃xẽẽruxü̃ yixĩxü̃ca̱x.