Ore i mexü̃ ga Márcu ümatüxü̃ 3:17 - Tupanaarü Ore

¹⁷ Rü togü nixĩ ga Chantiágu rü naenexẽ ga Cuáü̃. Rü nümagü rü Chebedéu nanegü nixĩgü. Rü Ngechuchu rü Boanéregu nanaxüéga. Rü ngẽma naéga rü “Duruanexü̃ Nanegü”, ñaxü̃chiga nixĩ.

Ore i mexü̃ ga Márcu ümatüxü̃ 3:17 Referans Kwoze

Popera ga Yudíugü ga yaxõgüxü̃ca̱x ümatüxü̃ 4:12

Erü Tupanaarü ore rü namaxü̃ rü naporaxüchi. Rü wüxi i tara i guxü̃cüwawa mea waixmaguxü̃arü yexera nixĩ nax natéxü̃. Erü ngẽma ore rü tawa nixücu ñu̱xmata taãẽwa nangu, rü ñu̱xmata nawa nangu i ngẽma wüxichigü nagu rüxĩnüxü̃. Rü ngẽmaãcü meama nanango̱xẽẽãma i guxü̃ma i ngẽma yixicatama nagu rüxĩnüxü̃ rü tüxü̃́ ngúchaü̃xü̃.

Ore i mexü̃ ga Márcu ümatüxü̃ 14:33

Rü ñu̱xũchi ínayagagü ga Pedru, rü Chantiágu, rü Cuáü̃. Rü naxca̱x inaxügü ga nax poraãcü nangechaü̃xü̃ rü naxĩ̱xãchiãẽxü̃.

Ore i mexü̃ ga Márcu ümatüxü̃ 5:37

Rü yexguma ga Ngechuchu rü ínayagagü ga Pedru rü Chantiágu rü Cuáü̃ ga Chantiáguenexẽ. Natürü tama nanaxwa̱xe nax texé ga togue nawe rüxĩxü̃.

Ngechuchuarü ngúexü̃gü ga yamugüxü̃arü puracüchiga 12:1

Rü yexgumaü̃cüxü inanaxügü ga ãẽ̱xgacü ga Eróde nax ínayauxü̃ãxü̃ ga ñuxre ga yaxõgüxü̃ ga Yerucharéü̃cüã̱x nax napoxcuexü̃ca̱x.

Ore i mexü̃ ga Cuáü̃ ümatüxü̃ 21:2

Rü wüxiwa nayexmagü ga Chimóü̃ ga Pedru, rü Tumáchi ga Wüxigu Buexü̃maxã naxugüxü̃, rü Natanaé ga Gariréaanegune ga ĩane ga Canácüã̱x, rü Chebedéu nanegü rü taxre ga to ga Ngechuchuarü ngúexü̃gü.

Ore i mexü̃ ga Márcu ümatüxü̃ 10:35

Rü Ngechuchuca̱x naxĩ ga Chantiágu rü Cuáü̃ ga Chebedéu nanegü, rü ñanagürügü nüxü̃: —Pa Ngúexẽxẽruxü̃, tanaxwa̱xe i toxca̱x cunaxü i ngẽma ngü̃xẽxẽ i naxca̱x tá cuxna tacaxü̃ —ñanagürügü.

Ore i mexü̃ ga Márcu ümatüxü̃ 9:2

Rü 6 ga ngunexü̃guwena rü Ngechuchu rü wüxi ga ma̱xpǘnewa naxũ. Rü ínayagagü ga Pedru rü Chantiágu rü Cuáü̃xicatama. Rü yéma yema ngúexü̃güpe̱xewa toraxü̃ãcü nango̱x ga Ngechuchu.

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Yema Cuáü̃ nüxü̃ dauxü̃ i yixcüra tá ngupetüxü̃chiga 10:11

Rü ñu̱xũchi chomaxã nüxü̃ nixu, rü ñanagürü choxü̃: “Name nixĩ nax wenaxarü Tupanaarü orexü̃ quixuxü̃ nachiga i muxü̃ma i duü̃xü̃gütücumügü, rü muxü̃ma i nachixü̃anecüã̱xgü i duü̃xü̃gü, rü muxü̃ma i duü̃xü̃gü i to i nagawa idexagüxü̃, rü muxü̃ma i nachixü̃anegüarü ãẽ̱xgacügü”, ñanagürü choxü̃.

Ore i mexü̃ ga Matéu ümatüxü̃ 4:21

Rü yéamaxü̃ra naxũ ga Ngechuchu, rü yéma nüxü̃ nadau ga to ga taxre ga nügüenexẽgü ga Chantiágu rü Cuáü̃. Rü nümagü rü Chebedéu nanegü nixĩ. Rü nanatümaxã wüxi ga naweü̃wa nayexmagü. Rü yéma norü püchagü ínarüngáitagü. Rü Ngechuchu naxca̱x naca.

Ore i mexü̃ ga Márcu ümatüxü̃ 3:16

Rü ñaagü nixĩ ga naéga ga yema 12 ga norü ngúexü̃gü ga nadexü̃. Rü wüxi nixĩ ga Chimóü̃ ga Pedrugu naxüégaxü̃.

Ore i mexü̃ ga Márcu ümatüxü̃ 3:18

Rü togü nixĩ ga André, rü Ferípe, rü Barturumé, rü Matéu, rü Tumáchi, rü Chantiágu ga Arupéu nane, rü Tadéu, rü Chimóü̃ ga Poraãẽxü̃.

Ore i mexü̃ ga Luca ümatüxü̃ 9:54

Rü yexguma yemaxü̃ nadaugügu ga norü ngúexü̃gü ga Chantiágu rü Cuáü̃, rü ñanagürügü Ngechuchuxü̃: —Pa Corix, ¿cunaxwa̱xexü̃ nax Tupanana naxca̱x tacaxü̃ nax daxũwa ne namuaxü̃ca̱x ya üxü nax nagu̱xẽẽãxü̃ca̱x i guxü̃ma i ñaa duü̃xü̃gü, yema nũxcümaü̃cü ga Tupanaarü orearü uruxü̃ ga Ería üxü̃rüxü̃? —ñanagürügü.