Ore i mexü̃ ga Márcu ümatüxü̃ 2:8 - Tupanaarü Ore

⁸ Natürü yexgumatama ga Ngechuchu rü nüxü̃ nicua̱xãchi ga yema nagu naxĩnüexü̃. Rü yemaca̱x nüxna naca rü ñanagürü nüxü̃: —¿Tü̱xcüü̃ ngẽmagu perüxĩnüe i pemax?

Ore i mexü̃ ga Márcu ümatüxü̃ 2:8 Referans Kwoze

Ngechuchuarü ngúexü̃gü ga yamugüxü̃arü puracüchiga 8:22

¡Nüxü̃ rüxo i ngẽma curü chixexü̃, rü Tupanana naca nax cuxü̃́ nüxü̃ rüngü̃maxü̃ca̱x! Rü bexmana tá cuxü̃́ nüxü̃ iyanangü̃ma i ngẽma chixexü̃ i cuãxẽwa nagu curüxĩnüxü̃.

Ngechuchuarü ngúexü̃gü ga yamugüxü̃arü puracüchiga 5:3

Rü yexguma ga Pedru rü ñanagürü nüxü̃: —Pa Ananíax, ¿tü̱xcüü̃ ngo̱xo i Chatanága cuxĩnü rü Tupanaãxẽ i Üünecümaxã quidora, rü cugüxü̃́ ngĩxne cuyaxu i ñuxre i ngẽma curü naanetanü?

Ore i mexü̃ ga Cuáü̃ ümatüxü̃ 6:64

Natürü tangexma i petanüwa ya ñuxre ya tama yaxõgüxe —ñanagürü. Rü yema ñanagürü ga Ngechuchu yerü noxriarü ügügumama marü nüxü̃ nacua̱x ga texé tá nüxü̃́ nax yaxõgüxü̃, rü texé tá cúãcü ínaxuaxü̃xü̃.

Ore i mexü̃ ga Luca ümatüxü̃ 24:38

Natürü ga Ngechuchu rü ñanagürü nüxü̃: —¿Tü̱xcüü̃ pebaixãchiãẽgü rü tama peyaxõgü nax choma chixĩxü̃?

Ore i mexü̃ ga Luca ümatüxü̃ 6:8

Natürü nüma ga Ngechuchu rü nüxü̃ nacua̱x ga yema naãxẽwa nagu naxĩnüexü̃ ga yema yatügü. Rü yemaca̱x gumá yumécüxü̃ ñanagürü: —¡Írüda rü nuxã ngãxü̃tanügu yachi! —ñanagürü. Rü gumá yumécü rü inachi rü norü ngãxü̃tanügu nayachi.

Ore i mexü̃ ga Luca ümatüxü̃ 5:22

Natürü ga Ngechuchu rü nüxü̃ nacua̱xama ga ta̱xacügu nax naxĩnüexü̃. Rü yemaca̱x ñanagürü nüxü̃: —¿Tü̱xcüü̃ ngẽmagu perüxĩnüe i pemax?

Ore i mexü̃ ga Matéu ümatüxü̃ 9:4

Natürü ga Ngechuchu rü nüxü̃ nacua̱xama ga yema naãẽwa nagu naxĩnüexü̃. Rü yemaca̱x ñanagürü nüxü̃: —¿Tü̱xcüü̃ chixexü̃gu perüxĩnüe?

Echequié 38:10

Rü Choma ya Cori ya Tupana rü cumaxã nüxü̃ chixu: “Rü ngẽma ngunexü̃gu rü chixexü̃ i ĩnü tá cuwa nangu.

Wiyaegü 139:2

Rü cuma nüxü̃ cucua̱x i guxü̃ma i ngẽma chaxüxü̃. Rü woo curü yáxü̃wa changexmagu rü nüxü̃ cucua̱xama i ngẽma nagu charüxĩnüxü̃.

Popera ga Yudíugü ga yaxõgüxü̃ca̱x ümatüxü̃ 4:13

Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.

Ore i mexü̃ ga Cuáü̃ ümatüxü̃ 21:17

Rü norü tomaepü̱xcüna Pedruna naca, rü ñanagürü: —Pa Chimóü̃ Pa Cuáü̃ Nanex, ¿aixcümaxü̃chi yixĩxü̃ i choxü̃ cungechaü̃xü̃? —ñanagürü. Rü yexguma ga Pedru rü nangechaü̃, yerü norü tomaepü̱xcüna Ngechuchu nüxna naca rü aixcüma nüxü̃ nangechaü̃. Rü ñanagürü ga Pedru: —Pa Corix, cuma nüxü̃ cucua̱x i guxü̃ma. Rü cuma nüxü̃ cucua̱x nax aixcümaxü̃chi cuxü̃ changechaü̃xü̃ —ñanagürü. Rü Ngechuchu ñanagürü nüxü̃: —Ẽcü, ¡nüxna nadau i chorü duü̃xü̃gü i ñoma carnérugürüxü̃ ixĩgüxü̃!

Ore i mexü̃ ga Márcu ümatüxü̃ 7:21

Erü norü aixepewa i naãxẽwa ne naxĩ i muxü̃ma i chixexü̃gü ngẽxgumarüxü̃ nax chixexü̃gu naxĩnüxü̃, rü naxü̃nearü ngúchaü̃gu nax namaxü̃xü̃, rü nangĩ́xü̃, rü namáetaxü̃, rü nai i ngexü̃maxã namaxü̃xü̃, rü togüarü ngẽmaxü̃ nüxü̃́ ngúchaü̃xü̃, rü chixexü̃gu namaxü̃xü̃, rü nawomüxẽẽwa̱xexü̃, rü chixexü̃ i nacümagü, rü naxauxãchiwa̱xexü̃, rü naxoregüta̱xáxü̃, rü nügü yacua̱xüxü̃xü̃, rü tama mea naãxẽxü̃ nacuáxü̃.

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Ucu̱xẽgüchiga 24:9

Ngẽma nagu naxĩnüxü̃ i ngẽma naechitamare maxü̃xü̃ rü pecaduxicatama nixĩ, rü taxúema yáxna namaxã taxĩnü i ngẽma yatü i tama ixĩnüxü̃. -24-

Ucu̱xẽgüchiga 15:26

Nüma ya Cori ya Tupana, rü tama yáxna namaxã naxĩnü i ngẽma duü̃xü̃güarü ĩnü i chixemarexü̃, natürü namaxã nataãxẽ i ngẽma ore i aixcüma mexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:17

Pa Chorü Tupanax, choma nüxü̃ chacua̱x nax guxü̃guma mea cunangugüxü̃ i torü ĩnü rü namaxã cutaãẽxü̃ nax tixaixcümagüxü̃. Rü ngẽmaca̱x aixcüma mexü̃gu charüxĩnüãcüma chorü ngúchaü̃maxã cuxna chanana i guxü̃ma i ñaa ãmaregü. Rü ñu̱xma rü chataãxẽ erü nüxü̃ chadau i ñaa curü duü̃xü̃gü i nuxã ngutaque̱xexü̃ rü guxü̃ma i norü ngúchaü̃maxã cuxna nanana i ngẽma norü ãmaregü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:23

Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.

Ore i mexü̃ ga Matéu ümatüxü̃ 12:15

Rü yexguma Ngechuchu nüxü̃ cuáchigagu nax Parichéugü yama̱xgüchaxü̃xü̃, rü ínaxũxũ ga guma ĩanewa. Rü muxü̃ma ga duü̃xü̃gü nawe narüxĩ. Rü nüma ga Ngechuchu rü nanameexẽxẽ ga guxü̃ma ga yema duü̃xü̃gü ga ida̱xaweexü̃.

Ore i mexü̃ ga Matéu ümatüxü̃ 16:7

Rü yema norü ngúexü̃gü rü inanaxügüe nax nügümaxã ñagüxü̃: —Ngẽma ñanagürü tüxü̃, erü tama paũ ítingegü —ñanagürügü.

Ore i mexü̃ ga Márcu ümatüxü̃ 2:9

¿Ta̱xacü nixĩ i rütauchamaexü̃ nax namaxã nüxü̃ ixuxü̃ ya daa nawãĩxãchicü: “Curü pecadugü rü marü cuxü̃́ nüxü̃ charüngüma”, rü ẽ̱xna: “¡Inachi, rü nayaxu i curü caruxü̃, rü íixũ!” ñaxü̃?