Ore i mexü̃ ga Márcu ümatüxü̃ 15:34 - Tupanaarü Ore

³⁴ Rü yematama oragu rü tagaãcü aita naxü ga Ngechuchu, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax ¿tü̱xcüü̃ choxna quixũgachixü̃?” ñaxü̃chiga nixĩ.

Ore i mexü̃ ga Márcu ümatüxü̃ 15:34 Referans Kwoze

Wiyaegü 22:1

Pa Chorü Tupanax, Pa Chorü Tupanax ¿tü̱xcüü̃ choxna quixũgachi? ¿Rü tü̱xcüü̃ choxna cuyáxü̃gu rü tama choxü̃ curüngü̃xẽxẽ rü tama nüxü̃ cuxĩnü i chorü axu?

Ore i mexü̃ ga Matéu ümatüxü̃ 27:46

Rü yema tomaepü̱xarü oragu rü Ngechuchu rü tagaãcü aita naxü, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax, ¿tü̱xcüü̃ choxna quixũgachixü̃?” ñaxü̃chiga nixĩ.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Wiyaegü 27:9

¡Rü taxṹ i cha̱u̱xcha̱xwa iquicúxü̃, rü taxṹ i curü numaxã choxü̃ cuxoxü̃! Erü cuxicatama nixĩ i chorü ngü̃xẽẽruxü̃ quixĩxü̃. ¡Rü taxṹ i chaxica nua choxü̃ cutáxü̃ nax ngẽmaãcü changemücüxü̃ca̱x! Erü cuma nixĩ ya chorü Tupana rü chorü maxẽẽruxü̃ quixĩxü̃.

Wiyaegü 71:11

Rü ñanagürügü: —¡Nawe pingẽxü̃tanü rü peyayauxgü, erü ya Tupana rü marü nüxna nixũgachi rü taxúetama ítanapoxü̃! —ñanagürügü.

Danié 9:21

Rü yexguma íchayumüxẽyane rü cha̱u̱xca̱x nango̱x ga Tupanaarü orearü ngeruxü̃ ga dauxü̃cüã̱x ga Gábi ga ü̃pa cha̱u̱xca̱x ngócü ga yexguma Tupana choxü̃ ngo̱xetüxẽẽgu. Rü yagoeãcü yema íchayexmaxü̃wa nangu. Rü yema ora ga Tupanaca̱x ãmaregü yagugüxü̃ ga yáuanecü nixĩ ga chauxü̃tawa nanguxü̃.

Ichaía 41:17

Rü yíxema ngearü diẽruã̱xgüxe rü tita̱xawae rü naxca̱x tadaugü i dexá natürü taxuxü̃ma itayangaugü. Rü ta̱xawamaxã tipaarü conüã̱x. Natürü choma ya Cori ya Tupana rü tá tüxü̃ charüngü̃xẽxẽxü̃, rü choma nax Iraétanüxü̃arü Tupana chixĩxü̃ rü taxũtáma tüxü̃ íchawogümare.

Wiyaegü 42:9

Rü ñachagürü nüxü̃ ya Tupana ya chorü poxü̃ruxü̃: —¿Tü̱xcüü̃ choxü̃ curüngü̃ma? ¿Rü ta̱xacüca̱x i ñu̱xma rü ngechaü̃ãcü ichixũxü̃ rü choxü̃ nua nachixeãẽgüxü̃ i chorü uanügü? —ñachagürü.

Ngechuchuarü ngúexü̃gü ga yamugüxü̃arü puracüchiga 10:3

Rü wüxi ga ngunexü̃ ga yexguma tomaepü̱xarü orawa nanguxchaü̃gu ga yáuanecü, rü nango̱xetü. Rü meama nüxü̃ nadau ga wüxi ga Tupanaarü orearü ngeruxü̃ ga daxũcüã̱x ga yema ucapu ga nawa nayexmaxü̃gu ücuxü̃. Rü ñanagürü nüxü̃: —Pa Cornériux —ñanagürü.

Ore i mexü̃ ga Luca ümatüxü̃ 23:46

Rü yexguma ga Ngechuchu rü poraãcü aita naxü rü ñanagürü: —Pa Chaunatüx, cuxme̱xwa chanange̱x i chauãxẽ —ñanagürü. Rü yema ñaxguwena rü nayu.

Ore i mexü̃ ga Luca ümatüxü̃ 23:44

Rü yexguma tocuchiwa nanguxgu rü guxü̃wama naxẽane ñu̱xmata tomaepü̱xarü orawa nangu ga yáuanecü.

Auxexü̃chiga 5:20

¿Rü ta̱xacüca̱x i guxü̃gutáma toxü̃ icurüngümaxü̃? ¿Rü ta̱xacüca̱x mucü ya taunecü nua toxü̃ cuwogümare?

Auxexü̃chiga 1:12

¡Pema nax namagu pexĩxü̃, rü peyachiãchitanü nax mea nagu perüxĩnüexü̃ca̱x i ñaa ngúxü̃ i chingexü̃! ¿Tü̱xcüü̃ petaãẽgü nax choxü̃ pidauxü̃ nax ngúxü̃ chingexü̃? ¿Rü ta̱xacürü to ga ĩane nixĩ ga chauxrüxü̃ Cori ya Tupana ngúxü̃ nüxü̃ ingexẽxẽxü̃ yema choxü̃ yangexẽxẽxü̃rüxü̃ ga yexguma chomaxã nanuxgu?

Ore i mexü̃ ga Matéu ümatüxü̃ 27:45

Rü tocuchigu inaxügü rü ñu̱xmata tomaepü̱xarü orawa nangu nax naxẽanexü̃ ga guxü̃ ga naanewa.

Ore i mexü̃ ga Márcu ümatüxü̃ 15:25

Rü pa̱xmama meama 9 arü ora nixĩ ga yexguma curuchawa yapotagüãxü̃.

Ore i mexü̃ ga Márcu ümatüxü̃ 15:35

Rü nümaxü̃ ga duü̃xü̃gü ga yéma yexmagüxü̃, rü nüxü̃ naxĩnüe rü ñanagürügü: —¡Dücax, nüxü̃ pexĩnüe! Nũxcümaü̃cü ga Tupanaarü orearü uruxü̃ ga Eríaca̱x naca —ñanagürügü.