Ore i mexü̃ ga Márcu ümatüxü̃ 15:6 - Tupanaarü Ore

⁶ Rü gucü ga taunecügu ga yexguma yema Üpetüchigaarü petawa nanguxgu rü Pirátu ínananguxuchixẽẽxü̃ ga wüxi ga poxcuxü̃ ga duü̃xü̃gü naxca̱x ícagüxü̃, yerü yema nixĩ ga nacüma.

Ore i mexü̃ ga Márcu ümatüxü̃ 15:6 Referans Kwoze

Ngechuchuarü ngúexü̃gü ga yamugüxü̃arü puracüchiga 25:9

Natürü nüma ga Féstu rü Yudíugümaxã nügü namecümaxẽẽchaü̃, rü yemaca̱x Pauruna naca, rü ñanagürü nüxü̃: —¿Cunaxwa̱xexü̃ nax Yerucharéü̃wa cuxũxü̃ nax ngéma cuxna chacaxü̃ca̱x naxca̱x i guxü̃ma i ngẽma naxca̱x cuxü̃ ínaxuaxü̃güxü̃? —ñanagürü.

Ngechuchuarü ngúexü̃gü ga yamugüxü̃arü puracüchiga 24:27

Rü taxre ga taunecü yemaacü nixĩ. Rü ínanguxuchi ga Férix nax ãẽ̱xgacü yixĩxü̃, rü nachicüü ningucuchi ga Pórchiu ga Féstu. Natürü nüma ga Férix, rü Yudíugümaxã nügü namecümaxẽẽchaü̃, rü yemaca̱x tama Pauruxü̃ ínanguxuchixẽẽ.

Ore i mexü̃ ga Matéu ümatüxü̃ 26:5

Natürü nügümaxã ñanagürügü: —Taxucürüwa i ñu̱xma petagu tayayauxgü, erü duü̃xü̃gü rü tá tamaxã nanue —ñanagürügü.

Ore i mexü̃ ga Matéu ümatüxü̃ 26:2

—Pema nüxü̃ pecua̱x rü taxre i ngunexü̃ nataxu nax nawa nanguxü̃ i Üpetüchigaarü peta. Rü ngẽxguma tá nixĩ iyayauxgüãxü̃ ya Tupana Nane ya duü̃xü̃xü̃ ixĩcü nax curuchawa yapotagüãxü̃ca̱x —ñanagürü.

Ore i mexü̃ ga Cuáü̃ ümatüxü̃ 19:16

Rü yexguma ga Pirátu rü yema Yudíugüna Ngechuchuxü̃ namu nax curuchawa yapotagüãxü̃ca̱x. Rü nümagü rü nayagagü.

Ore i mexü̃ ga Márcu ümatüxü̃ 15:7

Rü wüxi ga yatü ga Barabágu ãégaxü̃, rü poxcupataü̃gu napoxcu wüxigu namaxã ga togü ga natanüxü̃ ga máetagüxü̃ ga yexguma ãẽ̱xgacümaxã nanuegu.

Ore i mexü̃ ga Cuáü̃ ümatüxü̃ 18:16

Natürü ga Pedru rü ĩã̱xarü düxétügutama narüxã̱ũ̱x. Rü yemaca̱x ínaxũxũ ga yema to ga ngúexü̃, rü yema ĩã̱xarü dauruxü̃ ga ngecümaxã nayarüdexa rü yexguma Pedruxü̃ iyamucuchi.