Ore i mexü̃ ga Márcu ümatüxü̃ 2:17 - Tupanaarü Ore

¹⁷ Rü yexguma yemaxü̃ naxĩnügu ga Ngechuchu rü ñanagürü nüxü̃: —Ngẽma tama ida̱xaweexü̃ rü tama nanaxwa̱xe ya dutúru, natürü ngẽma ida̱xaweexü̃ nixĩ i naxwa̱xegüxü̃ ya dutúru. Choma rü tama ngẽma mexü̃güca̱x núma chaxũ, natürü núma chaxũ nax nüxna chaxuxü̃ca̱x i ngẽma pecaduã̱xgüxü̃ —ñanagürü.

Ore i mexü̃ ga Márcu ümatüxü̃ 2:17 Referans Kwoze

Ore i mexü̃ ga Luca ümatüxü̃ 15:7

Rü pemaxã nüxü̃ chixu rü daxũguxü̃ i naanewa rü naxca̱x nataãẽgü i 99 i duü̃xü̃gü i marü Tupanaarü ixĩgüxü̃, natürü yexera naxca̱x nataãẽgü i ngẽma wüxi i pecaduã́xü̃ i nüxü̃ rüxoxü̃ i nacüma i chixexü̃ rü Tupanaaxü̃́ yaxõxü̃.

Ore i mexü̃ ga Luca ümatüxü̃ 19:10

Rü Tupana Nane ya duü̃xü̃xü̃ ixĩcü, rü ñoma i naanewa naxũ nax naxca̱x yadauxü̃ca̱x i ngẽma duü̃xü̃gü i iyarütauxexü̃ nax namaxẽxẽẽãxü̃ca̱x —ñanagürü.

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Ore i mexü̃ ga Cuáü̃ ümatüxü̃ 9:40

Rü ñuxre ga Parichéugü ga yéma Ngechuchumaxã yexmagüxü̃, rü yexguma yema orexü̃ naxĩnüegu, rü Ngechuchuna nacagü, rü ñanagürügü: —¿Ẽ̱xna toma rü ta tama Tupanaxü̃ tacua̱xgü ñacuxü̃? —ñanagürügü.

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.

Ore i mexü̃ ga Luca ümatüxü̃ 15:29

Rü nüma rü ñanagürü tüxü̃ ga nanatü: “Cuma nüxü̃ cucua̱x ñuxre ya taunecü cuxü̃́ chapuracü, rü taguma chixri cuga chaxĩnü. Rü bai i ñuxgu wüxicana wüxi i chíbuxacü choxna cumu nax chomücügümaxã chapetaexü̃ca̱x.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Ngechuchuarü ngúexü̃gü ga yamugüxü̃arü puracüchiga 20:21

Rü Yudíugümaxã rü yema tama Yudíugü ixĩgüxü̃maxã nüxü̃ chixu nax namexü̃ nax nüxü̃ naxoexü̃ca̱x ga norü chixexü̃gü rü Tupanaga naxĩnüexü̃ca̱x, rü nüxü̃́ nax yaxõgüãxü̃ca̱x ga tórü Cori ya Ngechuchu.

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Ore i mexü̃ ga Matéu ümatüxü̃ 18:10

Rü tama name i nüxü̃ pexoo̱x i wüxi i buxü̃ i ñaarüxü̃ choxü̃́ yaxõxü̃. Erü ngẽma norü dauruü̃gü i orearü ngeruü̃gü i daxũcüã̱x rü guxü̃guma Chaunatü ya daxũgucüpe̱xewa nangẽxmagü nax ngéma ngẽma buxü̃güétüwa nachogüxü̃ca̱x.

Ngechuchuarü ngúexü̃gü ga yamugüxü̃arü puracüchiga 26:20

Rü noxri Damácucüã̱xgümaxã nüxü̃ chixuchiga ga Tupanaarü ore. Rü yemawena Yerucharéü̃cüã̱xgümaxã nüxü̃ chixuchiga. Rü ñu̱xũchi guxü̃ ga Yudéaanewa nüxü̃ chixuchiga. Rü yexgumarüxü̃ yema tama Yudíugü ixĩgüxü̃maxã nüxü̃ chixu. Rü ñacharügü: “¡Nüxü̃ perüxoe i pecüma i chixexü̃gü, rü Tupanaca̱x pedaugü, rü mea pemaxẽ nax duü̃xü̃gü nüxü̃ daugüxü̃ca̱x nax aixcüma peyaxõgüxü̃!” ñacharügü.

Ore i mexü̃ ga Cuáü̃ ümatüxü̃ 9:34

Rü yexguma ga yema Yudíugüarü ãẽ̱xgacügü, rü ñanagürügü nüxü̃: —Cuma nax pecadugu cubuxü̃, ¿rü ñuxãcü cunaxwa̱xe nax toxü̃ cungúexẽẽchaü̃xü̃? —ñanagürügü. Rü ñu̱xũchi ínanata̱xüchigü ga ngutaque̱xepataü̃wa.

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?