Ore i mexü̃ ga Márcu ümatüxü̃ 16:1 - Tupanaarü Ore

¹ Ngü̃chigaarü ngunexü̃guwena, rü María ga Madarénacüã̱x, rü Charumé, rü María ga Chantiágu naé naxca̱x itaxegü ga pumara nax namaxã nachaãxü̃ca̱x ga Ngechuchuxü̃ne.

Ore i mexü̃ ga Márcu ümatüxü̃ 16:1 Referans Kwoze

Ore i mexü̃ ga Luca ümatüxü̃ 23:56

Rü yexguma ngĩpatawa nangugügu, rü ínamexẽẽgü ga pumara rü chíxü̃. Rü irüngü̃gü ga ngü̃xchigaarü ngunexü̃gu, yerü yema nixĩ ga Tupanaarü mu.

Ore i mexü̃ ga Márcu ümatüxü̃ 15:40

Rü iyexmagü ta ga ñuxre ga ngecügü ga yéma yáxü̃wa nüxü̃ rüdaunücü. Rü yematanüwa iyexmagü ga María ga Madarénacüã̱x, rü Charumé, rü María ga Yúche rü Chantiágu ga rübumaecü naé.

Ore i mexü̃ ga Cuáü̃ ümatüxü̃ 19:31

Natürü ga yema Yudíugü rü tama nanaxwa̱xegü nax curuchagüwa nayexmagüxü̃ ga yema naxü̃negü. Yerü moxü̃ãcü rü ngü̃xchigaarü ngunexü̃ nixĩ. Rü yema Yudíugüca̱x rü yema nixĩ ga guxü̃ ga ngü̃xchigaarü ngunexü̃arü yexera ga üünexü̃, yerü norü peta ga Üpetüchigaarü ügü nixĩ. Rü yemaca̱x Pirátuna naxca̱x nacagü nax churaragü yéma namugüxü̃ca̱x nax yapoyeparagüãxü̃ca̱x nax paxa nayuexü̃ca̱x ga yema curuchawa ipotagüxü̃, rü paxa nax nadeaxü̃ca̱x ga curuchawa naxü̃pa ga ngü̃xchigaarü ngunexü̃.

Ore i mexü̃ ga Cuáü̃ ümatüxü̃ 19:25

Rü Ngechuchuarü curuchapünewa iyexma ga naé ga María, rü ngĩeya̱x, rü María ga Creofáx naxma̱x, rü María ga Madarénacüã̱x.

Ore i mexü̃ ga Márcu ümatüxü̃ 16:8

Rü yexguma ga yema ngecügü rü nüxna íiyabuxmü ga yema naxma̱xü̃, yerü ngĩrü muü̃ẽmaxã poraãcü iyadu̱xruxe. Rü taxúemaama nüxü̃ iyaxugügü, yerü poraãcü imuü̃e.

Ore i mexü̃ ga Márcu ümatüxü̃ 15:47

Rü María ga Madarénacüã̱x rü María ga Yúche naé rü nüxü̃ irüdaunü ga ngexta nax yanaxücuchigüãxü̃.

Ore i mexü̃ ga Márcu ümatüxü̃ 14:8

Rü ñaa nge rü inaxü i guxü̃ma i ngẽma ngĩxü̃́ tauxchaxü̃, rü ngẽmaca̱x yoxni choxü̃ ipumaraxü̃ne naxü̃pa nax ichatáxü̃.

Ore i mexü̃ ga Márcu ümatüxü̃ 14:3

Rü Ngechuchu rü Betániawa naxũ napatawa ga Chimóü̃ ga rüchaxünecümaxã naxugüãcü. Rü yexguma mechawa natoyane, rü yéma ingu ga wüxi ga ngecü ga wüxiwexü̃ ga pumara ga yixichixü̃ ga tatanüxü̃chixü̃ yéma ngecü. Rü iyapoyenágu ga yema pumarachixü̃ ga nuta ga mexẽchicünaxca̱x, rü Ngechuchuerugu inaba ga yema pumara.

Norü taxre ga to ga popera ga ãẽ̱xgacügüchiga ümatüxü̃ 16:14

Rü norü o̱xigü íta̱xgüxü̃gu nanata̱xgü. Rü wüxi ga nachiü̃gu nayaxǘcuchi ga naxü̃ne. Rü nüxü̃ nananucu ga naguxü̃raü̃xü̃ ga pumaragü ga iyixichixü̃. Rü yema yuetamaxü̃ ga Dabíarü Ĩanegu duü̃xü̃güxü̃ naxüxẽẽxü̃gu nanata̱xgü. Rü yemawena rü naégagu nayanaixẽẽgü ga wüxi ga taxü̃ ga üxü.

Ore i mexü̃ ga Luca ümatüxü̃ 23:54

Rü yema nixĩ ga ngunexü̃ ga nagu Yudíugü nügü imexẽẽgüxü̃ naxca̱x ga ngü̃xchigaarü ngunexü̃. Rü yexguma marü nayáuane, rü íxraxü̃ nataxu nax inaxügüxü̃ ga ngü̃xchigaarü ngunexü̃.

Ore i mexü̃ ga Márcu ümatüxü̃ 15:42

Rü yexguma marü nachütachaü̃gu ga yema ngunexü̃ ga Yudíugü nagu nügü imexẽẽgüxü̃ naxca̱x ga ngü̃xchigaarü ngunexü̃, rü noxtacüma Pirátuxü̃tawa naxũ ga Yúche ga Arimatéacüã̱x. Rü gumá Yúche rü Yudíugüarü ãẽ̱xgacügütücumüwa naxü, rü natanüwa ga yema ãẽ̱xgacügü rü poraãcü tachigacü nixĩ. Rü nüma rü ta ínanangu̱xẽxẽ nax Tupana norü ãẽ̱xgacü yixĩxü̃ca̱x. Rü Pirátuxü̃tawa naxca̱x ínayaca ga Ngechuchuxü̃ne.

Naanearü ügüchiga 50:2

Yemawena rü yema dutúrugü ga naxü̃tawa yexmagüxüxü̃ namu nax tama nawa yayixixü̃ i ãte̱xexü̃maxã natüxünegüãxü̃ca̱x ga nanatü ga Iraé. Rü yemaacü nanaxügü ga yema dutúrugü.

Ore i mexü̃ ga Márcu ümatüxü̃ 16:2

Rü pa̱xmamaxü̃chi ga noxri üa̱xcü iyarügoxgu ga yüxüarü ngunexü̃gu, rü yema ngecügü rü íiyadaugü ga yema naxma̱xü̃ ga nagu yanaxücuchigüãxü̃wa.

Ore i mexü̃ ga Luca ümatüxü̃ 24:1

Rü pa̱xmamaxü̃chi ga yüxüarü ngunexü̃gu, rü yema ngecügü rü wenaxarü naxmaxü̃wa íiyadaugü. Rü yéma inangegü ga yema pumara ga yamexẽẽgüxü̃. Rü naigü ga ngecügü rü ta ngĩxü̃ íiyaxümücügü.