Ore i mexü̃ ga Márcu ümatüxü̃ 3:11 - Tupanaarü Ore

¹¹ Rü yexguma yema ngo̱xoã̱xgüxü̃ ga duü̃xü̃gü Ngechuchuxü̃ daugügu, rü nape̱xegu nacaxã́pü̱xügü rü tagaãcü ñanagürügü: —Cuma nixĩ ya Tupana Nane quixĩxü̃ —ñanagürügü.

Ore i mexü̃ ga Márcu ümatüxü̃ 3:11 Referans Kwoze

Ore i mexü̃ ga Luca ümatüxü̃ 4:41

Rü nanameexẽxẽ ga muxü̃ma ga duü̃xü̃gü ga ida̱xaweexü̃ ga ngo̱xo nawa yexmagüxü̃. Rü yema ngo̱xogü rü aita naxüe, rü ñanagürügü: —Cuma nixĩ ya Tupana Nane quixĩxü̃ —ñanagürügü. Natürü ga Ngechuchu rü nayangagü ga yema ngo̱xogü. Rü nüxna nanachu̱xu ga nax yadexagüxü̃, yerü yema ngo̱xogü rü nüxü̃ nacua̱xgü nax Cristu yixĩxü̃.

Ore i mexü̃ ga Luca ümatüxü̃ 8:28

Rü yexguma Ngechuchuxü̃ nada̱u̱xgu, rü nape̱xegu nayacaxã́pü̱xü. Rü aita naxüãcüma ñanagürü: —¿Tü̱xcüü̃ nua choxü̃ cuyachixewe, Pa Ngechuchux, Pa Tupana ya Guxü̃étüwa Ngẽxmacü Nanex? Rü cuxü̃ chaca̱a̱xü̃ nax tama ngúxü̃ choxü̃ quingexẽxẽxü̃ —ñanagürü.

Popera ga Chantiágu ümatüxü̃ 2:19

Cuma cuyaxõ nax nangẽxmaxü̃ ya wüxitama ya Tupana. Marü name. Natürü ngẽma ngo̱xogü rü ta ngẽmaãcü nayaxõgü, rü poraãcü muü̃maxã nidu̱xruxe.

Ore i mexü̃ ga Matéu ümatüxü̃ 8:29

Rü yema taxre rü aita naxüe, rü ñanagürügü: —¿Tü̱xcüü̃ toxü̃ nua cuyachixewe, Pa Ngechuchu ya Tupana Nanex? ¿Ẽ̱xna nua cuxũ nax toxü̃ ícuyawoxü̃xü̃ca̱x tauta nawa nanguyane nax Tupana toxü̃ poxcuexü̃? —ñanagürügü.

Ore i mexü̃ ga Matéu ümatüxü̃ 4:3

Rü yexguma ga ngo̱xo ga Chataná rü Ngechuchuxü̃tawa nangu, nax nüxü̃ naxüxü̃ca̱x. Rü ñanagürü nüxü̃: —Ega aixcüma Tupana Nane quixĩxgu, ¡rü daa nutagüxü̃ namu nax paũxü̃ nanguxü̃xü̃ca̱x! —ñanagürü ga Chataná.

Ngechuchuarü ngúexü̃gü ga yamugüxü̃arü puracüchiga 16:17

Rü ngĩma towe ingẽ ga toma rü Pauru, rü tagaãcü ngĩgürügü: —Ñaa yatügü rü Tupana ya Guxãétüwa Ngẽxmacüarü duü̃xü̃gü nixĩgü, rü pemaxã nüxü̃ nixu i maxü̃ i taguma gúxü̃chiga —ngĩgürügü.

Ore i mexü̃ ga Matéu ümatüxü̃ 8:31

Rü yema ngo̱xogü rü Ngechuchuxü̃ naca̱a̱xü̃gü, rü ñanagürügü: —Ngẽxguma toxü̃ ícuwoxü̃gu, ¡rü ngẽma cuchigügu toxü̃ nachocuxẽxẽ! —ñanagürügü.

Ore i mexü̃ ga Matéu ümatüxü̃ 4:6

Rü ñanagürü nüxü̃: —Ega aixcüma Tupana Nane quixĩxgu, ¡rü nua cugü rütáe! Erü Tupanaarü ore i ümatüxü̃wa rü ñanagürü: “Tupana tá nanamu i norü orearü ngeruü̃gü i daxũcüã̱x nax cuxna nadaugüxü̃ca̱x. Rü naxme̱xmaxã tá cuxü̃ niyauxgü nax tama nutagu cunguxü̃ca̱x”, —ñanagürü.

Ore i mexü̃ ga Matéu ümatüxü̃ 14:33

Rü guxü̃ma ga norü ngúexü̃gü ga nguewa yexmagüxü̃ rü Ngechuchupe̱xegu nacaxã́pü̱xügü rü nüxü̃ nicua̱xüü̃gü, rü ñanagürügü nüxü̃: —Aixcümaxü̃chi cuma nixĩ ya Tupana Nane quixĩxü̃ —ñanagürügü.

Ore i mexü̃ ga Márcu ümatüxü̃ 1:1

Ñaa nixĩ i norü ügü i ore i mexü̃ ya Ngechuchu ya Cristu ya Tupana Nanechiga.

1 Corintios 11:34

Rü ngẽxguma chi texé taiya̱xgu, rü name nixĩ i tümapatawatama tachibü nax tama Tupana pexü̃ poxcuexü̃ca̱x naxca̱x nax chixexü̃ pexügüxü̃ i perü ngutaque̱xegüwa. Rü ngẽma to i guxchaxü̃gü i pexü̃́ ngẽxmaxü̃, rü choma rü tá chanamexẽxẽ i ngẽxguma petanüwa chaxũxgu.