Ore i mexü̃ ga Márcu ümatüxü̃ 4:17 - Tupanaarü Ore

¹⁷ Natürü tama aixcüma nagu narüxĩnüe i ngẽma ore, rü paxaãchitama nayaxõgü. Rü ngẽmaca̱x ngẽxguma ngẽma oregagu guxchaxü̃gü naxca̱x ínguxgu rüe̱xna duü̃xü̃gü naxchi aiegu, rü nüxü̃ narüxoe i ngẽma ore i noxri yaxõgüxü̃.

Ore i mexü̃ ga Márcu ümatüxü̃ 4:17 Referans Kwoze

Ore i mexü̃ ga Matéu ümatüxü̃ 11:6

Rü tataãxẽ ya yíxema nüxü̃ dauxe i ngẽma chaxüxü̃ rü tama nüxü̃ rüxoxe nax choxü̃́ tayaxõxü̃ —ñanagürü ga Ngechuchu.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:10

¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.

Ore i mexü̃ ga Matéu ümatüxü̃ 12:31

Rü ngẽmaca̱x pemaxã nüxü̃ chixu rü Tupana tá nüxü̃́ nüxü̃ narüngüma i guxü̃ma i pecadugü i duü̃xü̃gü ügüxü̃ rü guxü̃ma i norü dexagü i chixexü̃. Natürü yíxema Tupanaãxẽ i Üünexü̃maxã ta̱xacü ixugüxe, rü Tupana rü tagutáma tüxü̃́ nüxü̃ narüngüma i ngẽma chixexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:13

Choma nüxü̃ chacua̱x nax yima ĩane ya Chataná namaxã icuáxü̃newa nax cumaxü̃xü̃. Natürü woo ngẽxma nax cuxãchiü̃xü̃, rü tama choxna quixũgachi. Rü woo yexguma chorü orearü uruxü̃ ga mecü ga Antípaxü̃ yama̱xgügu nagu ga guma ĩane ga nawa Chataná duü̃xü̃gümaxã icuáxü̃ne, rü tama nüxü̃ curüxo nax choxü̃́ cuyaxõõmaxü̃.

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Popera ga Yudíugü ga yaxõgüxü̃ca̱x ümatüxü̃ 10:29

Natürü Tupana rü aixcüma yexeraãcü tá nanapoxcue i ngẽma duü̃xü̃gü i chixri Nanechiga idexagüxü̃, rü nüxü̃ oexü̃ nax gumá nagümaxã yixĩxü̃ ga pecadu naxütanüxü̃, rü namaxã guxchigagüxü̃ i Tupanaãxẽ ya Üünecü i nüxü̃ ngechaü̃xü̃.

Norü taxre ga popera ga Timutéuca̱x naxümatüxü̃ ga Pauru 4:16

Yexguma noxrixüchima ãẽ̱xgacügüpe̱xewa chaugüétüwa chidexagu rü taxúema choxü̃ tarüngü̃xẽxẽ. Guxü̃ma choxna nibuxmü. Natürü tama chanaxwa̱xe ya Tupana rü nagu narüxĩnü i ngẽma.

Norü taxre ga popera ga Timutéuca̱x naxümatüxü̃ ga Pauru 1:15

Cuma marü nüxü̃ cucua̱x rü guxü̃ma ga yema yaxõgüxü̃ ga Áchiacüã̱x rü marü choxna naxĩgü. Rü yematanüwa nayexma ga Figuéru rü Emóquene.

Ore i mexü̃ ga Cuáü̃ ümatüxü̃ 8:31

Rü yexguma ga Ngechuchu rü ñanagürü nüxü̃ ga yema Yudíugü ga nüxü̃́ yaxõgüxü̃: —Ngẽxguma pema meama peyaxõgüechagu i ngẽma pemaxã nüxü̃ chixuxü̃, rü aixcümaxü̃chi tá chorü ngúexü̃gü pixĩgü.

Ore i mexü̃ ga Luca ümatüxü̃ 12:10

Rü guxãma ya texé ya chixri nachiga idexaxe ya Tupana Nane nax duü̃xü̃xü̃ ixĩcü, rü Tupana tá tüxü̃́ nüxü̃ nangechaü̃ i ngẽma. Natürü texé ya Tupanaãxẽ i Üünexü̃chiga chixri idexaxe, rü Tupana rü taxũtáma tüxü̃́ nüxü̃ narüngüma i ngẽma.

Ore i mexü̃ ga Matéu ümatüxü̃ 13:21

Natürü ngẽma nax tama aixcüma nagu naxĩnüexü̃ i ngẽma ore, rü paxaãchitama nayaxõgü, rü yixcüra ngẽxguma ngẽma oregagu guxchaxü̃gü nüxü̃ üpetügu rüe̱xna duü̃xü̃gü naxchi aiegu, rü ínanata̱xgü i ngẽma ore.

Yox 19:28

Rü pema rü chauchiga pidexagü rü ñaperügügü: “¡Ngĩxã nüxü̃ tixugüe erü aixcüma nixĩ i chixexü̃ naxüxü̃!” ñaperügügü.

Norü taxre ga popera ga Timutéuca̱x naxümatüxü̃ ga Pauru 4:10

Dema rü ñoma i naanearü ngẽmaxü̃gügu narüxĩnü rü choxna nixũ, rü ĩane ga Techarónicawa naxũ, Rü Crechénte rü Gárataanewa naxũ, rü Títo i Damáchiaanewa naxũ.

Gálatas 6:12

Rü ngẽma Yudíugü i pexü̃ ngúexẽẽxü̃ nax pegü ípewíecha̱xmüü̃pe̱xechiraü̃güxü̃ca̱x, rü ngẽmaãcü pexü̃ namu erü nanataãẽxẽẽgüchaü̃ i ngẽma togü i Yudíugü nax tama naxchi naxaiexü̃ca̱x nagagu nax Ngechuchu ya Cristu ga curuchagu yucüaxü̃́ nax yaxõgüãxü̃.

Ore i mexü̃ ga Márcu ümatüxü̃ 4:16

Rü togü i duü̃xü̃gü rü yima triguchire ga nutatanügu yixü̃nerüxü̃ nixĩgü. Rü ngẽmagü nixĩ i nüxü̃ ĩnüexü̃ i ore i mexü̃, rü taãẽãcüma nayauxgüxü̃.

Ore i mexü̃ ga Márcu ümatüxü̃ 4:18

Rü togü i duü̃xü̃gü rü ñoma triguchire ga chuchuxü̃necügu yixü̃nerüxü̃ nixĩgü. Ngẽmagü rü nüxü̃ naxĩnüe i ngẽma ore i mexü̃, natürü ñoma i naanearü ngẽmaxü̃güca̱x naxoegaãẽgü rü norü diẽruguama narüxĩnüe rü ngẽma nanawomüxẽẽgü. Rü nanaxwa̱xegü nax nüxü̃́ nangẽxmaxü̃ i muxü̃ma i to i norü ngẽmaxü̃gü. Rü guxü̃ma i ngẽma rü nüxü̃ nüxü̃ inayarüngümaexẽxẽ i ngẽma ore i mexü̃ rü nüxü̃ nüxü̃ narüxoexẽxẽ nax tama naxügüã̱xü̃ca̱x i ngẽma mexü̃ ya Tupana nüxü̃́ naxwa̱xexü̃.