Ore i mexü̃ ga Márcu ümatüxü̃ 16:8 - Tupanaarü Ore

⁸ Rü yexguma ga yema ngecügü rü nüxna íiyabuxmü ga yema naxma̱xü̃, yerü ngĩrü muü̃ẽmaxã poraãcü iyadu̱xruxe. Rü taxúemaama nüxü̃ iyaxugügü, yerü poraãcü imuü̃e.

Ore i mexü̃ ga Márcu ümatüxü̃ 16:8 Referans Kwoze

Ore i mexü̃ ga Luca ümatüxü̃ 24:37

Natürü nümagü rü naba̱i̱xãchiãẽgü, rü poraãcü namuü̃e, yerü nagu naxĩnüegu rü wüxi ga naxchi̱ximare nadaugü.

Ore i mexü̃ ga Matéu ümatüxü̃ 28:8

Rü yexguma ga yema ngecügü rü paxãma nüxna íiyaxĩ ga yema naxmaxü̃. Rü imuü̃ẽ, natürü itaãẽgü ta. Rü poraãcü ixü̃ãchi nax Ngechuchuarü ngúexü̃gümaxã nüxü̃ nax yanaxugüexü̃ca̱x ga yema ore ga daxũcüã̱x ngĩmaxã nüxü̃ ixuxü̃.

Ore i mexü̃ ga Luca ümatüxü̃ 10:4

¡Rü taxũtáma choca ípinge, rü bai i perü diẽru, rü bai i perü chapatu! Rü tama chanaxwa̱xe i namagu penuxcü i ngẽxguma namawa texéxü̃ perümoxẽgügu.

Norü taxre ga popera ga ãẽ̱xgacügüchiga 4:29

Rü yexguma ga Erichéu rü Guexáchixü̃ ñanagürü: —¡Paxa cugü namexẽxẽ rü nayaxu ya yimá chorü caxü̃ruxü̃ rü paxa ngéma ngĩpatawa naxũ! Rü ngẽxguma texéxü̃ namagu cungauxgu ¡rü taxũtáma nüxü̃ curümoxẽ! Rü ngẽxguma texé namawa cuxü̃ rümoxẽgu ¡rü taxũtáma cunangãxü̃! Rü ngẽxguma ngĩpatawa cunguxgu ¡rü yima bucüchametügu naxǘ ya yimá chorü caxü̃ruxü̃! —ñanagürü.

Ore i mexü̃ ga Matéu ümatüxü̃ 7:28

Rü yexguma yagúegagu ga Ngechuchu, rü duü̃xü̃gü rü naba̱i̱xãchiãẽgü namaxã ga norü ngúexẽẽtae.

Ore i mexü̃ ga Márcu ümatüxü̃ 16:7

¡Rü paxa ípixĩ rü Pedrumaxã rü ngẽma togü i ngúexü̃gümaxã nüxü̃ peyarüxugüe, rü ñapegügü nüxü̃: “Nüma ya Ngechuchu rü marü nüxíra pexü̃pa Gariréaanewa naxũ. Rü ngéma tá nüxü̃ peyadaugü ngẽma pemaxã nüxü̃ yaxuxü̃rüxü̃”, ñapegügü nüxü̃! —ñanagürü.

Ore i mexü̃ ga Márcu ümatüxü̃ 16:9

Rü yexguma Ngechuchu yuwa írüdaxguwena ga noxri yangunegu ga yüxüarü ngunexü̃gu, rü ngĩxca̱xíra nango̱x ga María ga Madarénacüã̱x ga ngĩwa ínawoxü̃ãcü ga 7 ga ngo̱xogü.