Ore i mexü̃ ga Márcu ümatüxü̃ 2:20 - Tupanaarü Ore

²⁰ Natürü wüxi i ngunexü̃ rü ngẽma yatü i ngexwaca ãmaxü̃ rü namücügüna tá nayagagü. Rü ngẽma ngunexü̃gu tá nixĩ i naxaureexü̃.

Ore i mexü̃ ga Márcu ümatüxü̃ 2:20 Referans Kwoze

Ore i mexü̃ ga Luca ümatüxü̃ 17:22

Rü yexguma norü ngúexü̃güxü̃ ñanagürü: —Rü tá pexca̱x ínangu i ngunexü̃ i nagu tá nüxü̃ pedaugüchaü̃xü̃ ya Tupana Nane ya duü̃xü̃xü̃ ixĩcü woo wüxi i paxaãchica̱x yixĩxgu. Natürü taxũtáma nüxü̃ pedaugü i ngẽxguma.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:9

Rü yema 7 ga orearü ngeruü̃gü ga daxũcüã̱x nüxü̃́ yexmagüxü̃ ga 7 ga copugü ga yema 7 ga poxcuruü̃maxã ixããcuxü̃, rü yematanüwa rü wüxi ga orearü ngeruxü̃ rü cha̱u̱xca̱x nixũ, rü ñanagürü choxü̃: “¡Nua naxũ! Rü tá cuxü̃ nüxü̃ chadauxẽxẽ i ngẽma yaxõgüxü̃ i ñoma naxma̱xrüxü̃ tá ixĩgüxü̃ ya yimá Carnéruxacü”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:7

¡Rü ngĩxã tataãẽgü rü guxü̃ i tórü taãẽmaxã nüxü̃ ticua̱xüü̃gü! Erü marü nawa nangu nax naxãmücüxü̃ ya yima Carnéruxacü. Rü ngẽma norü duü̃xü̃gü i namücü tá ixĩgüxü̃ rü marü nügü ínamexẽẽgü.

2 Corintios 11:27

Rü poraãcü chataarü puracüã̱x, rü muxũchixü̃ ga guxchaxü̃gü choxü̃ nangupetü. Rü mue̱xpü̱xcüna rü tama chape, rü chataiya, rü chita̱xawa. Rü mue̱xpü̱xcüna rü tama chachibü, rü choxü̃ nanadeyu, rü choxü̃́ nataxu ga chauxchiru.

2 Corintios 11:2

Rü ngẽma nax pexü̃ chinuxuxü̃ rü ngẽma rü Tupanawa ne naxũ. Rü choma nixĩ ga Cristuna pexü̃ chamugüxü̃ nax noxrüxicatama pixĩgüxü̃ca̱x. Rü ngẽmaca̱x chanaxwa̱xe i ngearü chixexü̃ãxẽ Cristuxü̃ pexü̃ chawe̱x ñoma wüxi i pacü i taguma yatüxü̃ cua̱xcürüxü̃.

1 Corintios 7:5

Rü tama name i wüxi ya yatü rü naxma̱xna nügü ninuxũ, rü ẽ̱xna wüxi i ngecü rü ngĩtena ngĩgü iyanuxũ, ega tama nügümaxã namexẽẽãgu nax ñuxre i ngunexü̃ tama nügümaxã namaxẽxü̃ naxca̱x nax nayumüxẽgüxü̃. Rü ngẽmawena rü name nixĩ nax wenaxarü noxrirüxü̃ nügümaxã namaxẽxü̃ nax tama Chataná nüxna ĩnüxü̃ca̱x nax chixexü̃gu nayixẽẽãxü̃ca̱x.

Ngechuchuarü ngúexü̃gü ga yamugüxü̃arü puracüchiga 14:23

Rü Pauru rü Bernabé rü wüxichigü ga yema yaxõgüxü̃tücumüwa nüxü̃ nixunetatanü ga ñuxre ga yatügü nax yema yaxõgüxü̃arü ãẽ̱xgacügü yixĩgüxü̃ca̱x. Rü tama nachibüeãcüma naxca̱x nayumüxẽgü. Rü yimá Cori ya Tupana ga nüxü̃́ yaxõgüãcüna nanaxuaxü̃gü ga yema yaxõgüxü̃arü ãẽ̱xgacügü.

Ngechuchuarü ngúexü̃gü ga yamugüxü̃arü puracüchiga 3:21

Natürü i ñu̱xma rü Tupana nanaxwa̱xe i daxũguxü̃ i naanegu nax naxã́ũxü̃ ya Ngechuchu ñu̱xmatáta nüma ya Tupana wena namexẽẽãgu i guxü̃ma i ñoma i naanewa ngẽxmaxü̃. Yerü yemaacü nixĩ ga nüxü̃ yaxuxü̃ ga Tupana nawa ga nũxcümaü̃güxü̃ ga norü orearü uruü̃gü ga ixüünexü̃.

Ngechuchuarü ngúexü̃gü ga yamugüxü̃arü puracüchiga 1:9

Rü yexguma yema ñaxguwena rü nüxü̃ ínadaunüyane ga norü ngúexü̃gü, rü Tupana rü daxũguxü̃ ga naanewa Ngechuchuxü̃ naga. Rü wüxi ga caixanexü̃gu nayaxücu, rü yemaacü tama wenaxarü nüxü̃ nadaugü.

Ore i mexü̃ ga Cuáü̃ ümatüxü̃ 17:13

Rü ñu̱xma rü cuxü̃tawa chaxũ. Natürü ñoma i naanewa changexmayane rü nüxü̃ chixu i ñaa curü ore nax nümagü rü ta nüxü̃́ nangẽxmaxü̃ca̱x i ngẽma taãxẽ i aixcüma ixĩxü̃ i choxü̃́ ngẽxmaxü̃.

Ore i mexü̃ ga Cuáü̃ ümatüxü̃ 17:11

Choma rü marü taxũtáma ñoma i naanewa changexmaecha, natürü nümagü rü ñoma i naanewa tá nangẽxmagü i ngẽxguma cuxü̃tawa chaxũyane. Pa Chaunatü ya Üünecüx, rü chanaxwa̱xe nax curü pora ga choxna cuxãxü̃maxã nüxna cudauxü̃ i ngẽma choxna cumugüxü̃, nax ngẽmaãcü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃.

Ore i mexü̃ ga Cuáü̃ ümatüxü̃ 16:28

Chaunatüxü̃tawa ne chaxũ nax ñoma ga naanewa chaxũxü̃ca̱x. Rü ñu̱xma rü tá nüxna chataegu i ñoma i naane nax wenaxarü Chaunatüxü̃tawa chaxũxü̃ca̱x —ñanagürü.

Ore i mexü̃ ga Cuáü̃ ümatüxü̃ 16:7

Natürü aixcüma pemaxã nüxü̃ chixu rü pexca̱x narümemae nixĩ nax Chaunatüca̱x chataeguxü̃. Rü ngẽxguma chi tama Chaunatüxü̃tawa chaxũxgu rü taxũchima núma naxũ ya Naãxẽ ya Üünecü ya perü ngü̃xẽẽruxü̃. Natürü ngẽxguma ngéma chaxũxgu rü choma tá núma chanamu.

Ore i mexü̃ ga Cuáü̃ ümatüxü̃ 13:33

Pa Chauxacügüx, taxũtáma muxü̃ i ngunexü̃ petanüwa changexma. Rü pema rü tá cha̱u̱xca̱x pedaugü, natürü ngẽma choma íchaxũxü̃wa rü taxucürüwama ngéma pexĩ. Rü ñaatama ore nixĩ ga marü Yudíugümaxã nüxü̃ chixuxü̃, rü ñu̱xma rü pemaxã rü ta nüxü̃ chixu.

Ore i mexü̃ ga Cuáü̃ ümatüxü̃ 3:29

Rü wüxi i ngĩgüwa rü yimá yatü ya ingĩcü rü naxma̱xarü yora nixĩ. Rü yimá yatümücü i naxü̃tawa ngẽxmaxü̃ rü nüxü̃́ inarüxĩnü i norü ore. Rü nataãxẽ i ngẽxguma nüxü̃ naxĩnügu nax yadexaxü̃. Rü ngẽxgumarüxü̃ ta i choma rü aixcüma Cristumaxã chataãẽxü̃chi i ñu̱xmax.

Ore i mexü̃ ga Matéu ümatüxü̃ 26:31

Rü yexguma ga Ngechuchu rü ñanagürü nüxü̃ ga norü ngúexü̃gü: —Guxãma i pema rü tá choxü̃ ípeta̱xgü i ñoma i chütaxü̃gu. Erü Tupanaarü ore i ümatüxü̃wa rü ñanagürü: “Tá chayama̱x ya carnéruarü dauruxü̃, rü tá nanaxüanemare i carnérugü”, ñanagürü i ngẽma ore.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Ichaía 62:5

Rü ñoma wüxi ya ngextü̱xücü i wüxi i pacü nügümaxã ngĩxü̃ üarü yoraã̱xcürüxü̃ rü Tupana rü tá nügümaxã nanaxüarü yoraã̱x ya Yerucharéü̃. Rü Tupana rü tá nanamexẽxẽ ya yima ĩane rü namaxã tá nataãxẽ, ñoma wüxi ya yatü ya naxma̱xmaxã taãẽcürüxü̃.

Charumóü̃arü wiyae 3:11

Pa Pacügü i Chióü̃cüã̱x ¡rü ípechoxü̃ nax ípeyadaugüxü̃ca̱x ya ãẽ̱xgacü ya Charomóü̃ rü nüxü̃ pedau i ngẽma nga̱xcueruxü̃ ga naé nüxü̃́ üxü̃ naxca̱x ga yema ngunexü̃ ga nagu yangĩxü̃ rü poraãcü nagu nataãẽxü̃.

Wiyaegü 45:11

Erü nüma ya yimá ãẽ̱xgacü rü nüxü̃́ cungúchaü̃. Rü nüma nixĩ i curü cori yixĩxü̃ rü name nixĩ i naga cuxĩnü.

Ore i mexü̃ ga Cuáü̃ ümatüxü̃ 12:8

Ngẽma ngearü diẽruã̱xgüxü̃ rü guxü̃gutáma petanüwa nangẽxmagü. Natürü i choma rü taxũtáma guxü̃gu petanüwa changexma —ñanagürü.

Ore i mexü̃ ga Matéu ümatüxü̃ 9:15

Rü Ngechuchu nanangãxü̃ rü ñanagürü: —¿Ẽ̱xna wüxi i ngĩgüarü petawa rü pexca̱x namexü̃ nax nangechaü̃güxü̃ rü naxaureexü̃ i ngẽma nüxna naxugüxü̃ ega natanüwa nangẽxmagu i ngẽma ngexwaca ãmaxü̃? Natürü wüxi i ngunexü̃gu rü ngẽma yatü i ngexwaca ãmaxü̃ rü tá namücügüna nayagagü. Rü ngẽma ngunexü̃gu tá nixĩ i aixcüma naxaureexü̃ i namücügü.

Ore i mexü̃ ga Márcu ümatüxü̃ 2:19

Rü Ngechuchu nanangãxü̃ rü ñanagürü nüxü̃: —¿Ẽ̱xna wüxi i ngĩgüarü petawa rü pexca̱x namexü̃ nax naxaureexü̃ i ngẽma nüxna naxugüxü̃ ega natanüwa nangẽxmagu i ngẽma yatü i ngexwaca ãmaxü̃? Pemaxã nüxü̃ chixu rü ngẽxguma natanüwa nangẽxmayane i ngẽma yatü i ngexwaca ãmaxü̃ rü taxucürüwama naxauree i ngẽma nüxna naxugüxü̃.

Ore i mexü̃ ga Márcu ümatüxü̃ 2:21

Rü taxúema tanapaita i wüxi i naxchiru i ngauxü̃ namaxã i wüxi i naxchirutüchi i ngexwaca̱xü̃xü̃ i tauta nañaãchimüxü̃. Erü ngẽxguma nayaxugu i ngẽma naxchiru rü tá nügü ínanañaãchi i ngẽma naxchirutüchi i ngexwaca̱xü̃xü̃, rü tá yexera nanagáuxẽxẽ i ngẽma ngauxü̃ i naxchiru.

Ore i mexü̃ ga Luca ümatüxü̃ 5:35

Natürü wüxi i ngunexü̃ rü ngẽma yatü i ngexwaca ãmaxü̃, rü tá namücügüna nayagagü. Rü ngẽma ngunexü̃gu tá nixĩ i aixcüma naxaureexü̃ i namücügü —ñanagürü.