Ore i mexü̃ ga Márcu ümatüxü̃ 2:5 - Tupanaarü Ore

⁵ Rü yexguma Ngechuchu nüxü̃ da̱u̱xgu nax aixcüma yaxõgüãxü̃ ga yema duü̃xü̃gü ga yéma nangetaü̃güxü̃, rü ñanagürü nüxü̃ ga gumá nawãĩxãchicü: —Pa Chaunex, curü pecadugü rü marü cuxü̃́ nüxü̃ charüngüma —ñanagürü.

Ore i mexü̃ ga Márcu ümatüxü̃ 2:5 Referans Kwoze

Ore i mexü̃ ga Matéu ümatüxü̃ 9:2

Rü yéma guma ĩanewa rü duü̃xü̃gü rü Ngechuchuxü̃tawa nanangetaü̃gü ga wüxi ga yatü ga nawãĩxãchicü. Rü yexguma Ngechuchu nüxü̃ da̱u̱xgu nax aixcüma yaxõgüãxü̃ ga yema duü̃xü̃gü, rü ñanagürü nüxü̃ ga gumá ida̱xawecü: —¡Nataãxẽ, Pa Chaunex! Erü curü pecadugü rü marü cuxü̃́ nüxü̃ narüngüma —ñanagürü.

Popera ga Chantiágu ümatüxü̃ 5:15

Rü ngẽxguma mea Tupanaaxü̃́ yaxõgüãcüma nayumüxẽgügu, rü tá tümaca̱x nitaane, rü nüma ya Cori ya Tupana tá tüxü̃ ínarüdaxẽxẽ nawa i tümaarü da̱xawe. Rü ngẽxguma chi ta̱xacürü pecadu taxü̱xgu, rü Tupana tá tüxü̃́ nüxü̃ inarüngüma.

Ore i mexü̃ ga Matéu ümatüxü̃ 9:22

Natürü nüma ga Ngechuchu rü nügü ínidau, rü ngĩxü̃ nadau ga yema nge. Rü ñanagürü ngĩxü̃: —¡Nataãxẽ, Pa Chauxacüx! Marü cuxca̱x nitaane, erü cuyaxõ —ñanagürü. Rü yexgumatama ngĩxca̱x nitaane.

Efesios 2:8

Rü Tupanaarü ngechaü̃gagu penayaxu i maxü̃ i taguma gúxü̃ yerü peyaxõgü. Rü ngẽma maxü̃ rü tama pegünatama penaxã, natürü Tupana nixĩ ga pexna naxãmarecü ga yema.

Ngechuchuarü ngúexü̃gü ga yamugüxü̃arü puracüchiga 5:31

Natürü Tupana rü nüxü̃ nicua̱xüxü̃, rü nügüarü tügünecüwawa nanatoxẽxẽ. Rü duü̃xü̃güarü Ãẽ̱xgacü rü Maxẽxẽxẽruxü̃ nayangucuchixẽxẽ nax Iraétanüxü̃xü̃ nangü̃xẽxẽxü̃ca̱x nax nüxü̃ naxoexü̃ca̱x i norü chixexü̃gü, rü Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Cuáü̃ ümatüxü̃ 5:14

Natürü yixcama ga Ngechuchu rü Tupanapata ga taxü̃negu nüxü̃ nayangau ga gumá yatü, rü ñanagürü nüxü̃: —¡Dücax i ñu̱xma marü cuxca̱x nax yataanexü̃, rü taxũtáma wena chixexü̃ cuxü nax tama namaxã quida̱xawexü̃ca̱x i wüxi i da̱xawe i ngẽma marü cuxü̃ ngupetüxü̃arü yexera ixĩxü̃! —ñanagürü.

Ore i mexü̃ ga Luca ümatüxü̃ 5:20

Rü yexguma Ngechuchu nüxü̃ da̱u̱xgu nax aixcüma nüxü̃́ yaxõgüãxü̃ ga yema yatügü ga nawãĩxãchicüxü̃ yéma rüchü̱xüxüetaü̃güxü̃, rü ñanagürü gumá nawãĩxãchicüxü̃: —Pa Yatüx, marü cuxü̃́ nüxü̃ charüngüma i curü pecadugü —ñanagürü.

Colosenses 3:13

Rü name nixĩ i wüxichigü i pema pegümaxã yáxna pexĩnüe. Rü ngẽxguma chi pegümaxã penuegu, rü name nixĩ i pegüxü̃́ nüxü̃ perüngü̃ma. Rü yexgumarüxü̃ ga tórü Cori pexü̃́ nüxü̃ iyanangümaxü̃ i perü chixexü̃gü, rü ngẽxgumarüxü̃ ta i pema rü name nixĩ i tüxü̃́ nüxü̃ iperüngüma i tümaarü guxchaxü̃gü.

2 Corintios 2:10

Rü ñu̱xma pemaxã nüxü̃ chixu rü yíxema pema tüxü̃́ nüxü̃ iperüngümaxẽ i tümaarü chixexü̃, rü choma rü tá ta tüxü̃́ nüxü̃ icharüngüma. Rü ngẽxguma chi ta̱xacürü chixexü̃ tüxü̃́ nüxü̃ icharüngümaxü̃gu, rü pexca̱x nixĩ i Cristupe̱xewa tüxü̃́ nüxü̃ icharüngümaxü̃ i ngẽma.

1 Corintios 11:30

Rü ngẽmaca̱x nixĩ i muxũchixe i petanüwa rü pida̱xaweexü̃ rü peturaexü̃, rü ñuxre i togü rü marü nayuexü̃.

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

Ore i mexü̃ ga Cuáü̃ ümatüxü̃ 2:25

Rü yemaca̱x ga nüma rü taxuca̱xma texé namaxã nüxü̃ tixu nax ta̱xacügu naxĩnüexü̃ ga yema duü̃xü̃gü. Yerü nümatama marü nüxü̃ nacua̱x nax ta̱xacügu naxĩnüexü̃ ga naãxẽwa ga wüxichigü.

Ore i mexü̃ ga Luca ümatüxü̃ 8:48

Rü yexguma ga Ngechuchu rü ñanagürü ngĩxü̃: —Pa Chauxacüx, cuxca̱x nitaane, erü cuyaxõ. ¡Rü taãẽãcü íixũ! —ñanagürü.

Ore i mexü̃ ga Márcu ümatüxü̃ 5:34

Rü nüma ga Ngechuchu rü ñanagürü ngĩxü̃: —Pa Chauxacüx, curüme erü cuyaxõ. ¡Rü taãẽãcü íixũ, erü marü curü da̱xawewa cuxca̱x nitaane! —ñanagürü.

Ichaía 53:11

Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.

Ichaía 38:17

Rü dücax, yema ngúxü̃ ga chingexü̃ rü ñu̱xma rü taãẽxü̃ choxü̃́ nayanguxuchi. Rü cuma nixĩ ga yema ãxmaxü̃ ga ãũcümaxü̃wa nüxna cudauxü̃ ga chorü maxü̃, yerü choxü̃́ nüxü̃ curüngü̃ma ga guxü̃ma ga yema chorü chixexü̃gü.

Wiyaegü 103:3

Rü nüma rü choxü̃́ nüxü̃ inayarüngüma i guxü̃ma i chixexü̃ i chaxüxü̃ rü cha̱u̱xca̱x nayataanexẽxẽ nawa i chorü da̱xawegü.

Naanearü ügüchiga 22:12

Rü yexguma ga yema daxũcüã̱x i orearü ngeruxü̃ rü ñanagürü nüxü̃: —¡Taxṹ i cuyamáxü̃ ya yimá bucü! Erü marü nüxü̃ chacua̱x nax aixcüma Tupanaga cuxĩnüxü̃ rü tama choxna cunachu̱xu ya yimá cune ya nügümaxã wüxicacü —ñanagürü.

Ore i mexü̃ ga Matéu ümatüxü̃ 9:5

¿Ta̱xacü nixĩ i ngẽma rütauxchamaexü̃ nax namaxã nüxü̃ ixuxü̃ ya daa nawãĩxãchicü: “Curü pecadugü rü marü cuxü̃́ nüxü̃ narüngüma”, rüẽ̱xna: “¡Inachi rü íixũ!” ñagüxü̃ nüxü̃?

Ore i mexü̃ ga Márcu ümatüxü̃ 2:6

Natürü ñuxre ga ngúexẽẽruü̃gü ga Moichéarü mugüwa ngu̱xẽẽtaegüxü̃ rü yéma narütogü. Rü naãxẽwa ñaxü̃gu narüxĩnüe: —¿Ñuxãcü tama namuü̃ nax ngẽmaãcü yadexaxü̃? Rü Tupanape̱xewa rü wüxi i taxü̃ i chixexü̃ nixĩ i ngẽma nüxü̃ yaxuxü̃. Erü Tupanaxicatama nixĩ ya duü̃xü̃güarü pecaduxü̃ irüngümacü —ñaxü̃gu narüxĩnüe.