Ore i mexü̃ ga Márcu ümatüxü̃ 15:7 - Tupanaarü Ore

⁷ Rü wüxi ga yatü ga Barabágu ãégaxü̃, rü poxcupataü̃gu napoxcu wüxigu namaxã ga togü ga natanüxü̃ ga máetagüxü̃ ga yexguma ãẽ̱xgacümaxã nanuegu.

Ore i mexü̃ ga Márcu ümatüxü̃ 15:7 Referans Kwoze

Ore i mexü̃ ga Luca ümatüxü̃ 23:25

Rü Barabáxü̃ ninge̱x, yerü yema nixĩ ga nümagü naxca̱x ícagüxü̃. Rü yema Barabá nixĩ ga poxcuxü̃ naxca̱x nax duü̃xü̃güxü̃ ãẽ̱xgacümaxã nanuẽxẽẽxü̃ rü namáetaxü̃. Rü yexguma ga Pirátu rü nüxna Ngechuchuxü̃ namu nax namaxã naxügüã̱xü̃ca̱x ga yema nümagü nanaxwa̱xegüxü̃.

Ore i mexü̃ ga Matéu ümatüxü̃ 27:16

Rü yéma nayexma ga wüxi ga poxcuxü̃ ga tachigaxü̃ ga Barabágu ãégaxü̃.

Ore i mexü̃ ga Márcu ümatüxü̃ 15:6

Rü gucü ga taunecügu ga yexguma yema Üpetüchigaarü petawa nanguxgu rü Pirátu ínananguxuchixẽẽxü̃ ga wüxi ga poxcuxü̃ ga duü̃xü̃gü naxca̱x ícagüxü̃, yerü yema nixĩ ga nacüma.

Ore i mexü̃ ga Márcu ümatüxü̃ 15:8

Rü nüma ga duü̃xü̃gü rü yéma Pirátuxü̃tawa naxĩ. Rü inanaxügüe ga Pirátuna nax nacagüexü̃ nax naxca̱x yangéãxü̃ca̱x ga wüxi ga poxcuxü̃ aixrügumarüxü̃.