Ore i mexü̃ ga Márcu ümatüxü̃ 4:13 - Tupanaarü Ore

¹³ Rü Ngechuchu ñanagürü nüxü̃: —¿Ẽ̱xna, pema rü ta tama nüxü̃ pecua̱xgü nax ta̱xacüchiga yixĩxü̃ i ngẽma ore i cua̱xruxü̃gu ixuxü̃? ¿Rü ñuxãcü tá nüxü̃ pecua̱xgü i guxü̃ma i ngẽma togü i ore i cua̱xruxü̃gügu ixuxü̃?

Ore i mexü̃ ga Márcu ümatüxü̃ 4:13 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Ore i mexü̃ ga Luca ümatüxü̃ 24:25

Rü yexguma ga Ngechuchu rü ñanagürü nüxü̃: —Pema rü petaieru nax nüxü̃ pecuáxü̃ rü peyaxõgüxü̃ i ngẽma ore ga nũxcümaü̃güxü̃ ga Tupanaarü orearü uruü̃gü nüxü̃ ixugüexü̃.

Ore i mexü̃ ga Matéu ümatüxü̃ 13:3

Rü yexguma ga Ngechuchu rü muxü̃ma ga ore ga cua̱xruü̃wa nanangúexẽxẽ ga duü̃xü̃gü. Rü norü ngu̱xẽẽtaewa rü ñanagürü: —Wüxi ga yatü ga toecü rü triguchiremaxã nanagüane.

Ore i mexü̃ ga Márcu ümatüxü̃ 4:14

Rü yíxema toexe, rü yíxema tixĩ ya nüxü̃ ixuxe i ore i mexü̃.