Ore i mexü̃ ga Márcu ümatüxü̃ 2:22 - Tupanaarü Ore

²² Rü ngẽxgumarüxü̃ ta taxúema ngexwacaxü̃cü ya bínu rü wüxi i marü ngauxü̃ i naxchixü̃ i naxcha̱xmünaxca̱xgu tayabacuchi. Erü ngẽxguma ngẽmaãcü naxü̱xgu rü yimá bínu ya ngexwacaxü̃cü rü narüngu, rü tá nayawã̱ĩ̱xẽxẽ i ngẽma naxchixü̃ i ngauxü̃ i naxcha̱xmünaxca̱x. Rü ngẽxma tá inayarüxo ya bínu rü naxchixü̃ rü ta. Rü ngẽmaca̱x tanaxwa̱xe ya ngexwacaxü̃cü ya bínu rü ngexwaca̱xü̃xü̃ i naxchiü̃gu tayabacuchi —ñanagürü ga Ngechuchu.

Ore i mexü̃ ga Márcu ümatüxü̃ 2:22 Referans Kwoze

Ore i mexü̃ ga Matéu ümatüxü̃ 9:17

Rü ngẽxgumarüxü̃ ta rü taxúema ngexwacaxü̃cü ya bínu rü nagu tayabacuchi i wüxi i naxchixü̃ i marü ngauxü̃ i naxcha̱xmünaxca̱x. Erü ngẽxguma ngẽmaãcü naxü̱xgu rü yimá bínu ya ngexwacaxü̃cü rü tá narüngu, rü tá nayawã̱ĩ̱xẽxẽ i ngẽma naxchixü̃ i ngauxü̃ i naxcha̱xmünaxca̱x. Rü ngẽxma tá inayarüxo ya bínu rü ngẽma naxchixü̃ rü ta. Rü ngẽmaca̱x tanaxwa̱xe ya ngexwacaxü̃cü ya bínu rü ngexwaca̱xü̃xü̃ i naxchiü̃gu tayabacuchi. Rü ngẽmaãcü ya yimá bínu rü ngẽma naxchixü̃ rü taxũtáma inayarüxo —ñanagürü ga Ngechuchu.

Wiyaegü 119:83

Rü woo marü wüxi i yaxguã̱x chixĩ rü taxuwama mexẽ chixĩ rü nua ta̱xmare chixĩ, natürü tama nüxü̃ charüngüma i curü mugü, Pa Tupanax.

Wiyaegü 119:80

¡Rü choxü̃ rüngü̃xẽxẽ nax mea chayanguxẽẽxü̃ca̱x i curü mugü nax taxuca̱xma chaxãnexü̃ca̱x! -11-

Yochué 9:13

Rü yexgumarüxü̃ ta i ñaa naxcha̱xmüxü̃ ga úbachíümaxã tanaxüãcu rü nimexẽchichire̱x ga noxri itaxĩãchigu, natürü i ñu̱xma rü marü narügáugü. Rü ngẽxgumarüxü̃ ta namaxã nangupetü i toxchiru rü torü chapatugü, erü yáxü̃wama ne taxĩ —ñanagürügü.

Yochué 9:4

Rü nagu narüxĩnüe nax ñuxãcü womüxẽẽãcüma nügü ínapoxü̃güxü̃. Rü yemaca̱x Yochuéxü̃tawa naxĩ ga ñuxre ga norü duü̃xü̃gü ga ingauxchiruxü̃, rü ingauarü chapatuã́xü̃, rü norü tochicaxü̃ ga búrutawa rü ningau. Rü norü bínuchíü rü marü ñuxgumaxü̃güxü̃ nixĩgü, rü norü paũ rü nichúe. Rü yemagu nügü nicu̱xgü nax ñoma yáxü̃wa ne naxĩxü̃rüxü̃ yixĩgüxü̃ca̱x.

Yox 32:19

Rü choma rü ñoma naxcha̱xmünaxca̱x i bínuchíü i marü iwã́ĩxchaü̃xü̃rüxü̃ chixĩ.

Ore i mexü̃ ga Márcu ümatüxü̃ 2:21

Rü taxúema tanapaita i wüxi i naxchiru i ngauxü̃ namaxã i wüxi i naxchirutüchi i ngexwaca̱xü̃xü̃ i tauta nañaãchimüxü̃. Erü ngẽxguma nayaxugu i ngẽma naxchiru rü tá nügü ínanañaãchi i ngẽma naxchirutüchi i ngexwaca̱xü̃xü̃, rü tá yexera nanagáuxẽxẽ i ngẽma ngauxü̃ i naxchiru.

Ore i mexü̃ ga Márcu ümatüxü̃ 2:23

Wüxi ga ngü̃xchigaarü ngunexü̃gu rü Ngechuchu rü norü ngúexü̃gümaxã trigunecüwa nachopetü. Rü nümagü ga norü ngúexü̃gü rü inaxĩãcüma inanaxügüe ga trigu nax yacãũetanüxü̃.