Ore i mexü̃ ga Márcu ümatüxü̃ 3:5 - Tupanaarü Ore

⁵ Rü nüma ga Ngechuchu rü nuchametüãcüma nüxü̃ nadauwenü ga yema nüxü̃ íchomaeguãchixü̃. Rü nangechaü̃ yerü tama inaxĩnüechaü̃ ga yema duü̃xü̃gü. Rü gumá yatüxü̃ ñanagürü: —¡Iyanawe̱xãchixẽxẽ ya cuxme̱x! —ñanagürü. Rü yexguma ga gumá yatü rü nügü inayarüwe̱xãchime̱xẽxẽxẽ. Rü yexgumatama rü narümexme̱x.

Ore i mexü̃ ga Márcu ümatüxü̃ 3:5 Referans Kwoze

Ore i mexü̃ ga Luca ümatüxü̃ 6:10

Rü yexguma Ngechuchu nüxü̃ nidaugüãchi ga yema duü̃xü̃gü ga nüxü̃ íchomaeguãchixü̃. Rü gumá yumécüxü̃ ñanagürü: —¡Iyanawe̱xãchixẽxẽ ya cuxme̱x! —ñanagürü. Rü gumá yatü rü nügü inayarüwe̱xãchime̱xẽxẽxẽ, rü narümeme̱x.

Efesios 4:18

Erü Chataná rü nanatoãẽgü i ngẽma duü̃xü̃gü nax chixexü̃gu naxĩnüexü̃ca̱x. Rü ngẽmaca̱x nüxü̃́ nataxuma i maxü̃ i taguma gúxü̃ i Tupanawa ne ũxü̃, erü tama nüxü̃ nacua̱xgüchaü̃.

Nüxíraxü̃xü̃ ga popera ga ãẽ̱xgacügüchiga 13:6

Rü yexguma ga nüma ga ãẽ̱xgacü rü yema orearü uruü̃na naca rü ñanagürü: —Cuxü̃ chaca̱a̱xü̃, rü ¡Cori ya curü Tupanana naca nax ngẽmaãcü charümeméxü̃ca̱x! —ñanagürü. Rü nüma ga orearü uruxü̃ rü Cori ya Tupanana naca, rü yemaacü narümeme̱x ga guma ãẽ̱xgacü, rü noxrirüü̃tama nixĩ.

Romanos 11:25

Pa Chauenexẽgü i Yaxõgüxü̃x, nangẽxma i wüxi i ore ga noxri tama duü̃xü̃güxü̃ nüxü̃ nacua̱xẽẽxü̃ ga Tupana. Natürü chanaxwa̱xe i nüxü̃ pecua̱x i ngẽma ore nax tama nagu perüxĩnüexü̃ca̱x nax duü̃xü̃gü i nüxü̃ cua̱xüchixü̃ pixĩgüxü̃, rü pexicatama Tupana pexü̃ dexü̃. Rü dücax, nangẽxmagü i Iraétanüxü̃ i tama yaxõgüchaü̃xü̃. Rü ngẽmaãcü tá nixĩ ñu̱xmatáta yaxõgüã i guxü̃ma i ngẽma tama Yudíu ixĩgüxü̃ ya Tupana dexü̃.

Ore i mexü̃ ga Matéu ümatüxü̃ 12:13

Rü ñu̱xũchi ga Ngechuchu rü ñanagürü nüxü̃ ga gumá yatü ga yumécü: —¡Iyarüwe̱xãchime̱xẽ! —ñanagürü. Rü gumá yatü rü inayarüwe̱xãchime̱xẽ, rü yexgumatama narümeme̱x, rü nai ga naxme̱x ga mexü̃nerüxü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:16

Rü guxü̃ma ga nümagü, rü guma ma̱xpǘnexü̃ rü gumá nutagüxü̃ ñanagürügü: “¡Toétügu peyi nax toxü̃ ipicu̱xgüxü̃ca̱x naxcha̱xwa ya yimá tochicaxü̃wa rütocü, rü na̱xcha̱xwa ya yimá Carnéruxacü nax tama norü numaxã toxü̃ napoxcuexü̃ ya yimá Carnéruxacü!

Popera ga Yudíugü ga yaxõgüxü̃ca̱x ümatüxü̃ 5:9

Rü yemaacü Tupanaga naxĩnü rü curuchagu nayu nax tümaarü maxẽxẽẽruxü̃ yixĩxü̃ca̱x ya guxãma ya yíxema naga ĩnüexe.

Popera ga Yudíugü ga yaxõgüxü̃ca̱x ümatüxü̃ 3:17

¿Rü texémaxã nixĩ ga nanuxü̃ ga Tupana ga 40 ga taunecü? Rü pemaxã nüxü̃ chixu rü namaxã nanu ga yema duü̃xü̃gü ga chixexü̃ ügüxü̃. Rü yemaca̱x yema chianexü̃gu nayue.

Efesios 4:30

¡Rü pexuãxẽgü nax tama penangechaü̃xẽẽxü̃ca̱x i Tupanaãxẽ ya Üünecü! Erü yimá nixĩ ya Tupana pexna namucü nax nüxü̃ pecuáxü̃ca̱x nax aixcüma norü duü̃xü̃gü pixĩgüxü̃ ñu̱xmatáta ngẽma ngunexü̃ i nagu pexca̱x núma naxũxü̃ ya Cristu.

Efesios 4:26

Rü ngẽxguma ta̱xacüca̱x penúxgu rü ¡pegüna pedaugü nax tama pecadu pexüxü̃ca̱x! Rü name i ngẽmatama ngunexü̃gu perüngüxmü naxü̃pa nax yanaxücuxü̃ ya üa̱xcü.

2 Corintios 3:14

Natürü yema Iraétanüxü̃ ga Moichéxü̃ íixümücügüxü̃ rü tama nüxü̃ nacua̱xgüéga ga ta̱xacüchiga nax yixĩxü̃ ga yema mugü. Rü ñu̱xma rü ta i ngẽma Yudíugü rü ngẽxguma nawa nangúegu i ngẽma mugü rü tama nüxü̃ nacua̱xgüéga. Erü naãxẽgüwa rü ñoma yadüxgüchiwexü̃rüxü̃ nixĩgü, rü ngẽma nixĩ i nüxü̃́ naguxchaxẽẽxü̃ nax nüxü̃ nacua̱xgüxü̃ca̱x i ngẽxguma nüxü̃ nadaumatügügu i ngẽma mugü. Rü ñu̱xma rü ta tama nüxna ínanguéga i ngẽma nacüma i ñoma yadüxgüchiwexü̃rüxü̃ ixĩxü̃, erü Cristuxicatama nixĩ ya yimá nüxna ínanguxẽẽcü.

Ore i mexü̃ ga Cuáü̃ ümatüxü̃ 9:7

Rü yexguma gumá ngexetücüxü̃ ñanagürü: —¡Chiloéarü puchuwa naxũ rü ngéma dexámaxã cugü yayauxetü! —ñanagürü. (Rü ngẽma naéga i Chiloé rü “Tüxü̃ muxü̃”, ñaxü̃chiga nixĩ.) Rü yéma naxũ ga gumá ngexetücü rü dexámaxã nügü naya̱u̱xetü. Rü yexguma nataeguxgu rü marü nidauuchixetü.

Ore i mexü̃ ga Luca ümatüxü̃ 17:14

Rü yexguma Ngechuchu nüxü̃ da̱u̱xgu, rü ñanagürü nüxü̃: —¡Yéa chacherdótegüxü̃tawa pexĩ, rü nüxü̃ pegü peyawe̱xgü! —ñanagürü. Rü yema yatügü rü yexguma namagu naxĩyane, rü naxca̱x nitaanetanü.

Ore i mexü̃ ga Luca ümatüxü̃ 13:15

Rü yexguma ga Cori ga Ngechuchu rü nanangãxü̃, rü ñanagürü: —Pa Duü̃xü̃güx i Mea Maxẽnetaxü̃x, ¿Tama ẽ̱xna guxã i pema rü ngü̃xchigaarü ngunexü̃gu peyawẽxü̃ i perü woca rü ẽ̱xna perü búru nax peyaxaxexẽxẽxü̃ca̱x?

Wiyaegü 95:10

Rü 40 ga taunecü namaxã chanu ga yema duü̃xü̃gü rü ñachagürü: “Ñaa duü̃xü̃gü rü tama choxü̃́ inaxĩnüechaü̃ i chorü ucu̱xẽgü, rü ngẽma nümatama nagu naxĩnüexü̃gu naxĩ”, ñachagürü.

Neemía 13:8

Rü yema rü poraãcü choxü̃ nanuxẽxẽ. Rü yemaca̱x yema ucapuwa íchanawoxü̃ ga naxma̱xwe̱xegü rü togüama ga yemaxü̃gü ga Tobía yexma nucuxü̃.

Ãẽ̱xgacügü ga guxchaxü̃güarü mexẽxẽruü̃gü 10:16

Rü nüma ga Iraétanüxü̃ rü nüxna nixĩgachi ga yema togü ga nachixü̃anegüarü tupananetagü rü wenaxarü Cori ga Tupanaxü̃ nicua̱xüü̃gü. Rü nüma ga Cori ya Tupana rü marü tama yáxna namaxã naxĩnü nax poraãcü ngúxü̃ yangegüxü̃ ga Iraétanüxü̃, rü wenaxarü nüxü̃ narüngü̃xẽxẽ.

Naanearü ügüchiga 6:6

Rü yemaca̱x ga Tupana rü poraãcü nangechaü̃ rü nüxü̃́ nangu̱x ga nax naxüaxü̃ ga gumá duü̃.

Popera ga Yudíugü ga yaxõgüxü̃ca̱x ümatüxü̃ 3:10

Rü yemaca̱x namaxã chanu ga yema duü̃xü̃gü, rü ñacharügü nüxü̃: ‘Pema rü guxü̃guma chixexü̃guxicatama perüxĩnüeecha, rü tama penaxüxchaü̃ i ngẽma chanaxwa̱xexü̃ nax penaxüxü̃’, ñacharügü nüxü̃.

Ore i mexü̃ ga Márcu ümatüxü̃ 3:4

Rü yexguma ga Ngechuchu rü yema togü ga yéma yexmagüxü̃na naca, rü ñanagürü nüxü̃: —¿Ta̱xacü nixĩ i mexü̃ nax naxüxü̃ i ngü̃xchigaarü ngunexü̃gu? ¿Namexü̃ nax naxüxü̃ i mexü̃ rü ẽ̱xna chixexü̃? ¿Rü namexü̃ nax namaxẽxẽxü̃ rü ẽ̱xna yamáxü̃? —ñanagürü. Natürü ga nümagü rü yexma nayarüngea̱xgümare.

1 Chamué 20:34

Rü yemaca̱x ga Yonatáü̃ rü nanuxũchi, rü inayuxnagü ga mechawa. Rü tama nachibü ga norü taxre ga ngunexü̃gu ga yema petawa, yerü poraãcü Dabíca̱x nangechaü̃ rü nanatü rü poraãcü ngúxü̃ nüxü̃ ningexẽxẽ.