Ore i mexü̃ ga Márcu ümatüxü̃ 16:14 - Tupanaarü Ore

¹⁴ Rü yemawena ga Ngechuchu rü naxca̱x nango̱x ga yema 11 ga norü ngúexü̃gü ga yexguma mechawa ínachibüeyane. Rü nayangagü naxca̱x nax tama aixcüma yaxõgüãxü̃ rü tama nüxü̃́ inaxĩnüexü̃ ga yema marü nüxü̃ daugüxü̃. Yerü nümagü ga yema ngúexü̃gü rü tama nüxü̃́ nayaxõgüchaü̃ ga yema nüxü̃ daugüxü̃ ga marü wena nax namaxü̃xü̃.

Ore i mexü̃ ga Márcu ümatüxü̃ 16:14 Referans Kwoze

1 Corintios 15:5

Rü yexgumarüxü̃ ta pexü̃ changúexẽxẽ nax Pedruca̱x nangóxü̃ ga Cristu, rü yixcüra norü ngúexü̃gü ga yamugüxü̃ca̱x nangóxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Ore i mexü̃ ga Cuáü̃ ümatüxü̃ 20:27

Rü yexguma Tumáchixü̃ ñanagürü ga Ngechuchu: —¡Nagu ixu i ñaa chorü itapuamaxü̃ i cho̱xme̱xwa ngẽxmaxü̃, rü nüxü̃ nadau ya daa cho̱xme̱x! ¡Rü nagu ixu i chorü canapacütüxü̃! ¡Rü tama name nax tama cuyaxõxü̃! ¡Rü yaxõ! —ñanagürü.

Ore i mexü̃ ga Matéu ümatüxü̃ 11:20

Rü yexguma ga Ngechuchu rü inanaxügü nax yangagüãxü̃ ga gumá ĩanegücüã̱x ga ngextá yexeraãcü Tupanaarü poramaxã taxü̃ ga mexü̃gü ínaxüxü̃wa. Rü nayangagü yerü yema duü̃xü̃gü rü tama nüxü̃ narüxoe ga norü chixexü̃ rü tama Tupanaaxü̃́ nayaxõgüchaü̃.

Ore i mexü̃ ga Luca ümatüxü̃ 24:25

Rü yexguma ga Ngechuchu rü ñanagürü nüxü̃: —Pema rü petaieru nax nüxü̃ pecuáxü̃ rü peyaxõgüxü̃ i ngẽma ore ga nũxcümaü̃güxü̃ ga Tupanaarü orearü uruü̃gü nüxü̃ ixugüexü̃.

Ore i mexü̃ ga Márcu ümatüxü̃ 7:18

Rü nüma rü ñanagürü nüxü̃: —¿Ẽ̱xna pema rü ta tama nüxü̃ pecua̱x i ngẽma? ¿Ẽ̱xna tama i nüxü̃ pecuáxü̃ nax taxuxü̃ma i ta̱xacü i düxétüwa ne ũxü̃ rü taa̱xwa ixücuxü̃ yixĩxü̃ i Tupanape̱xewa tüxü̃ chixexẽẽxü̃?

Ore i mexü̃ ga Matéu ümatüxü̃ 17:20

Rü Ngechuchu nanangãxü̃, rü ñanagürü nüxü̃: —Pema rü taxuacüma ípenata̱xüchi erü tama aixcüma peyaxõgü. Rü aixcüma pemaxã nüxü̃ chixu, rü ngẽxguma chi woo wüxi ya motachachirerüxü̃ naxíraxü̃chigu i perü õ, rü chi daa ma̱xpǘnemaxã nüxü̃ pixuxgu nax yaxũgachixü̃ca̱x, rü chi pega naxĩnü. Rü taxuxü̃chima pexü̃́ naguxcha ega aixcüma peyaxõgügu.

Iraétanüxü̃arü muxchiga 14:11

Rü yexguma ga nüma ga Cori ya Tupana rü Moichéxü̃ ñanagürü: —¿Ñuxguratáta nixĩ i choxü̃́ inaxĩnüexü̃ i ñaa duü̃xü̃gü? ¿Rü ñuxguratáta nixĩ i nüxü̃ naxoexü̃ nax tama choxü̃́ yaxõgüãxü̃ rü woo nüxü̃ nax nadaugüxü̃ ga yema mexü̃gü ga chorü poramaxã nape̱xewa chaxüxü̃?

Ore i mexü̃ ga Matéu ümatüxü̃ 28:17

Rü yexguma Ngechuchuxü̃ nadaugügu rü nüxü̃ nicua̱xüü̃gü, woo ñuxre ga norü ngúexü̃gü rü tama aixcüma nayaxõgü nax Ngechuchu yixĩxü̃.

Ore i mexü̃ ga Luca ümatüxü̃ 24:11

Natürü yema ngúexü̃güca̱x rü wüxi i ngeãẽmare nixĩ ga yema ore, rü tama ngĩxü̃́ nayaxõgüchaü̃.

Ore i mexü̃ ga Cuáü̃ ümatüxü̃ 20:25

Rü yixcama ga yema togü ga ngúexü̃gü rü Tumachimaxã nüxü̃ nixugüe, rü ñanarügügü: —Marü nüxü̃ tadau ya Cori ya Ngechuchu —ñanarügügü. Natürü ga Tumáchi rü nanangãxü̃ rü ñanagürü: —Ngẽxguma tama nüxü̃ chada̱u̱xgu i norü itapuamaxü̃ i naxme̱xwa ngẽxmaxü̃ rü tama nagu chixuxgu i ngẽma itapuamaxü̃ rü ngẽma norü canapacütüxü̃, rü taxũtáma chayaxõ i ngẽma ore i chomaxã nüxü̃ pixuxü̃ —ñanagürü.

Ore i mexü̃ ga Cuáü̃ ümatüxü̃ 20:26

Rü 8 ga ngunexü̃guwena rü wenaxarü nangutaque̱xegü ga yema ngúexü̃gü ga wüxi ga ĩpatawa. Rü natanüwa nayexma ga Tumáchi ga yexguma. Rü woo nax nawãxtaxü̃ ga ĩã̱x, rü ngürüãchi yéma nango̱x ga Ngechuchu, rü norü ngãxü̃tanügu nachi. Rü nüxü̃ narümoxẽ, rü ñanagürü: —¡Petaãẽgü! —ñanagürü.

Ore i mexü̃ ga Cuáü̃ ümatüxü̃ 21:1

Rü yemawena ga Ngechuchu rü wenaxarü norü ngúexü̃güca̱x nango̱x ga naxtaxa ga Tibériaanacüwa. Rü ñaãcü nixĩ ga naxca̱x nangóxü̃.

Ore i mexü̃ ga Cuáü̃ ümatüxü̃ 21:14

Rü yema nixĩ ga norü tomaepü̱xcüna nax norü ngúexü̃güca̱x nangóxü̃ ga Ngechuchu nawena nax yuwa ínadaxü̃.

Ngechuchuarü ngúexü̃gü ga yamugüxü̃arü puracüchiga 1:3

Rü yexguma marü yuwa ínadaxguwena ga nüma ga Ngechuchu rü 40 ga ngunexü̃gu nügü nango̱xẽẽxü̃ naxca̱x ga norü ngúexü̃gü rü muxü̃ma ga togü ga nüxü̃́ yaxõgüxü̃ nax yemaacü nüxü̃ nacua̱xgüxü̃ca̱x nax aixcüma wena namaxü̃xü̃. Rü namaxã nüxü̃ nixu nachiga ya Tupana ãẽ̱xgacü íyixĩxü̃wa.