Ore i mexü̃ ga Márcu ümatüxü̃ 16:10 - Tupanaarü Ore

¹⁰ Rü ngĩma rü íiyaxũ, rü namaxã nüxü̃ iyarüxu ga yema Ngechuchumücügü ga ingechaü̃güxü̃ rü íxauxexü̃.

Ore i mexü̃ ga Márcu ümatüxü̃ 16:10 Referans Kwoze

Ore i mexü̃ ga Cuáü̃ ümatüxü̃ 20:18

Rü yexguma ga María ga Madarénacüã̱x rü yema ngúexügümaxã nüxü̃ iyarüxu nax marü nüxü̃ nadauxü̃ ga Cori ga Ngechuchu. Rü ñu̱xũchi namaxã nüxü̃ iyaxu ga yema ore ga Ngechuchu ngĩmaxã nüxü̃ ixuxü̃.

Ore i mexü̃ ga Cuáü̃ ümatüxü̃ 16:6

Rü ñu̱xma rü poraãcü pengechaü̃güama erü pemaxã nüxü̃ chixu i ngẽma ore.

Ore i mexü̃ ga Luca ümatüxü̃ 24:17

Rü yexguma ga Ngechuchu, rü yema taxre ga ngúexü̃güna naca, rü ñanagürü: —¿Ta̱xacüchiga nixĩ i pidexatanüxü̃ nax nuxã namagu pexĩxü̃? ¿Rü ta̱xacüca̱x nixĩ i pengechaü̃güxü̃? —ñanagürü.

Ore i mexü̃ ga Márcu ümatüxü̃ 14:72

Rü yexgumatama norü taxree̱xpü̱xcüna nica ga ota. Rü yexguma ga Pedru rü nüxna nacua̱xãchi ga yema ore ga ü̃paacü Ngechuchu namaxã nüxü̃ ixuxü̃ ga ñaxü̃: “Naxü̃pa nax taxree̱xpü̱xcüna ota ica̱xaxü̃, rü cuma rü tá tomaepü̱xcüna cugü quixã nax chorü duü̃xü̃ quixĩxü̃”, ñaxü̃. Rü yexguma ga Pedru rü poraãcüxüchima naxaxu.

Ore i mexü̃ ga Matéu ümatüxü̃ 9:15

Rü Ngechuchu nanangãxü̃ rü ñanagürü: —¿Ẽ̱xna wüxi i ngĩgüarü petawa rü pexca̱x namexü̃ nax nangechaü̃güxü̃ rü naxaureexü̃ i ngẽma nüxna naxugüxü̃ ega natanüwa nangẽxmagu i ngẽma ngexwaca ãmaxü̃? Natürü wüxi i ngunexü̃gu rü ngẽma yatü i ngexwaca ãmaxü̃ rü tá namücügüna nayagagü. Rü ngẽma ngunexü̃gu tá nixĩ i aixcüma naxaureexü̃ i namücügü.

Ore i mexü̃ ga Matéu ümatüxü̃ 24:30

Rü ñu̱xũchi duü̃xü̃gü tá nüxü̃ nadaugü nax daxũwa ne nachü̱xüxü̃ ya Tupana Nane ya duü̃xü̃xü̃ ixĩcü. Rü guxü̃ i nachixü̃anecüã̱x i duü̃xü̃gü rü tá naxauxe. Rü tá nüxü̃ nadaugü ya Tupana Nane ya duü̃xü̃xü̃ ixĩcü i ngẽxguma taxü̃ i norü poramaxã rü ngóonexü̃maxã caixanexü̃gügu ínachü̱xüxüegu.

Ore i mexü̃ ga Matéu ümatüxü̃ 19:22

Natürü yexguma yemaxü̃ naxĩnügu ga gumá ngextü̱xücü rü poraãcü nangechaü̃, yerü namu ga norü yemaxü̃gü.