Ore i mexü̃ ga Márcu ümatüxü̃ 3:27 - Tupanaarü Ore

²⁷ Rü taxuacüma texé wüxi ya yatü ya poracüpatagu taxücu nax nüxna tanapuxü̃xü̃ca̱x i norü ngẽmaxü̃gü, ega tama tayana̱i̱xíragu. Erü ngẽmaãcüxica tá nixĩ i tüxü̃ nanguxü̃xü̃ nax tanapuxü̃xü̃ i norü ngẽmaxü̃gü.

Ore i mexü̃ ga Márcu ümatüxü̃ 3:27 Referans Kwoze

Ore i mexü̃ ga Matéu ümatüxü̃ 12:29

¿Rü ñuxãcü texé wüxi ya yatü ya poracüpatagu taxücu nax tanapuxü̃xü̃ca̱x i norü ngẽmaxü̃gü, ega tama tayana̱i̱xíragu i noxrix? Rü ngẽxguma tayana̱i̱xíraguxicatama nixĩ i nüxna tanapuxü̃xü̃ i norü ngẽmaxü̃gü ya yimá yatü ya poracü.

Nüxíraxü̃xü̃ ga popera ga Cuáü̃ ümatüxü̃ 4:4

Pa Chauxacügüx, pema rü Tupanaxacügü pixĩgü. Rü marü nüxü̃ perüyexera i ngẽma dorata̱a̱xgüxü̃. Erü ngẽma Tupanaãxẽ ya Üünecü i peãẽwa ngẽxmaxü̃ rü marü nüxü̃ narüyexera i ngẽma Cristuarü uanü i ñoma i naanewa ngẽxmaxü̃.

Ichaía 53:12

Rü ngẽmaca̱x i nüma ya Tupana rü tá ñoma i naanearü ãẽ̱xgacügü i iporaexüchixü̃tanüwa nanangexmaxẽxẽ, rü tá nanatachigaxẽxẽ, yerü nügü inaxã nax pecaduca̱x nayuxü̃ca̱x. Rü nüma ga duü̃xü̃gü rü ñoma wüxi ga máetaxü̃ãcü nüxü̃ narüdaunü, natürü ga nüma rü guxü̃ma ga duü̃xü̃güarü pecadu ninge nax ngẽmaãcü naétüwa nachogüxü̃ca̱x i pecaduã̱xgüxü̃.

Ichaía 27:1

Rü ngẽma ngunexü̃gu rü nüma ya Cori ya Tupana rü norü tara i tacü i ãũcümacü rü pora ngĩxü̃wa ngẽxmacümaxã, tá nanacua̱xi i ngẽma ngo̱xo i Lebiatáü̃ i ãxtape i wü̃xü̃güãcü paxa ixũxü̃. Rü ñu̱xũchi nüma ya Tupana rü tá nayama̱x i ngẽma ngo̱xo i dragóü̃ i márwa ngẽxmaxü̃.

Nüxíraxü̃xü̃ ga popera ga Cuáü̃ ümatüxü̃ 3:8

Natürü yíxema pecadu üechaxe rü ngẽmawa tüxü̃ tacua̱x nax Chatanáarü duü̃xü̃ tixĩxü̃, erü nüma i Chataná rü noxriarü ügügumama pecadu naxüecha. Rü yemaca̱x ga Tupana Nane rü ñoma ga naanewa naxũ nax iyanaxoxẽẽãxü̃ca̱x ga yema Chataná üxü̃.

Colosenses 2:15

Rü yexguma curuchagu nayu̱xgu ga Cristu, rü yexguma nixĩ ga Tupana nüxna napuãxü̃ ga norü pora ga yema naãxẽgü ga iporaexü̃. Rü yexguma nixĩ ga guxü̃ ga duü̃xü̃güpe̱xewa naxãnexẽẽãxü̃, ñoma wüxi i churaragüarü ãẽ̱xgacü i norü uanü i nüxü̃ naporamaexü̃xü̃ naxãnexẽẽxü̃rüxü̃.

Ore i mexü̃ ga Cuáü̃ ümatüxü̃ 12:31

Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Popera ga Yudíugü ga yaxõgüxü̃ca̱x ümatüxü̃ 2:14

Rü nüma ga Ngechuchu rü woo Tupana nax yixĩxü̃ natürü duü̃xü̃rüxü̃ãcü ñoma ga naanewa naxũ nax taxrüxü̃ naxãmachixü̃ca̱x rü naxãgüxü̃ca̱x nax tachicüxü nayuxü̃ca̱x rü yemaacü yanaxoxẽẽãxü̃ca̱x ga Chatanáarü pora ga namaxã tüxü̃ iyanatauxẽẽchaü̃xü̃.

Romanos 16:20

Rü ngẽxguma ngẽmaãcü mea pemaxẽgu rü nüma ya Tupana ya tüxü̃ taãẽxẽẽcü rü tá pexü̃ naporaexẽxẽ nax aixcüma nüxü̃ perüyexeraxü̃ca̱x i Chataná. Rü chanaxwa̱xe i tórü Cori ya Ngechuchu ya Cristu pemaxã inarüxã̱ũ̱x rü pexü̃ narüngü̃xẽxẽ.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.