Ore i mexü̃ ga Márcu ümatüxü̃ 4:18 - Tupanaarü Ore

^18-19 Rü togü i duü̃xü̃gü rü ñoma triguchire ga chuchuxü̃necügu yixü̃nerüxü̃ nixĩgü. Ngẽmagü rü nüxü̃ naxĩnüe i ngẽma ore i mexü̃, natürü ñoma i naanearü ngẽmaxü̃güca̱x naxoegaãẽgü rü norü diẽruguama narüxĩnüe rü ngẽma nanawomüxẽẽgü. Rü nanaxwa̱xegü nax nüxü̃́ nangẽxmaxü̃ i muxü̃ma i to i norü ngẽmaxü̃gü. Rü guxü̃ma i ngẽma rü nüxü̃ nüxü̃ inayarüngümaexẽxẽ i ngẽma ore i mexü̃ rü nüxü̃ nüxü̃ narüxoexẽxẽ nax tama naxügüã̱xü̃ca̱x i ngẽma mexü̃ ya Tupana nüxü̃́ naxwa̱xexü̃.

Ore i mexü̃ ga Márcu ümatüxü̃ 4:18 Referans Kwoze

Ore i mexü̃ ga Luca ümatüxü̃ 8:14

Rü gumá triguchire ga tuxunecügu yixü̃ne, rü ngẽma nixĩ i duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü norü ngẽmaxü̃güca̱x naxoegaãẽgü, rü norü diẽruguama narüxĩnüe rü tama nüxü̃ narüxoechaü̃ i ñoma i naanearü ngúchaü̃gü. Rü ngẽmagagu düxwa taxuxü̃ma Tupanaca̱x naxü.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Yeremía 4:3

Rü Cori ya Tupana rü ñanagürü nüxü̃ ga yema Yudáanecüã̱xgü rü ĩane ga Yerucharéü̃cüã̱xgü: —Mea penaxaimüane i perü naanegü nax tama tuxunecügu petoegüxü̃ca̱x!

Ore i mexü̃ ga Márcu ümatüxü̃ 4:7

Rü náigü ga triguchire rü chuchuxü̃necügu nayi. Rü yexguma nayaegu ga chuxchuxü̃, rü gumá triguxü̃ inawocu, rü yemaca̱x tama nixo.

Ore i mexü̃ ga Márcu ümatüxü̃ 4:17

Natürü tama aixcüma nagu narüxĩnüe i ngẽma ore, rü paxaãchitama nayaxõgü. Rü ngẽmaca̱x ngẽxguma ngẽma oregagu guxchaxü̃gü naxca̱x ínguxgu rüe̱xna duü̃xü̃gü naxchi aiegu, rü nüxü̃ narüxoe i ngẽma ore i noxri yaxõgüxü̃.